យុគសម័យ - ភូមិ Ta Van ជាភូមិជនជាតិភាគតិចមួយក្នុងចំណោមភូមិជនជាតិភាគតិចមួយចំនួននៅទីរួមស្រុក Sa Pa ដែលយើងអាចទៅដល់បានយ៉ាងងាយស្រួល។ មកដល់ភូមិ Ta Van អ្នកនឹងមើលឃើញនូវជីវភាពរស់នៅរបស់ប្រជាជននៅតែមានភាពស្ងប់ស្ងាត់ សាមញ្ញា មិនទាន់រងឥទ្ធិពលពីនគរូបនីយកម្មដូចភូមិដ៏ទៃទៀត។
 ភ្ញៀវទេសចរជាង ៣ ម៉ឺននាក់អញ្ជើញមកទស្សនាបុណ្យផ្កាកុលាបនៅទីក្រុង Sa Pa |
 អញ្ជើញមកតំបន់ 'Sa Pa' នៃខេត្ត Thanh Hoa ដើម្បីគយគន់ទេសភាពនិទាឃរដូវមកដល់ |
 |
ប្រសិនបើចង់ឱ្យភ្ញៀវវិលត្រឡប់មក Sa Pa ម្តងទៀត នោះមានតែភូមិសាមញ្ញ និងតាមបែបជនបទដែលពោរពេញដោយអត្តសញ្ញាណវប្បធម៌របស់ជនជាតិភាគតិចនៅទីនេះប៉ុណ្ណោះដែលនឹងមានភាពទាក់ទាញនោះ។ ហើយនៅក្នុងភូមិទាំងនោះ មានភូមិ Ta Van ដែលជាភូមិដ៏ស្រស់ស្អាត និងសុខសាន្តមួយនៃទីរួមស្រុក Sa Pa ។
ជាប់នឹងវាលស្រែកាំជណ្តើរគឺជាផ្ទះបុរាណ តាមដងផ្លូវដែលមើលទៅរឹងមាំ ស្អាត និងតូចៗ។ នៅក្នុងនោះមានផ្ទះដែលសាងសង់ក្នុងឆ្នាំ ១៩៣៤ នោះគឺជាផ្ទះរបស់លោក Lo A Muc ឬអ្នកក៏អាចទៅលេងផ្ទះរបស់លោក Hoang Dinh ដើម្បីថតរូបអនុស្សាវរីយ៍ជាមួយនឹងផ្ទះបុរាណៗទាំងនោះ ដែលមានអាយុច្រើនឆ្នាំផងដែរ។
 |
លក្ខណៈផ្ទះរបស់ជនជាតិ Giay សាងសង់ពីឈើផុតពីដី។ជាមួយនឹងរចនាសម្ព័នបុរាណ ទីសក្ការៈបូជាបុព្វបុរសត្រូវបានធ្វើពីឈើ Pomu ។ អង្គុយស្តាប់អ្នកស្រុកប្រាប់ពីទំនៀមទម្លាប់ ប្រពៃណី ឬរឿងរ៉ាវក្នុងជីវិតប្រចាំថ្ងៃ ពិសាស្រាពោតមួយកែវ ដែលជាភេសជ្ជៈពិសេសរបស់ជនជាតិភាគតិច ដើម្បីទទួលបានបទពិសោធន៍ និងយល់កាន់តែច្បាស់ពីជីវិតរបស់អ្នកភូមិ Ta Van ។
មកដល់ភូមិ Ta Van ក្នុងរដូវដែលប្រជាជនបញ្ចូលទឹកក្នុងវាលស្រែ អ្នកនឹងឃើញវាលស្រែកាំជណ្តើរដូចកញ្ចក់ពណ៌សដ៏ធំមួយដែល ឆ្លុះបញ្ចាំងពីទេសភាពភ្នំ។ មកដល់ភូមិ Ta Van ក្នុងរដូវក្ដៅ វាលស្រែកាំជណ្តើរមានពណ៌បៃតងខ្ចី។ នាសរទរដូវ វាលស្រែក្លាយទៅជាពណ៌មាស ដែលមានន័យថា រដូវច្រូតកាត់និងរដូវប្រមូលផលស្រូវមកដល់ហើយ។ នេះគឺជារដូវដែលអ្នកទេសចរច្រើនចង់មកទស្សនាភូមិ Ta Van ដើម្បីមើលសមុទ្រស្រូវពណ៌មាស។
 |
បើអ្នកទេសចរចង់ទៅភូមិ Ta Van នារដូវផ្ការីក អ្នកនឹងឃើញផ្ទះបុរាណស្ថិតចម្រុះនឹងពណ៌ផ្កាឈូកភ្លឺនៃផ្កាផ្លែម៉ាក់ខៃ និងពណ៌សនៃផ្កាស៊ីរី និងផ្កា plum ។ ភូមិ Ta Van ក្នុងរដូវរងាគ្របដណ្តប់ដោយព្រិលពណ៌សនៃព្រិល ដែលផ្តល់ឱ្យអ្នកទេសចរនូវអារម្មណ៍ដូចជាការវង្វេងនៅក្នុងតំបន់ដ៏បរិសុទ្ធដោយគ្មានភាពច្របូកច្របល់។
អ្នកក្នុងភូមិ Ta Van មានភាពស្មោះត្រង់ សាមញ្ញ និងមានភាពរួសរាយរាក់ទាក់ណាស់ ពេលដែលអ្នកមកទីនេះ គេនឹងស្វាគមន៍អ្នកយ៉ាងកក់ក្តៅ ដែលធ្វើឲ្យអ្នកមានអារម្មណ៍សុខស្រួលដូចជាក្នុងផ្ទះរបស់អ្នក។ អ្នកក៏នឹងជួបកុមារនៅតាមផ្លូវក្នុងភូមិដែរ។ នៅក្នុងដៃរបស់ពួកគេបានកាន់វត្ថុអនុស្សាវរីយ៍តូចៗដែលធ្វើពីក្រណាត់ជនជាតិភាគតិចដ៏ស្រស់ស្អាត ដោយមានតម្លៃត្រឹមតែ ១ ម៉ឺនដុង។ អ្នកអាចថតរូបអនុស្សាវរីយ៍ជាមួយក្មេងៗ ចែករំលែកស្ករគ្រាប់ ខ្ចប់អាហារសម្រន់ ពួកគេនឹងស្រលាញ់ និងពេញចិត្តចំពោះអ្នកកាន់តែច្រើន៕
https://dulich.petrotimes.vn/ban-ta-van-vung-dat-binh-yen-cua-thi-tran-may-mu-sa-pa-671848.html
មតិពីមិត្តអ្នកអាន