វៀតណាមជំរុញកិច្ចសហប្រតិបត្តិការរវាងតំបន់ Flanders របស់ប្រទេសបែលហ្សិក និងតំបន់មេគង្គ

វៀតណាម និងកម្ពុជាសហការក្នុងការគ្រប់គ្រង និងប្រើប្រាស់ធនធានទឹកប្រកបដោយនិរន្តរភាព

វៀតណាមចុះឈ្មោះជាម្ចាស់ផ្ទះនៃវេទិកាទេសចរណ៍មេគង្គឆ្នាំ ២០២២

លោកឯកអគ្គរដ្ឋទូតវៀតណាមប្រចាំនៅបែលហ្សិក Nguyen Van Thao។

វេទិកាស្តីពីគណៈកម្មការទន្លេមេគង្គអន្តរជាតិ (MRC) ទើបតែប្រព្រឹត្តទៅនៅទីស្នាក់ការកណ្តាលនៃសភាតំបន់ Flanders នៅទីក្រុងប្រ៊ុចសែល (បែលហ្សិក)។

ព្រឹត្តិការណ៍នេះត្រូវបានរៀបចំរួមគ្នាដោយកិច្ចការបរទេស ការដឹកជញ្ជូន-ការងារសាធារណៈ បរិស្ថាន ទីភ្នាក់ងារវិនិយោគ-ពាណិជ្ជកម្មនៃតំបន់ Flanders ។

វេទិកាខាងលើគឺជាសកម្មភាពផ្ទាល់លើកដំបូងដើម្បីអនុវត្តកិច្ចព្រមព្រៀងសហប្រតិបត្តិការរវាងតំបន់ Flanders និងគណៈកម្មការទន្លេមេគង្គអន្តរជាតិ បន្ទាប់ពីមានការរំខានអស់រយៈពេលជាង 2 ឆ្នាំដោយសារជំងឺរាតត្បាតកូវីដ-១៩។

នៅក្នុងកិច្ចប្រជុំលើកទី ២៧ នៃក្រុមប្រឹក្សានៃគណៈកម្មការទន្លេមេគង្គអន្តរជាតិ (ខែវិច្ឆិកា ឆ្នាំ ២០២០) តំបន់ Flanders បានក្លាយជាដៃគូអភិវឌ្ឍន៍របស់ MRC ជាផ្លូវការ និងបានចុះហត្ថលេខាលើកិច្ចព្រមព្រៀងឧបត្ថម្ភកម្មវិធីកិច្ចសហប្រតិបត្តិការដែលមានតម្លៃ ១.១ លានអឺរ៉ូ (១.០៧ លានដុល្លារអាមេរិក) សម្រាប់រយៈពេល ២០២១-២០២៥។

ចូលរួមវេទិកានេះមានអគ្គលេខាធិការនៃទីភ្នាក់ងារកិច្ចការបរទេសក្នុងតំបន់ Flanders, Julie Bynens; ឯកអគ្គរាជទូតកម្ពុជា ឡាវ វៀតណាម និងថៃ ប្រចាំប្រទេសបែលហ្សិក; ប្រធានគណៈកម្មការទន្លេមេគង្គអន្តរជាតិ លោក Anoulak Kitthikhoun និងតំណាងមួយចំនួននៃទីភ្នាក់ងារអាជីវកម្ម និងវិទ្យាស្ថានស្រាវជ្រាវរបស់បែលហ្ស៊ិក។

នៅក្នុងវេទិកានេះ គណៈប្រតិភូបានផ្តោតលើការពិភាក្សាអំពីវិធីពង្រឹងកិច្ចសហប្រតិបត្តិការរវាងតំបន់ Flanders និងតំបន់មេគង្គក្នុងការគ្រប់គ្រងធនធានទឹក ក៏ដូចជាការស្វែងរកដំណោះស្រាយដើម្បីឆ្លើយតបទៅនឹងបញ្ហាប្រឈមរួមទាក់ទងនឹងការប្រែប្រួលអាកាសធាតុ ទឹកជំនន់ គ្រោះរាំងស្ងួត និងការដឹកជញ្ជូន។

ដោយឈរលើប្រៀបខ្លាំងនៃតំបន់ Flanders លោកឯកអគ្គរដ្ឋទូត Nguyen Van Thao បានស្នើឱ្យបង្កើនការចែករំលែកបទពិសោធន៍ បណ្តុះបណ្តាលធនធានមនុស្ស និងផ្ទេរបច្ចេកវិទ្យាដ៏គំរូនៃតំបន់ Flanders ដូចជា ឃ្លាំងត្រជាក់ឆ្លាតវៃសម្រាប់ការនាំចេញកសិផល ផលិតអគ្គិសនី និងទឹកស្អាតពីខ្យល់ (water- by-wind) សាងសង់មជ្ឈមណ្ឌលដឹកជញ្ជូន logistics និងហេដ្ឋារចនាសម្ព័ន្ធដឹកជញ្ជូនតាមដងទន្លេ។

លោកឯកអគ្គរដ្ឋទូតបានសង្កត់ធ្ងន់លើការបង្កើនការចូលរួមរបស់ធុរកិច្ចដើម្បីផលប្រយោជន៍រួម។ លោកឯកអគ្គរដ្ឋទូតសង្ឃឹមថា ទំនាក់ទំនងដៃគូយុទ្ធសាស្ត្រវៀតណាម-បែលហ្ស៊ិកក្នុងវិស័យកសិកម្មនឹងរួមចំណែកនាំមកនូវលទ្ធផលសហប្រតិបត្តិការជាក់ស្តែង។ ជាពិសេសនៅពេលប្រទេសទាំងពីរប្រារព្ធខួបលើកទី ៥០ ឆ្នាំ នៃការបង្កើតទំនាក់ទំនងការទូត (១៩៧៣ - ២០២៣)៕

ឌីណា