យុគសម័យ - ផ្ទះ bungalow ដែលរចនាជារាងជាលរបស់ជនជាតិ Mong នៅមណ្ឌលលំហែកាយ H’Mong Village ធ្វើឱ្យអ្នកទស្សនាជាច្រើនចង់ដឹងចង់ឃើញ និងចាប់ចិត្តណាស់។
លើកកម្ពស់គុណភាពនៃជីវភាពរស់នៅ របស់បងប្អូនជនជាតិភាគតិច នៅខេត្ត Ha Giang |
ការតាំងពិព័រណ៍រូបថតអំពីយុវជន និងអធិបតេយ្យភាពសមុទ្រ និងកោះនៅខេត្ត Ha Giang |
ទិដ្ឋភាពរួមនៃមណ្ឌលលំហែកាយ H’Mong Village។ (រូបថត៖ Internet) |
ខេត្ត Ha Giang - ទឹកដីប៉ូលខាងជើងនៃមាតុភូមិគឺជាគោលដៅមួយក្នុងចំណោមបណ្តាគោលដៅទាក់ទាញភ្ញៀវទេសចរច្រើនបំផុត នៅតំបន់ភ្នំភាគខាងជើង។ កន្លែងនេះមានទេសភាពធម្មជាតិដ៏ស្រស់ស្អាតជាមួយនឹងភ្នំ និងព្រៃឈើដ៏អស្ចារ្យ វាលស្រែគ្មានដែនកំណត់ និងទន្លេ Nho Que ប្រកបដោយរ៉ូមែនទិច។
មក Ha Giang រដូវណាក៏ស្អាត។ ភ្ញៀវជាច្រើនតែងតែមកទីនេះ នៅពេលដែលផ្កា plum និងផ្កាម៉ាក់ខៃរីក នៅពេលដែលរដូវស្រូវទុំឡើងពណ៌លឿង និងនារដូវផ្កាស្រូវសាលីរីក នៅចុងឆ្នាំ។
ផ្ទះ bungalow មានរាងជាល។ (រូបថត៖ Internet) |
មណ្ឌលលំហែកាយ H’Mong Village បានទាក់ទាញភ្ញៀវទេសចរណ៍យ៉ាងច្រើនកុះករ ដោយសារតែស្ថាបត្យកម្ម និងរចនាបថប្លែកពីគេ មណ្ឌលលំហែកាយ H’Mong Village ស្ថិតនៅលើចង្កេះភ្នំខ្ពស់ដែលហ៊ុំព័ទ្ធដោយព្រៃថ្ម និងចម្ងាយជាង ៥០ គីឡូម៉ែត្រតាមទិសឦសាននៃកណ្តាលទីក្រុង Ha Giang ។
ខាងក្នុងបន្ទប់។ (រូបថត៖ Internet) |
មណ្ឌលលំហែកាយ H’Mong Village ស្ថិតនៅភូមិសាស្ត្រភូមិ Trang Kim - ឃុំ Dong Ha - ស្រុក Quan Ba - ខេត្ត Ha Giang ។ មណ្ឌលលំហែកាយ H’Mong Village បានសាងសង់លើផ្ទៃដីសរុបចំនួន ២០ ហិចតា ចែកចេញជា ៣ តំបន់ធំៗ គឺ តំបន់ផ្ទះសំណាក់សហគមន៍អាចផ្ទុកមនុស្សបានចំនួន ៥០ នាក់; តំបន់ផ្ទះ bungalow មានចំនួន ២០ ដែលមានរូបរាងជាល និងដំបូលប្រក់ក្បឿង yin និង yang ស្របតាមស្ថាបត្យកម្ម និងអត្តសញ្ញាណវប្បធម៌របស់ជនជាត H'Mong នៅខ្ពង់រាបថ្ម Dong Van ។
មណ្ឌលលំហែកាយ H’Mong Village នេះទទួលបានការចាប់អារម្មណ៍យ៉ាងខ្លាំង ដោយសារផ្ទះ bungalow ចំនួន ២០ ដែលមានរាងដូចជាល។ នេះជាវត្ថុដែលគេប្រដូចទៅនឹងគ្រឿងអលង្ការ ភ្ជាប់ជាមួយជីវភាពប្រចាំថ្ងៃរបស់ស្រ្តីជនជាតិ H'Mong ជួយដឹក យកតាមខ្លួន ពេលឡើងភ្នំ ឬចុះទៅផ្សារ។
ផ្ទះbungalow នីមួយៗ មាន ២ ជាន់ មានកម្ពស់ ៥.១៥ម ទំហំ ១២ ម៉ែត្រការេ ។ នៅលើដំបូលនីមួយៗ ត្រូវបានដាំផ្កាចម្រុះពណ៌ជាច្រើនប្រភេទ។ ក្រឡេកមើលពីចម្ងាយ bungalow ទាំងនេះមើលទៅដូចជា ជាល"យក្ស" ដែលមានផ្កា ដែលមើលទៅគួរអោយចាប់អារម្មណ៍ណាស់។
ជាមួយនឹងផ្ទះ bungalow មានរាងជាលដែលបានរចនាឡើងយ៉ាងពិសេស នៅដើមខែឧសភា ឆ្នាំ ២០២១ មណ្ឌលលំហែកាយ H'Mong Village ត្រូវបានបង្កើតឯកទគ្គកម្ម ដោយអង្គការ Guniess ជា "មណ្ឌលលំហែកាយ H’Mong Village មានផ្ទះរាងជាលដំបូងគេបង្អស់នៅវៀតណាម"។
អាងហែលទឹក។ (រូបថត៖ Bong da vs Doi song) |
បន្ទប់ទាំងអស់នៅមណ្ឌលលំហែកាយ H’Mong Village នេះធ្វើពីវត្ថុធាតុដើមដែលមិនប៉ះពាល់ដល់បរិស្ថាន ដូចជា ដី ឈើ ថ្មបៃតង…
បន្ទប់ត្រូវបានរចនាយ៉ាងសាមញ្ញ និងមានភាពពិសេសនៃវប្បធម៌ក្នុងតំបន់ ប៉ុន្តែនៅតែទំនើប ពេញលេញ និងមានផាសុកភាព។ ជាពិសេស អត្តសញ្ញាណវប្បធម៍ជនជាតិ H’Mong ក៏ត្រូវបានបង្ហាញ តាមរយៈសាងសង់បណ្តា bungalow ដែលប្រដូចទៅនឹងសំពត់ដ៏ប្រណិតរបស់នារី H’Mong។
មណ្ឌលលំហែកាយ H’Mong Village ទទួលក្តីស្រឡាញ់របស់អ្នកទេសចរ ព្រោះនៅទីនេះមានអាងទឹកគ្មានដែនកំណត់ វាហាក់បីដូចជាកម្រិតទឹកឡើងដល់ជើងមេឃ៕
មតិពីមិត្តអ្នកអាន