កន្លែងថតរូបស្អាតដូចនៅក្នុងខ្សែភាពយន្តមានតាំងពីយូរយារណាស់មកហើយនៅ Vung Tau ប៉ុន្តែឥឡូវបានក្លាយជាល្បីល្បាញជាថ្មីម្ដងទៀត

ខេត្ត Ba Ria - Vung Tau៖ ពិធីប្រគល់អ្នកនេសាទមីយ៉ាន់ម៉ាចំនួន ៨ នាក់ដែលរងគ្រោះថ្នាក់នៅលើសមុទ្រ

ដើរលេងនៅទីក្រុង Vung Tau ដោយការជិះកង់សាធារណៈ

ថ្មីៗនេះ ទីក្រុង Vung Tau បន្តធ្វើឲ្យយុវវ័យ «ចាប់ចិត្ត» ជាបន្តបន្ទាប់ ជាមួយនឹងកន្លែងចាស់ៗ ដែលកំពុងក្លាយទៅជា​ល្បីជាថ្មីម្តងទៀត ហើយរូបថតក៏ស្អាតដូចគ្នាដែរ ។ បើអ្នកតែងតែទៅលេងទីក្រុង Vung Tau ប៉ុន្តែមិនដឹងកន្លែងទាំងនេះ សូមរៀបចំមួយថ្ងៃ ដើម្បីស្វែងយល់កន្លែអទាំងអស់គ្នា!

ទឹក​ជ្រោះ Tien - ទឹក​ជ្រោះពណ៌បៃតងលាក់នៅលើភ្នំ Dinh

អាស័យដ្ឋាន៖ ឃុំ Tan Hai ស្រុក Tan Thanh ខេត្ត Ba Ria - Vung Tau

និយាយអំពីទីក្រុង Vung Tau មនុស្សគ្រប់គ្នានឹងនឹកឃើញភ្លាមៗ អំពីខ្សាច់ព៌ណមាស និងឆ្នេរពណ៌ខៀវ ប៉ុន្តែនៅតែមានទឹកជ្រោះលាក់ខ្លួននៅលើភ្នំខ្ពស់ ជាមួយនឹងលំហរពណ៌បៃតងហ៊ុំព័ទ្ធជុំវិញ ដែលបានគេហៅថា ទឹកជ្រោះ Tien។ ទឹក​នេះ​មាន​ប្រភព​ចេញ​ពី​កំពូល​ភ្នំ Dinh កម្ពស់​ជាង 500 ម៉ែត្រ ហើយ​ទឹក​ហូរ​បណ្តើរ​ៗ ​ទៅ​ជើង​ភ្នំ។ ដោយទេសភាពធម្មជាតិដ៏ស្រស់ស្អាតនេះ ទឹកជ្រោះ Tien បានទាក់ទាញ ភ្ញៀវទេសចរមកទស្សនានាពេលថ្មីៗនេះ។

មកដល់ទីនេះ ភ្ញៀវនឹងអាចជ្រមុជខ្លួនចូលក្នុងទឹកបាន និងដក​ដង្ហើមខ្យល់អាកាសបរិសុទ្ធនៅលើភ្នំ។ មិនត្រឹមតែប៉ុណ្ណោះ កន្លែងនេះ ក៏មានជណ្ដើរដែលមានទីតាំងនៅក្រោមម្លប់ដើមឈើនិងផ្ទាំងថ្មគ្របដណ្តប់ដោយស្លែ ដែលធ្វើឲ្យមនុស្សជាច្រើននឹកដល់បរិបទក្នុងភាពយន្ត anime ជប៉ុន។ វាមិនត្រឹមតែជាផ្ទៃខាងក្រោយ ដើម្បី​ថតរូបប៉ុណ្ណោះទេ ប៉ុន្តែនៅពេលភ្ញៀវ​មក​លេងទឹក​ជ្រោះ Tien ភ្ញៀវនឹងមានឱកាសឡើងភ្នំ គយគន់ទេសភាពធម្មជាតិ និងសម្រាកលំហែកាយដោយសុខសាន។

វិហារកាតូលិក Song Vinh ជាមួយនឹងស្ថាបត្យកម្ម Gothic ដ៏ស្រស់ស្អាត

អាស័យដ្ឋាន៖ ផ្លូវជាតិលេខ 51, សង្កាត់ Tan Phuoc ទីរួម​ខេត្តPhu My ខេត្ត Ba Ria –Vung Tau

កន្លែងមួយក្នុងទីក្រុង Vung Tau ដែលកំពុងតែ"Hot" នាពេលថ្មីៗនេះ វិហារកាតូលិក Song Vinh ។ ស្ថិតនៅលើផ្លូវហាយវេលេខ 51 ឆ្លងកាត់តាមស្រុក Tan Thanh វិហារ​កាតូលិកមានភាពលេចធ្លោជាមួយនឹងផ្ទៃដីដ៏ធំ និងទ្រង់ទ្រាយធំ ដែលធ្វើអោយនរណាម្នាក់ដែលឆ្លងកាត់ត្រូវមើលក្រោយ។

វិហារកាតូលិក Song Vinh មានស្ថាបត្យកម្មតាមរចនាបទ Gothic ជាមួយនឹងប៉មខ្ពស់ចំនួន ២ ដែល​មានភាពស៊ីមេទ្រី និងបង្អួចកញ្ចក់ចម្រុះពណ៌។ លើសពីនេះ ក្បួន​រចនាទាំងខាងក្រៅ និងខាងក្នុងវិហារកាតូលិចត្រូវបានឆ្លាក់យ៉ាងលំអិត។ ជាមួយនឹងការរចនាដ៏ប្រណិត បូករួមនឹងភាពឆើតវិហារកាតូលិក Song Vinh បានក្លាយជាផ្ទៃខាងក្រោយរូបថតដ៏ស្រស់ស្អាត ដូចជា​​ទេសភាព​ក្នុងទ្វីបអឺរ៉ុប ដែលធ្វើអោយយុវវ័យចូលមកទស្សនា។

បង្គោលភ្លើងហ្វារតូចមួយមានទីតាំងនៅឆ្នេរសមុទ្រ Dau

អាស័យដ្ឋាន៖ តំបន់ Bai Dau - ផ្លូវ Tran Phu សង្កាត់ទី 1, ទីក្រុង Vung Tau ខេត្ត Ba Ria - ខេត្ត Vung Tau

រហូតមកដល់ពេលនេះ ពេលមកដល់ទីក្រុង Vung Tau មនុស្សម្នាតែងតែទៅទស្សនា​បង្គោលភ្លើងហ្វាធំដែលមានទីតាំងនៅលើភ្នំ Nho ដើម្បី "ថតរូប" មានមនុស្សតិចណាស់ដែលសម្គាល់ថា នៅតាមផ្លូវ Tran Phu មានបង្គោលស៊ឺនតូចមួយ ដែលគេស្គាល់ថាជាបង្គោលស៊ឺនទីពីរផងដែរ។ ទោះជាយ៉ាងណាក៏ដោយ ថ្មីៗនេះ បង្គោលស៊ឺនតូចមួយនេះ ក៏ចាប់ផ្តើមទាក់ទាញការចាប់អារម្មណ៍កាន់តែខ្លាំងពីយុវវ័យផងដែរ។

ពិសេសជាងនេះទៅទៀតនោះ នៅជិតបង្គោលស៊ឺនតូច ត្រូវបានដាំដើម​ឈើ​ផ្កាក្រដាសចម្រុះពណ៌ ធានាថា រូបថតរបស់អ្នកនឹងកាន់តែស្រស់ស្អាត។ ប្រសិនបើអ្នកមកទីនេះនៅពេលរសៀល អ្នកនឹងឃើញថា បង្គោលស៊ឺនតូចពិតជាកន្លែងដ៏ល្អសម្រាប់មើលថ្ងៃលិច។

ច្រក​ផ្លូវ​លេខ 444 ផ្លូវ Tran Phu មាន​ទេសភាពស្អាត​បំព្រង​ដូចក្នុង​​ភាពយន្ត

អាស័យដ្ឋាន៖ ផ្លូវលេខ 444 ផ្លូវ Tran Phu សង្កាត់ទី 5 ទីក្រុង Vung Tau ខេត្ត Ba Ria – Vung Tau

មិនមានភាពល្បីល្បាញ ដូចច្រកផ្លូវលេខ 107-109 ផ្លូវ Tran Phu ទេ ប៉ុន្តែផ្លូវលេខ 444 ផ្លូវ Tran Phu ក៏កំពុង​ពេញនិយាម​សម្រាប់យុវជន​ថតរូប។ ច្រក​ផ្លូវនេះស្ថិតនៅលើជួរភ្នំខ្ពស់ ដូច្នេះផ្លូវនឹងមានភាពចោតបន្តិច ប៉ុន្តែផ្ទុយទៅវិញ ទេសភាពធម្មជាតិនៅទីនេះនឹងធ្វើឱ្យអ្នកពេញចិត្ត។

ដោយសារទើប​ល្បីល្បាញ​ នាពេល​ថ្មីៗ នេះ ច្រកផ្លូវលេខ 444 ផ្លូវ Tran Phu នៅតែរក្សាបាននូវភាពស្រស់ស្អាតធម្មជាតិរបស់វា ដោយម្ខាងជាច្រាំងថ្មចោត ម្ខាងទៀតជាឆ្នេរដ៏ធំ។ នៅពេលរដូវស្លឹកឈើជ្រុះមកដល់ ស្លឹកឈើចាប់ផ្តើមប្រែពណ៌លឿង ធ្វើឱ្យទេសភាព​ដ៏រ៉ូមែន​ទិកដូចក្នុងភាពយន្តកូរ៉េខាងត្បូង ហើយក្នុងរដូវរងា ស្លឹកឈើនឹងជ្រុះ បន្សល់ទុកមែកស្តើង។ ដូច្នេះ អ្នកមកទីនេះនៅពេលណាក៏ដោយ អ្នកនឹងទទួលបានរូបថតផ្ទាល់ខ្លួនរបស់អ្នក៕

ឌីណា

To Quoc