លោក Vuong Dinh Hue ប្រធានរដ្ឋសភាវៀតណាម អញ្ចើញមកដល់រាជធានីភ្នំពេញ ចាប់ផ្តើមបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា

ប្រធានរដ្ឋសភា លោក Vuong Dinh Hue៖ កសាងផ្នែកបោះពុម្ពផ្សាយទៅជាផ្នែកសំខាន់មួយនៃឧស្សាហកម្មវប្បធម៌

ប្រធានរដ្ឋសភា លោក Vuong Dinh Hue៖ បន្តលើកកំពស់ប្រសិទ្ធភាពនៃការងារ ឃ្លាំមើល

សហគមន៍អាណិកជនវៀតណាមនៅទីក្រុងភ្នំពេញទទួលស្វាគមន៍លោកប្រធានរដ្ឋសភា និងគណៈប្រតិភូវៀតណាមនៅអាកាសយានដ្ឋានអន្តរជាតិពោធិ៍ចិនតុង

ទទួលបដិសណ្ឋារកិច្ចលោក Vuong Dinh Hue ប្រធានរដ្ឋសភាវៀតណាម និងគណៈប្រតិភូជាន់ខ្ពស់នៃរដ្ឋសភាវៀតណាម នៅអាកាសយានដ្ឋានអន្តរជាតិពោធិ៍ចិនតុងមានវត្តមានលោក Nguyen Huy Tang ឯកអគ្គរដ្ឋទូតវៀតណាមប្រចាំកម្ពុជា បុគ្គលិកស្ថានទូត និងអាណិកជនវៀតណាមជាច្រើននៅកម្ពុជា។

ភាគីកម្ពុជាមានលោក ជាម យៀប អនុប្រធានទី១ នៃរដ្ឋសភាកម្ពុជា; លោក សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភាកម្ពុជា........;

ក្នុងប៉ុន្មានឆ្នាំមកនេះ ទំនាក់ទំនងនយោបាយរវាងវៀតណាម និងកម្ពុជាត្រូវបានរក្សា ដើរតួនាទីយ៉ាងសំខាន់ក្នុងទំនាក់ទំនងរវាងប្រទេសទាំងពីរ។ នៅឆ្នាំ២០២២ ភាគីទាំងពីរនឹងសម្របសម្រួលរៀបចំសកម្មភាពដ៏មានអត្ថន័យជាច្រើនក្នុងក្របខណ្ឌនៃឆ្នាំមិត្តភាពវៀតណាមនិងកម្ពុជា - កម្ពុជា និងវៀតណាម ស្របពេលអបអរសាទរខួបលើកទី ៥៥ នៃការបង្កើតទំនាក់ទំនងការទូត (២៤ មិថុនា ១៩៦៧ / ២៤ មិថុនា ២០២២)។ ទំនាក់ទំនងរវាងរដ្ឋសភាវៀតណាមជាមួយរដ្ឋសភា និងព្រឹទ្ធសភាកម្ពុជា បន្តត្រូវបានពង្រឹង និងអភិវឌ្ឍយ៉ាងល្អទាំងលើកម្រិតទ្វេភាគី និងពហុភាគី។

នេះជាដំណើរទស្សនកិច្ចផ្លូវការលើកដំបូងនៅកម្ពុជារបស់លោក Vuong Dinh Hue ក្នុងតំណែងជាប្រធានរដ្ឋសភា​វៀតណាម។ ក្នុងក្របខ័ណ្ឌនៃដំណើរទស្សនកិច្ចនេះ បន្ទាប់ពីពិធីទទួលបដិសណ្ឋារកិច្ចនាព្រឹកថ្ងៃទី ១៩ ខែវិច្ឆិកា លោក Vuong Dinh Hue និងគណៈប្រតិភូនឹងជួបពិភាក្សាការងារជាមួយប្រធានរដ្ឋសភាកម្ពុជា។ លោក Vuong Dinh Hue ក៏នឹងមានជំនួបទ្វេភាគីជាមួយថ្នាក់ដឹកនាំជាន់ខ្ពស់កម្ពុជា ... បន្ទាប់មក លោក Vuong Dinh Hue ប្រធានរដ្ឋសភាវៀតណាមនឹងចូលរួមមហាសន្និបាតអន្តរសភាអាស៊ាន លើកទី៤៣ ដែលកម្ពុជាធ្វើជាម្ចាស់ផ្ទះ។

នៅឆ្នាំ ២០២២ ប្រជាជននៃប្រទេសទាំងពីរវៀតណាម និងកម្ពុជាបានរួមគ្នាប្រារព្ធខួបលើកទី ៥៥ នៃការបង្កើតទំនាក់ទំនងការទូត។ ដើម្បីអបអរសាទរព្រឹត្តិការណ៍នេះ សមាគមមិត្តភាពវៀតណាម-កម្ពុជាគ្រប់លំដាប់ថ្នាក់នៅទូទាំងប្រទេសបាននិងកំពុងអនុវត្តជាបន្ទាន់នូវផែនការ និងរៀបចំសកម្មភាពប្រកបដោយប្រសិទ្ធភាព និងជាក់ស្តែងជាច្រើន រួមទាំងការជួបប្រាស្រ័យមិត្តភាព វប្បធម៌-សិល្បៈ យើងជឿជាក់យ៉ាងមុតមាំថា ក្រោមការដឹកនាំ និងទិសដៅរបស់បក្ស និងរដ្ឋាភិបាល ការខិតខំប្រឹងប្រែងរួមគ្នារបស់គ្រប់ក្រសួង សាខា អង្គការមហាជន មូលដ្ឋាន និងសហគមន៍ធុរកិច្ច រួមទាំងសមាគមគ្រប់លំដាប់ថ្នាក់ និងសមាជិកសមាគមមិត្តភាពវៀតណាម-កម្ពុជានៅទូទាំងប្រទេសនោះ ឆ្នាំមិត្តភាពវៀតណាម-កម្ពុជា ឆ្នាំ ២០២២ នឹងទទួលបានជោគជ័យយ៉ាងត្រចះត្រចង់ ទំនាក់ទំនងមិត្តភាពជាប្រពៃណី និងសាមគ្គីភាព និងកិច្ចសហប្រតិបត្តិការលើគ្រប់វិស័យរវាងវៀតណាម និងកម្ពុជាកាន់តែរឹងមាំ ជាក់ស្តែង និងមានប្រសិទ្ធភាពដើម្បីផលប្រយោជន៍រួមរបស់ប្រជាជនទាំងពីរ ដើម្បីសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងនៅលើពិភពលោក៕

យោងតាមកាសែតកងទ័ពប្រជាជន