ចាប់ពីថ្ងៃទី ១២ ដល់ថ្ងៃទី ១៥ ខែតុលា គណៈប្រតិភូរដ្ឋសភាវៀតណាមដឹកនាំដោយលោក Vu Hai Ha ប្រធានគណៈកម្មការកិច្ចការបរទេស បានអញ្ជើញចូលរួមសម័យប្រជុំនានានៃមហាសន្និបាតសហភាពអន្តរសភាលើកទី ១៤៥ (IPU 145) និងកិច្ចប្រជុំពាក់ព័ន្ធនានានៅទីក្រុង Kigali ប្រទេស Rwanda ។
 ពិធីប្រគល់គ្រឿងឥស្សរិយយសមិត្តភាពដល់អតីតអគ្គលេខាធិការ IPU |
 កសាងខឿនយុត្តិធម៌វៀតណាមឲ្យកាន់តែ ជំនាញ ទំនើប សមភាព តឹងរ៉ឹងនិងតម្លាភាព |
 |
| ទិដ្ឋភាពនៃកិច្ចប្រជុំ។ |
អញ្ជើញថ្លែងមតិក្នុងសម័យប្រជុំពេញអង្គក្រោមប្រធានបទ “សមភាពយេនឌ័រ និងបណ្ដាសភាមានសមភាពយេនឌ័រ គឺជាកម្លាំងចលករផ្លាស់ប្ដូរ ដើម្បីពិភពលោកមួយមានសន្តិភាព និងខ្លាំងមាំមួនជាង” ប្រធានគណៈប្រតិភូវៀតណាមបានអះអាងថា៖ វៀតណាមគោរពបញ្ហាសមភាពយេនឌ័រ និងភាពជឿនលឿនរបស់ស្ត្រី។ រដ្ឋសភាវៀតណាមកំពុងជំរុញខ្លាំងការកសាងច្បាប់ ពាក់ព័ន្ធនឹងបញ្ហាយេនឌ័រ សំដៅធានានិងជំរុញសមភាពយេនឌ័រ និងផ្តល់សិទ្ធិដល់ស្ត្រី ពិនិត្យ និងលុបបំបាត់ខ្លឹមសារ និងបទប្បញ្ញត្តិដែលរើសអើងយេនឌ័រ ជាពិសេសសម្រាប់សកម្មភាពឃ្លាំមើលលើការងារនីតិប្រតិបត្តិពាក់ព័ន្ធនឹងសមភាពយេនឌ័រ។ គណៈប្រតិភូវៀតណាមបានលើកសំណើមួយចំនួនដូចជា៖ បន្តសុក្រិតប្រព័ន្ធគោលនយោបាយច្បាប់ជាតិ និងអន្តរជាតិ បង្កើតច្រករបៀងគតិយុត្តិជំរុញសមភាពយេនឌ័រ។
ក្នុងឱកាសនេះ គណៈប្រតិភូរដ្ឋសភាវៀតណាមក៏បានជួបពិភាក្សាជាមួយប្រធាន IPU និងអគ្គលេខាធិការ IPU ដើម្បីពិភាក្សាអំពីខ្លឹមសារនៃកិច្ចសហប្រតិបត្តិការរបស់វៀតណាមជាមួយ IPU ក្នុងនោះមានកិច្ចប្រជុំសមាជិកសភាវ័យក្មេងសកលលើកទី ៩ នៅវៀតណាមនៅឆ្នាំ ២០២៣ ខាងមុខផងដែរ៕
មតិពីមិត្តអ្នកអាន