យុគសម័យ - ក្នុងក្របខ័ណ្ឌនៃដំណើរបំពេញទស្សនកិច្ចការងារនៅកូរ៉េ នាថ្ងៃទី ២២ ខែកញ្ញា គណៈកម្មាធិការប្រជាជនខេត្ត Thai Binh សហការជាមួយស្ថានទូតវៀតណាមប្រចាំនៅកូរ៉េ និងទីភ្នាក់ងារកូរ៉េគាំទ្រសហគ្រាសធុនតូច និងមធ្យម (KOSME) បានរៀបចំសន្និសីទលើកកំពស់ការវិនិយោគនៅខេត្ត Thai Binh នៅប្រទេសកូរ៉េ។
 ខេត្ត Binh Duong ចង់ជំរុញកិច្ចសហប្រតិបត្តិការពហុភាគីជាមួយគុយបា |
 ខេត្ត Binh Phuoc (វៀតណាម)ឧបត្ថម្ភថវិកាជូនកងកម្លាំងការពារព្រំដែននៃខេត្តត្បូងឃ្មុំនិងខេត្តក្រចេះ |
 |
| ខេត្ត Thai Binh ខិតខំទាក់ទាញវិនិយោគិនកូរ៉េ |
នេះគឺជាព្រឹត្តិការណ៍មួយក្នុងសកម្មភាពជាបន្តបន្ទាប់ ដើម្បីពង្រឹងទំនាក់ទំនងពាណិជ្ជកម្មរវាងវៀតណាម និងកូរ៉េ ដើម្បីអបអរសាទរខួបលើកទី ៣០ នៃការបង្កើតទំនាក់ទំនងការទូតរវាងប្រទេសទាំងពីរ (ថ្ងៃទី ២២ ខែវិច្ឆិកា ឆ្នាំ ១៩៩២ - ថ្ងៃទី ២២ ខែធ្នូ ឆ្នាំ ២០២២)។
យោងតាមអ្នករាយការណ៍នៃទីភ្នាក់ងារសារព័ត៌មានវៀតណាមប្រចាំនៅកូរ៉េ ចូលរួមសន្និសីទខាងភាគីខេត្ត Thai Binh មានលោក Ngo Dong Hai សមាជិកគណៈកម្មាធិការមជ្ឈិមបក្ស លេខាគណៈកម្មាធិការបក្សខេត្ត; លោក Nguyen Quang Hung អនុប្រធានអចិន្ត្រៃយ៍គណៈកម្មាធិការប្រជាជនខេត្ត និងថ្នាក់ដឹកនាំមូលដ្ឋានជាច្រើនរូបទៀត។ ខាងភាគីកូរ៉េ តំណាង KOSME និងសហគ្រាសក្នុងស្រុកជាង ១០០ បានចូលរួមសន្និសីទនេះ។
ក្នុងសន្និសីទ តំណាងអ្នកវិនិយោគកូរ៉េមួយចំនួនបានចែករំលែកបទពិសោធន៍វិនិយោគនៅខេត្ត Thai Binh; ថ្នាក់ដឹកនាំខេត្តបានបញ្ជាក់ដោយផ្ទាល់នូវបញ្ហាមួយចំនួនដែលជាកង្វល់ចំពោះអ្នកវិនិយោគកូរ៉េដូចជាយន្តការអនុគ្រោះពេលវិនិយោគក្នុងខេត្ត។
កន្លងមក គណៈប្រតិភូបានទៅទស្សនា និងធ្វើការជាមួយថ្នាក់ដឹកនាំខេត្ត Gyeongsangbuk និង Chungcheongbuk ដើម្បីស្វែងរក និងជំរុញវិស័យកិច្ចសហប្រតិបត្តិការមានសក្តានុពលរវាងខេត្ត Thai Binh និងខេត្តទាំងពីរនេះ។ គណៈប្រតិភូក៏បានធ្វើការជាមួយក្រុមហ៊ុន Daewoo E&C និងអាជីវកម្មមួយចំនួនដែលចាប់អារម្មណ៍លើការវិនិយោគលើហេដ្ឋារចនាសម្ព័ន្ធ និងទីក្រុងឆ្លាតវៃ៕
baotintuc.vn
មតិពីមិត្តអ្នកអាន