នារសៀលថ្ងៃទី ២៨ ខែធ្នូ នៅវិមានប្រធានរដ្ឋ លោក Nguyen Xuan Phuc ប្រធានរដ្ឋវៀតណាម បានអញ្ជើញទទួលជួបឯកអគ្គរាជទូតកម្ពុជា មកជំរាបលាក្នុងឱកាសបញ្ចប់អាណត្តិបេសកកម្មការទូតនៅវៀតណាម។
ប្រធានរដ្ឋ Nguyen Xuan Phuc ជួបជាមួយអាណិកជនវៀតណាមនៅឥណ្ឌូនេស៊ី |
ប្រធានរដ្ឋវៀតណាមលោក Nguyen Xuan Phuc បញ្ចប់ប្រកបដោយជោគជ័យនូវដំណើរទស្សនកិច្ចផ្លូវរដ្ឋនៅកូរ៉េខាងត្បូង |
លោក Nguyen Xuan Phuc ប្រធានរដ្ឋវៀតណាម អញ្ជើញទទួលជួបលោក ចាយ ណាវុធ ឯកអគ្គរាជទូតកម្ពុជា មកជំរាបលា |
ក្នុងជំនួបជាមួយលោក ចាយ ណាវុធ ឯកអគ្គរាជទូតនៃព្រះរាជាណាចក្រកម្ពុជាប្រចាំនៅវៀតណាម លោក Nguyen Xuan Phuc ប្រធានរដ្ឋវៀតណាម បានលើកឡើងអំពីសមិទ្ធផលកិច្ចសហប្រតិបត្តិការដ៏ល្អរវាងប្រទេសទាំងពីរ។ ក្នុងនោះ ការទុកចិត្តខាងនយោបាយត្រូវបានពង្រឹងកាន់តែខ្លាំងឡើង។ ភាគីទាំងពីរកំពុងសម្របសម្រួលអនុវត្តប្រកបដោយប្រសិទ្ធភាពលើវិស័យសហប្រតិបត្តិការជាច្រើន រួមទាំងការកសាងព្រំដែនវៀតណាម-កម្ពុជា ប្រកបដោយសន្តិភាព ស្ថិរភាព មិត្តភាព និងកិច្ចសហប្រតិបត្តិការសម្រាប់ការអភិវឌ្ឍទៅវិញទៅមក។
វាយតំលៃខ្ពស់ចំពោះលោក ចាយ ណាវុធ ឯកអគ្គរាជទូត ចំពោះការខិតខំប្រឹងប្រែងរបស់លោកក្នុងអាណត្តិកន្លងមក លោកប្រធានរដ្ឋវៀតណាម មានប្រសាសន៍ថា ទោះបីជារងផលប៉ះពាល់ដោយជំងឺរាតត្បាត Covid-19 ក៏ដោយ ក៏ទំនាក់ទំនង និងជំនួបរវាងថ្នាក់ដឹកនាំនៃប្រទេសទាំងពីរនៅតែត្រូវបានរក្សាដដែល។ ជាពិសេស ពាណិជ្ជកម្មរវាងប្រទេសទាំងពីរមានការរីកចម្រើនខ្លាំង គិតត្រឹមខែវិច្ឆិកា ឆ្នាំ២០២២ សម្រេចបានជិត ១០ ពាន់លានដុល្លារអាមេរិក កើនឡើង ១៣.២% ធៀបនឹងរយៈពេលដូចគ្នាក្នុងឆ្នាំ២០២១។ លោកប្រធានរដ្ឋបានស្វាគមន៍ចំពោះកិច្ចសហប្រតិបត្តិការរវាងភាគីទាំងពីរ ភាគីទាំងពីរបានរៀបចំសកម្មភាពជាច្រើនក្នុងក្របខ័ណ្ឌនៃ “ឆ្នាំមិត្តភាពវៀតណាម-កម្ពុជា ឆ្នាំ២០២២” ជាពិសេសគឺខួបលើកទី ៤៥ នៃ “ដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត” និងខួបលើកទី ៥៥ នៃទិវាបង្កើតទំនាក់ទំនងការទូតវៀតណាម-កម្ពុជា នៅទីក្រុងហាណូយ។
លោកប្រធានរដ្ឋអបអរសាទរកម្ពុជាក្នុងការរៀបចំការបោះឆ្នោតក្រុមប្រឹក្សាឃុំសង្កាត់អាណត្តិទី ៥ ដោយជោគជ័យនៅខែមិថុនា ឆ្នាំ២០២២។ ព្រមទាំងជឿជាក់ថា នេះជាមូលដ្ឋានរឹងមាំសម្រាប់កម្ពុជាក្នុងការបោះឆ្នោតជ្រើសតាំងតំណាងរាស្រ្តរដ្ឋសភានីតិកាលទី ៧ នៅឆ្នាំ២០២៣ ប្រកបដោយជោគជ័យ អបអរសាទរកម្ពុជាចំពោះជោគជ័យជាច្រើនក្នុងនាមជាប្រធានអាស៊ានឆ្នាំ២០២២ និងជាប្រធាន AIPA លើកទី៤៣។
លោក ចាយ ណាវុធ ឯកអគ្គរាជទូតកម្ពុជា បានថ្លែងអំណរគុណចំពោះបក្ស រដ្ឋ និងប្រជាជនវៀតណាម ដែលបានជួយកម្ពុជាយ៉ាងសកម្ម ទោះបីស្ថិតក្នុងបរិបទនៃការប្រយុទ្ធប្រឆាំងនឹងជំងឺរាតត្បាតក៏ដោយ។ ជាពិសេស វៀតណាមក្នុងនាមជាប្រធានអាស៊ានឆ្នាំ ២០២០ បានដាក់ចេញនូវគំនិតផ្តួចផ្តើមសំខាន់ៗជាច្រើនដើម្បីលើកកម្ពស់សាមគ្គីភាព និងកិច្ចសហប្រតិបត្តិការអាស៊ាន ក្នុងការគ្រប់គ្រងជំងឺប្រកបដោយប្រសិទ្ធភាព។ កម្ពុជាវាយតម្លៃខ្ពស់ចំពោះកិច្ចសហប្រតិបត្តិការរបស់វៀតណាមជាមួយកម្ពុជា ក្នុងការរៀបចំសកម្មភាពជាក់ស្តែងជាច្រើន ពូនជ្រំទំនាក់ទំនងមិត្តភាពជាប្រពៃណីរវាងប្រទេសទាំងពីរក្នុង “ឆ្នាំមិត្តភាពវៀតណាម - កម្ពុជាឆ្នាំ ២០២២”។ លោកឯកអគ្គរាជទូតបានអះអាងថា ទោះស្ថិតក្នុងឋានៈណាក៏ដោយ លោកនឹងខិតខំប្រឹងប្រែងជានិច្ច ដើម្បីរួមចំណែកលើកកម្ពស់ទំនាក់ទំនងមិត្តភាពជាប្រពៃណីរវាងវៀតណាម និងកម្ពុជា៕
មតិពីមិត្តអ្នកអាន