សហរដ្ឋអាមេរិកបង្កើនជំនួយចំពោះខេត្ត Quang Tri ដើម្បីជំនះពុះពារផលវិបាកដោយសារគ្រាប់បែកគ្រាប់មីន

CRS/US ជួយដល់កុមារ និងយុវជនពិការនៅ Quang Tri

Quang Tri និង Eni Group (អ៊ីតាលី) សហប្រតិបត្តិការដើម្បីដាក់ពង្រាយដំណោះស្រាយអាកាសធាតុធម្មជាតិ

លោកស្រី Bonnie Denise Jenkins អនុរដ្ឋមន្ត្រីការបរទេសអាមេរិកទទួលបន្ទុកការគ្រប់គ្រងអាវុធ និងសន្តិសុខអន្តរជាតិ ថ្លែងនៅការដ្ឋានកម្ចាត់គ្រាប់បែកគ្រាប់មីននៅឃុំ Trieu Son ស្រុក Trieu Phong

នាថ្ងៃទី៩ ខែកញ្ញា ឯកអគ្គរដ្ឋទូត Bonnie Denise Jenkins អនុរដ្ឋមន្ត្រីទទួលបន្ទុកគ្រប់គ្រងអាវុធ និងសន្តិសុខអន្តរជាតិ ក្រសួងការបរទេសអាមេរិកបានអញ្ជើញទៅបំពេញទស្សនកិច្ចការងារនៅខេត្ត Quang Tri ស្តីពីការងារស្តារឡើងវិញនូវគ្រោះមហន្តរាយដោយសារគ្រាប់មីនក្រោយសង្គ្រាម។

នៅទីនេះ លោកស្រី Bonnie Denise Jenkins បានស្តាប់លោក Hoang Nam អនុប្រធានគណៈកម្មាធិការប្រជាជនខេត្ត Quang Tri បង្ហាញពីលទ្ធផលមួយចំនួននៃកិច្ចសហប្រតិបត្តិការរវាងខេត្ត Quang Tri ជាមួយអង្គការអន្តរជាតិ និងអង្គការមិនមែនរដ្ឋាភិបាលបរទេសក្នុងការងារជំនះពុះពារលើការ ផលវិបាកនៃគ្រាប់បែក និងមីនក្រោយសង្គ្រាម។

Quang Tri គឺជាខេត្តមួយក្នុងចំណោមខេត្តដែលរងផលប៉ះពាល់ខ្លាំងបំផុតបន្ទាប់ពីសង្គ្រាម។ យោងតាមរបាយការណ៍ឆ្នាំ ២០១៧ របស់ក្រសួងការពារជាតិវៀតណាមបានឲ្យដឹងថា ខេត្ត Quang Tri គឺជាខេត្តដែលមានមីន និងគ្រាប់បែកច្រើនជាងគេបំផុតក្នុងប្រទេស ដោយមាន ៨១.៣៦% នៃផ្ទៃដីកខ្វក់នៅក្នុងឃុំ សង្កាត់ និងទីប្រជុំជនចំនួន ១៤១។

លោកស្រី Bonnie Denise Jenkins បានទទួលស្គាល់ និងវាយតម្លៃខ្ពស់ចំពោះលទ្ធផលដែលខេត្ត Quang Tri បាននិងកំពុងធ្វើក្នុងវិស័យជំនះពុះពារផលវិបាកដោយសារគ្រាប់បែកគ្រាប់មីន។ លោកស្រី Bonnie Denise Jenkins បានសម្តែងនូវបំណងចង់បន្តកិច្ចសហប្រតិបត្តិការកាន់តែជិតស្និទ្ធជាមួយមូលដ្ឋានក្នុងការជំនះពុះពារផលវិបាកដោយសារគ្រាប់បែកគ្រាប់មីននាពេលអនាគត។

លោកស្រី Bonnie Denise Jenkins ក៏បានវាយតម្លៃខ្ពស់ចំពោះតួនាទីដ៏ធំធេងរបស់ស្រ្តីក្នុងការដោះស្រាយ និងបោសសម្អាតមីននៅមូលដ្ឋាន។ ក្នុងក្របខ័ណ្ឌនៃកម្មវិធី លោកស្រី Bonnie Denise Jenkins និងគណៈប្រតិភូបានចុះពិនិត្យការដ្ឋានកម្ចាត់គ្រាប់បែកគ្រាប់មីននៅឃុំ Trieu Son ស្រុក Trieu Phong; ទស្សនាការិយាល័យរៀបចំ Peace Trees Vietnam/សហរដ្ឋអាមេរិក; ដាំដើមឈើជាអនុស្សាវរីយ៍ និងមានជំនួបធ្វើការនៅមជ្ឈមណ្ឌលសកម្មភាពកំចាត់មីននៅខេត្ត Quang Tri៕

យោងតាមកាសែតកងទ័ពប្រជាជន