ប្រជាជនកម្ពុជាអបអរពិធីបុណ្យចូលឆ្នាំថ្មីប្រពៃណីខ្មែរ ក្នុងស្ថានភាពនៃការរីករាលដាលនៃជំងឺ Covid-19

លោក ខៀវ កាញារីទ្ធ រដ្ឋមន្រ្តីក្រសួងព័ត៌មាននិងភរិយាបានអុជធូប នៅពេលវេសាឆ្លងឆ្នាំចាស់ចូលឆ្នាំថ្មី។

ប្រជាជនកម្ពុជាជឿជាក់ថា នៅពេលវេលាឆ្លងឆ្នាំចាស់ចូលឆ្នាំថ្មី ទេវតា​ឆ្នាំ​ថ្មីនឹងត្រូវបញ្ជូនទៅផែនដី ដើម្បីជំនួសទេវតាឆ្នាំចាស់ និង​ថែរក្សាមនុស្សក្នុងនៅឆ្នាំថ្មី។ នៅពេលវេលាដ៏ពិសិដ្ឋនេះ ក្រុមគ្រួសារនីមួយៗតែងអុជធូប នៅលើទីស្ការៈបូជា ដោយដាក់រណ្តាប់ទទួលទេវតាដែលបានរៀបចំយ៉ាងហ្មត់ចត់ ដើម្បីស្វាគមន៍ព្រះទេវតាថ្មី និងបួងសួងអ្វីៗ ដែលល្អ ៗ កើតឡើងក្នុងឆ្នាំថ្មី គ្រួសាររីករាយ ...

ប្រជាជនដែលទៅវត្តក៏គោរពយ៉ាងតឹងរឹងនូវបទបញ្ជាស្តីពីការរក្សាគម្លាតសង្គម ដើម្បីការពារនិង​ទប់ស្កាត់នឹងការរីករាលដាលនៃ Covid-19 ។

វត្តភ្នំដែលជាកន្លែងទេសចរណ៍ដ៏ល្បីល្បាញមួយ នៅប្រទេសកម្ពុជាមានភាពស្ងប់ស្ងាត់ក្នុងពិធីបុណ្យចូលឆ្នាំថ្មីប្រពៃណី។

នៅប៉ុន្មានពិធីបុណ្យចូលឆ្នាំថ្មីប្រពៃណីកន្លងទៅ ប្រទេសកម្ពុជាពោពេញទៅដោយបដា ពាក្យស្លោក អំពូលគោមភ្លឺ ហើយប្រជាជនយ៉ាងច្រើនកុះករនាំគ្នាដើរលេង ឬទៅវត្ត អារាម ដើម្បីបួងសួង។ ទោះយ៉ាងណាក៏ដោយនៅក្នុងបរិបទដែលទាំងប្រទេសកម្ពុជានិងពិភពលោកកំពុងប្រយុទ្ធប្រឆាំងនឹងការរីករាលដាលនៃ Covid-19 ពិធីបុណ្យចូលឆ្នាំថ្មីប្រពៃណី ឆ្នាំ២០២០ មានភាពប្លែកៗជាច្រើន។

ទីលានដ៏ស្ងប់ស្ងាត់មួយនៅក្នុងរាជធានីភ្នំពេញ។

ផ្លូវនានាក្នុងរាជធានីភ្នំពេញត្រូវបានតុបតែងយ៉ាងស្រស់ស្អាត។

ប្រជាជនកម្ពុជាគោរពយ៉ាងតឹងរឹងនូវការរឹតត្បិតធ្វើដំណើរក្នុងស្រុក របស់រាជរដ្ឋាភិបាល ។

ដោយសារបទបញ្ជានូវការរឹតត្បិតធ្វើដំណើរក្នុងស្រុក របស់រាជរដ្ឋាភិបាល ហើយគ្រប់មន្រ្តីនិយោជិក និងកម្មករ ទាំងអស់ត្រូវធ្វើការ ក្នុង​ពិធីបុណ្យចូលឆ្នាំថ្មី ដូចរាល់ឆ្នាំទេ។ ដូច្នេះ ប្រជាជនជាច្រើនមិនអាចត្រឡប់ទៅស្រុកកំណើតវិញបានទេ។ នៅពេលដែលនៅឆ្ងាយ រាល់ក្តីស្នេហាសារនិងការជូនពរឆ្នាំថ្មីនឹងត្រូវបាននិយាយ តាមទូរស័ព្ទ។

មនុស្សគ្រប់គ្នាជូនពរឆ្នាំថ្មី តាមទូរស័ព្ទ។

ទោះបីមិនឈប់សំរាកក្នុងពិធីបុណ្យចូលឆ្នាំថ្មីប្រពៃណី មិនចូលរួមសកម្មភាពលេងសប្បាយ ៗ មិនទៅវត្ត អារាម ឬវិលត្រឡប់មកជួបជុំក្រុមគ្រួសារក៏ដោយ។ ប៉ុន្តែប្រជាជនខ្មែរគ្រប់រូបនៅតែប្រកាន់ខ្ជាប់នូវតម្លៃវប្បធម៌ប្រពៃណី ក្នុងសកម្មភាពស្វាគមន៍ឆ្នាំថ្មី។ នៅក្នុងគ្រួសារ គេជូនពរឱ្យឆ្នាំថ្មីរីករាយនិងរីកចម្រើន ដោយគ្មានជំងឺ Covid-19./ ។

（បកប្រែដោយឌីណា）

（ប្រភពព័ត៌មាន: vov）

（បកប្រែដោយឌីណា）