វៀតណាមបើកថ្នាក់បណ្តុះបណ្តាលរយៈពេលខ្លី បញ្ជាការ-សេនាធិការជាន់ខ្ពស់ យុទ្ធនាការ យុទ្ធសាស្ត្រ សម្រាប់កងយោធពលខេមរភូមិន្ទ និងកងទ័ពប្រជាជនឡាវ

ប្រធានរដ្ឋ​វៀតណាមដឹកនាំ​សន្និសីទ​បូកសរុបរយៈពេល ១០ ឆ្នាំ​នៃ​ការអនុវត្ត​យុទ្ធសាស្ត្រ​ការពារជាតិ​ក្នុង​ស្ថានភាព​ថ្មី

ការចូលរួម​ និង​ការជឿជាក់​ពី​ពលរដ្ឋ​លើ​ភាពស្មោះត្រង់​ និង​ភាពអំណត់​របស់​រាជរដ្ឋាភិបាល​គឺជា​កត្តាចាំបាច់​ ដើម្បី​ទទួលបាន​ជោគជ័យ​ក្នុង​យុទ្ធនាការ​ប្រយុទ្

លោកឧត្តមសេនីយ៍ឯក Tran Viet Khoa ថ្លែងក្នុងពិធីបើក

នាព្រឹកថ្ងៃទី ២០ តុលា នៅទីក្រុងហាណូយ បណ្ឌិត្យសភាការពារជាតិបានរៀបចំពិធីបើកថ្នាក់បណ្តុះបណ្តាលរយៈពេលខ្លី បញ្ជាការ - សេនាធិការជាន់ខ្ពស់ យុទ្ធនាការ យុទ្ធសាស្ត្រ សម្រាប់កងយោធពលខេមរភូមិន្ទ ជំនាន់ទី ១៩ និងកងទ័ពប្រជាជនឡាវ ជំនាន់ទី៥។ លោកឧត្តមសេនីយ៍ឯក Tran Viet Khoa នាយកបណ្ឌិត្យសភាការពារជាតិ បានអញ្ជើញជាអធិបតីក្នុងពិធីនេះ។

ការរៀបចំពិធីបើកថ្នាក់បណ្តុះបណ្តាលរយៈពេលខ្លី បញ្ជាការ - សេនាធិការជាន់ខ្ពស់ យុទ្ធនាការ យុទ្ធសាស្ត្រ សម្រាប់កងយោធពលខេមរភូមិន្ទ ជំនាន់ទី ១៩ និងកងទ័ពប្រជាជនឡាវ ជំនាន់ទី៥ បានបង្ហាញការសន្យា និងកិច្ចព្រមព្រៀងស្តីពីកិច្ចសហប្រតិបត្តិការអន្តរជាតិក្នុងការបណ្តុះបណ្តាលរវាងវៀតណាម ជាមួយកម្ពុជា និងឡាវ ក្នុងវិស័យយោធាការពារជាតិ។ អាស្រ័យហេតុនេះ បង្កើនការយោគយល់គ្នា និងការជឿទុកចិត្តគ្នា កសាងទំនាក់ទំនងមិត្តភាព សាមគ្គីភាព និងទំនុកចិត្តរវាងប្រទេសទាំងបី រួមចំណែករក្សាសន្តិភាព និងសន្តិសុខក្នុងតំបន់ និងពិភពលោក។

តាមកម្មវិធី សិក្ខាកាមនឹងសិក្សាអំពីប្រពៃណីសាមគ្គីភាពរវាងវៀតណាម-កម្ពុជា-ឡាវ; អំពីវប្បធម៌នយោបាយ និងប្រវត្តិសាស្រ្តសិល្បៈយោធារបស់វៀតណាម; បក្សកុម្មុយនិស្តវៀតណាមដឹកនាំបុព្វហេតុ​យោធា​ការពារជាតិ និងដឹកនាំកងទ័ពប្រជាជនវៀតណាម; បង្គើនសមត្ថភាពរបស់កម្មាភិបាលយុទ្ធនាការ យុទ្ធសាស្ត្រក្នុងស្ថានភាពថ្មី។

ជាពិសេស សិក្ខាកាមនឹង​បាន​សិក្សាពីបញ្ហាសន្តិសុខការពារជាតិ នៅលើ​ពិភពលោក និងក្នុង​តំបន់ នៅដើមសតវត្សរ៍ទី២១ យុទ្ធសាស្ត្ររបស់ប្រទេសធំៗមួយចំនួនដែលទាក់ទងនឹងសន្តិសុខការពារជាតិក្នុងតំបន់ ការអភិវឌ្ឍថ្មីនៅក្នុងប្រតិបត្តិការវាយលុករបស់កងទ័ពនៃប្រទេសមួយចំនួន; ការ​ទប់ស្កាត់ និងប្រយុទ្ធប្រឆាំងនឹងយុទ្ធសាស្ត្រ "បំរែបំរួលដោយសន្តិភាវូបនីយកម្ម" ការបះបោរ ផ្តួលរំលំរបស់កម្លាំងអរិភាព; យុទ្ធសាស្ត្រអភិវឌ្ឍន៍សេដ្ឋកិច្ច-សង្គមដែល​ផ្សាភ្ជាប់​នឹងសន្តិសុខ​ការពារជាតិ​ក្នុងស្ថានភាពថ្មី; មូលដ្ឋានគ្រឹះនៃសិល្បៈយុទ្ធនាការ; ការកសាងតំបន់ការពារខេត្តក្រុង; ប្រតិបត្តិការការពារជាយុទ្ធសាស្ត្រក្នុងសង្គ្រាមការពារមាតុភូមិ។ល។

ក្រៅពីនេះ សិក្ខាកាមទៅសិក្សាស្រាវជ្រាវលើវិស័យសន្តិសុខការពារជាតិ ការងារយោធាតាមខេត្តក្រុងនានា និងទស្សនាតំបន់ប្រវត្តិសាស្ត្រវប្បធម៌របស់វៀតណាម; ធ្វើលំហាត់ស្តីពីការកសាងការប្តេជ្ញាចិត្តការពារទប់ទល់ក្នុងទិសដៅយុទ្ធសាស្ត្រក្នុងភូមិសាស្ត្រកម្ពុជា និងភូមិសាស្ត្រឡាវ៕