កម្មវិធីជួបប្រាស្រ័យមិត្តភាពនិងកិច្ចសហប្រតិបត្តិការរវាងប្រជាជនវៀតណាម-កម្ពុជាលើកទី៥

ជំរុញកិច្ចសហប្រតិបត្តិការយុវជនវៀតណាម-កម្ពុជា

សមាគមសហគ្រិនវ័យក្មេងវៀតណាមជំរុញទំនាក់ទំនងកិច្ចសហប្រតិបត្តិការ វៀតណាម-កម្ពុជា

កម្មវិធីសម្តែងសិល្បៈក្នុងកម្មវិធី “ជួបប្រាស្រ័យមិត្តភាព និងកិច្ចសហប្រតិបត្តិការរវាងប្រជាជនវៀតណាម-កម្ពុជា លើកទី៥”

នាព្រឹកថ្ងៃទី៦ ខែវិច្ឆិកា សមាគមមិត្តភាពវៀតណាម-កម្ពុជា សហភាពអង្គការមិត្តភាពវៀតណាម សហការជាមួយសមាគមមិត្តភាពកម្ពុជា-វៀតណាម និងខេត្ត Binh Phuoc ដើម្បីរៀបចំកម្មវិធីជួបប្រាស្រ័យមិត្តភាព និងកិច្ចសហប្រតិបត្តិការរវាងប្រជាជនវៀតណាម-កម្ពុជាលើក ទី ៥។ នេះគឺជាសកម្មភាពមួយក្នុងចំណោមសកម្មភាពក្នុងឱកាសរំលឹក ខួបលើកទី ៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា។ អញ្ជើញចូលរួម និងថ្លែងមតិក្នុងកម្មវិធីនេះ ឧបនាយករដ្ឋមន្ត្រីអចិន្ត្រៃយ៍ លោក Pham Binh Minh បានសង្កត់ធ្ងន់ថា វៀតណាមជានិច្ចកាលតែងតែយកចិត្តទុកដាក់យ៉ាងខ្លាំងចំពោះការពង្រឹង និងអភិវឌ្ឍន៍ទំនាក់ទំនង “អ្នកជិតខាងល្អ មិត្តភាពជាប្រពៃណី និងកិច្ចសហប្រតិបត្តិការលើគ្រប់ជ្រុងជ្រោយ និរន្តរភាពយូរអង្វែង” ជាមួយកម្ពុជា។ ក្នុងបរិបទដែលពិភពលោកកំពុងជួបប្រទះនូវការផ្លាស់ប្តូរដ៏ស្មុគស្មាញ និងមិនអាចទាយទុកជាមុនបាន ប្រទេសទាំងពីរកាន់តែយល់ដឹងអំពីសារៈ សំខាន់ជាយុទ្ធសាស្ត្រ និងសារៈសំខាន់នៃទំនាក់ទំនងវៀតណាម-កម្ពុជា ក្នុងបុព្វហេតុកសាង និងអភិរក្សការពារមាតុភូមិនៃប្រទេសនីមួយៗ។

ឧបនាយករដ្ឋមន្ត្រី Pham Binh Minh បានអះអាងថា ក្នុងបរិបទនៃការផ្លាស់ប្តូរដ៏ស្មុគស្មាញ និងមិនអាចទាយទុកជាមុនបានក្នុងស្ថានភាពពិភពលោក ប្រទេសទាំងពីរយល់កាន់តែស៊ីជម្រៅអំពីសារៈសំខាន់ជាយុទ្ធសាស្ត្រ និងសារៈសំខាន់នៃទំនាក់ទំនងវៀតណាម-កម្ពុជា ដើម្បីបុព្វហេតុកសាង និងការពារមាតុភូមិក្នុងប្រទេសនីមួយៗ។

ដោយអះអាងនូវតួនាទីសំខាន់នៃទំនាក់ទំនងការទូតរវាងប្រជាជន និងប្រជាជន ឧបនាយករដ្ឋមន្ត្រីអចិន្ត្រៃយ៍បានស្នើឱ្យអង្គការមិត្តភាពប្រជាជននៃប្រទេសទាំងពីរបន្តជំរុញសកម្មភាពជាក់ស្តែង សំដៅបង្កើនការយល់ដឹងស៊ីជម្រៅបន្ថែមទៀតរវាងប្រជាជននៃប្រទេសទាំងពីរ។ ជាពិសេសយុវជនជំនាន់ក្រោយអំពីប្រវត្តិសាស្ត្រដ៏រុងរឿង និងវីរភាពនៃទំនាក់ទំនងវៀតណាម-កម្ពុជា។

ក្នុងពិធីនេះ លោកជំទាវ ម៉ែន សំអន អនុប្រធានគណបក្សប្រជាជនកម្ពុជា ឧបនាយករដ្ឋមន្ត្រី ប្រធានសមាគមមិត្តភាពកម្ពុជា-វៀតណាម សង្ឃឹមថា នាពេលខាងមុខ ប្រទេសទាំងពីរនឹងបន្តកិច្ចសហប្រតិបត្តិការល្អប្រសើរថែមទៀត ដើម្បីអនុវត្តអនុស្សរណៈនៃការយោគយល់គ្នាសម្រាប់ដំណាក់កាល ២០២២-២០២៧។

ក្នុងក្របខ័ណ្ឌនៃកម្មវិធី គណៈប្រតិភូប្រជាជនទាំងពីរបានចូលរួមសន្និសីទបូកសរុបរយៈពេល ១០ ឆ្នាំនៃកម្មវិធី “បណ្តុះពន្លកមិត្តភាព” និងចែករំលែកនូវបទពិសោធន៍ក្នុងសកម្មភាពរវាងអង្គការមិត្តភាពប្រជាជនទាំងពីរ៕

យោងតាមវិទ្យុសំលេងវៀតណាម