នៅយប់ថ្ងៃទី ១២ ខែតុលា វេទិកាទេសចរណ៍មេគង្គឆ្នាំ ២០២២ បានបញ្ចប់ដោយជោគជ័យ។
 ការផ្លាស់ប្តូរមិត្តភាពរវាងយុវជននៃកងកម្លាំងប្រដាប់អាវុធវៀតណាម និងកម្ពុជា |
 សម្តេចអគ្គមហាពញាចក្រី ហេង សំរិនបានអនុញ្ញាតឲ្យ ប្រធានសមាគមមិត្តភាពវៀតណាម-កម្ពុជា ចូលជួប សម្តែងការគួរសម |
 |
| លោក Nguyen Trung Khanh បានប្រគល់ទង់ជូនលោក Koeut Puthvory អនុរដ្ឋលេខាធិការក្រសួងទេសចរណ៍កម្ពុជា |
ថ្លែងមតិក្នុងពិធីបិទវេទិកា លោក Nguyen Trung Khanh អគ្គនាយកនៃអគ្គនាយកដ្ឋានទេសចរណ៍វៀតណាម (ក្រសួងវប្បធម៌ កីឡា និងទេសចរណ៍វៀតណាម) បានឲ្យដឹងថា វេទិកានេះបានលើកឡើងព័ត៌មានជាក់ស្តែងជាច្រើនអំពីនិន្នាការទេសចរណ៍ពិភពលោកនិយាយរួម និងអនុតំបន់ទន្លេមេគង្គនិយាយដោយឡែកតាមរយៈទស្សនៈរបស់អ្នកជំនាញទេសចរណ៍ ឈានមុខក្នុងតំបន់។
បន្ទាប់ពីកិច្ចប្រជុំពិភាក្សាចំនួនបីរួចមក តំណាងទីភ្នាក់ងារទេសចរណ៍ជាតិ និងអង្គការអន្តរជាតិ និងតំណាងវិស័យឯកជន ក៏បានចែករំលែកនូវកាលានុវត្តភាពក្នុងការស្តារ និងអភិវឌ្ឍន៍ទេសចរណ៍ប្រកបដោយចីរភាព ដែលផ្តល់ផលប្រយោជន៍ដល់ភាគីពាក់ព័ន្ធទាំងអស់ក្នុងវិស័យទេសចរណ៍។
យោងតាមលោក Nguyen Trung Khanh វេទិកានេះបានបង្ហាញពីនិន្នាការនៃការស្ដារឡើងវិញនៃវិស័យទេសចរណ៍យ៉ាងខ្លាំងក្លា ហើយបន្តបញ្ជាក់ថា តួនាទីជាកម្លាំងចលករ និងដើរតួនាទីយ៉ាងសំខាន់ក្នុងការស្តារ និងអភិវឌ្ឍន៍សេដ្ឋកិច្ចសង្គមនៃបណ្ដាប្រទេសក្នុងតំបន់អនុទន្លេមេគង្គ។
យោងតាមអគ្គនាយកនៃអគ្គនាយកដ្ឋានទេសចរណ៍វៀតណាម មុននឹងមានជំងឺរាតត្បាតមក ការអភិវឌ្ឍនៃទេសចរណ៍បានរួមចំណែកជំរុញការផ្លាស់ប្តូរវប្បធម៌ និងការយោគយល់គ្នាទៅវិញទៅមករវាងបណ្ដាប្រជាជាតិ ប៉ះពាល់ជាវិជ្ជមានដល់ការអភិវឌ្ឍវិស័យពាក់ព័ន្ធជាច្រើន ដូចជាការដឹកជញ្ជូន ការវិនិយោគ សំណង់ សេវាកម្ម...
ការធ្វើអាជីវកម្មកាន់តែប្រសើរឡើងពីសក្តានុពលទេសចរណ៍នៃមហាអនុតំបន់មេគង្គ តាមរយៈការស្វែងយល់ពីភាពជាដៃគូថ្មី គំរូអាជីវកម្មថ្មី និងការអនុវត្តបច្ចេកវិទ្យាឌីជីថលនឹងចូលរួមចំណែកយ៉ាងសំខាន់ក្នុងការបង្កើតការងារ និងការកសាងសមត្ថភាព និងអភិវឌ្ឍធនធានមនុស្សក្នុងស្រុក លើកកម្ពស់ទីតាំង និងការផ្សព្វផ្សាយម៉ាកយីហោទេសចរណ៍ ជាពិសេសទាក់ទាញការវិនិយោគទៅកាន់តំបន់ឆ្ពោះទៅរកកំណើនប្រកបដោយចីរភាព និងរួមបញ្ចូល។
លោក Nguyen Trung Khanh បានសង្កត់ធ្ងន់ទៀតថា “ទោះបីជារងផលប៉ះពាល់នៃការរាតត្បាតកូវីដ-១៩ នាពេលថ្មីៗនេះក៏ដោយក៏វិស័យទេសចរណ៍ក្នុងអនុតំបន់ទន្លេមេគង្គបើកទូលាយនៅតែបញ្ជាក់ពីប្រៀបខ្លាំង និងសក្តានុពលជាច្រើនសម្រាប់ការស្តារ និងអភិវឌ្ឍន៍សេដ្ឋកិច្ច និងសង្គមរបស់ប្រទេសជាសមាជិក។
ក្នុងពិធីបិទនេះ លោក Nguyen Trung Khanh បានប្រគល់ទង់ជូនលោក Koeut Puthvory អនុរដ្ឋលេខាធិការក្រសួងទេសចរណ៍កម្ពុជា។ តាមនោះ ព្រះរាជាណាចក្រកម្ពុជានឹងធ្វើជាម្ចាស់ផ្ទះនៃវេទិកាទេសចរណ៍មេគង្គ ចាប់ពីថ្ងៃទី ១៦ ដល់ថ្ងៃទី ២០ ខែមីនា ឆ្នាំ២០២៣ នៅខេត្តព្រះសីហនុ៕
មតិពីមិត្តអ្នកអាន