នៅថ្ងៃទី១០ ខែកញ្ញា ឆ្នាំ២០២២ នៅខេត្តបាត់ដំបង បានប្រព្រឹត្តទៅពិធីសម្ពោធអគារគោរពវិញ្ញាណក្ខន្ធ និងតំកល់ទុកអដ្ឋិធាតុកងទ័ពស្ម័គ្រចិត្តវៀតណាមនៅកម្ពុជា។
 វៀតណាម និងកម្ពុជាប្តេជ្ញាពង្រឹង និងអភិវឌ្ឍទំនាក់ទំនងទ្វេភាគី |
 អបអរសាទរខួបលើកទី ៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា |
 |
| កាត់ខ្សែបូសម្ពោធអគារគោរពវិញ្ញាណក្ខន្ធ និងតំកល់ទុកអដ្ឋិធាតុកងទ័ពស្ម័គ្រចិត្តវៀតណាមនៅកម្ពុជា |
អញ្ជើញចូលរួមព្រឹត្តិការណ៍នេះមានឯកអគ្គរដ្ឋទូតវៀតណាមប្រចាំនៅកម្ពុជា លោក Nguyen Huy Tang; អគ្គកុងស៊ុលវៀតណាមប្រចាំខេត្តបាត់ដំបង និងខេត្តព្រះសីហនុ; ក្រុមស្វែងរក យក និងធ្វើមាតុភូមិនិវត្តន៍ អដ្ឋិធាតុនៃទុក្ករបុគ្គល (K73) និងតំណាងអង្គភាពឧបត្ថម្ភ។ ខាងភាគីកម្ពុជា ក៏មានវត្តមាន នាយឧត្តមសេនីយ៍ ឯក សំអូន មេបញ្ជាការយោធភូមិភាគទី៥ និងតំណាងរាស្រ្តមូលដ្ឋានផងដែរ។
ក្រោយការសាងសង់អស់រយៈពេលពីរខែ ព្រះវិហារ និងកន្លែងផ្ទុកអដ្ឋិធាតុទាហានស្ម័គ្រចិត្តវៀតណាមនៅកម្ពុជាត្រូវបានដាក់ឱ្យប្រើប្រាស់។ គម្រោងនេះមានដូចជា៖ ផ្ទះសម្រាប់ទុកដាក់អដ្ឋិធាតុរបស់ទុក្ករបុគ្គល ទីធ្លាសម្រាប់ដាំផ្កា និងរុក្ខជាតិលម្អ ដែលមានផ្ទៃដីសរុប ៦០០ម២។ ថវិកាសរុបក្នុងការសាងសង់គម្រោងនេះត្រូវបានឧបត្ថម្ភដោយក្រុមហ៊ុន Viettel Cambodia (Metfone) និងសាខា Military Commercial Commercial Stock Bank-Cambodia (MB Cambodia)។
ក្នុងពិធីនេះ ប្រតិភូទាំងឡាយបានកាត់ខ្សែបូសម្ពោធ និងអុជធូបរំលឹកគុណូបការៈរបស់កងទ័ពស្ម័គ្រចិត្តវៀតណាម ដែលបានជួយកម្ពុជាឲ្យរួចផុតពីរបបប្រល័យពូជសាសន៍ និងកសាងចំណងសាមគ្គីភាពអន្តរជាតិ វៀតណាម-កម្ពុជា។
សំណង់នេះមានផ្នែកសំខាន់ៗរួមមាន៖ អគារតំកល់ទុកអដ្ឋិធាតុយុទ្ធជនពលី សួនច្បារ ដែលមានផ្ទៃដីសរុប ៦០០ ម៉េត្រការ៉េ។
អញ្ជើញថ្លែងមតិនៅទីនេះលោក Nguyen Huy Tang ឯកអគ្គរដ្ឋទូតវៀតណាមប្រចាំនៅកម្ពុជា បានថ្លែងអំណរគុណចំពោះរាជរដ្ឋាភិបាល យោធភូមិភាគទី៥ នៃកងយោធពលខេមរភូមិន្ទ និងប្រជាជនកម្ពុជា ដែលបានយកចិត្តទុកដាក់ និងបង្កើតគ្រប់លក្ខខណ្ឌអំណោយផលដើម្បីឲ្យមានកន្លែងតំកល់ទុក និងគោរពវិញ្ញណក្ខន្ធដ៏ធំទូលាយសម្រាប់អដ្ឋិធាតុកងទ័ពស្ម័គ្រចិត្តវៀតណាម។ លោកឯកអគ្គរដ្ឋទូតបានសម្តែងនូវគោលបំណងថា ភាគីកម្ពុជានឹងបន្តយកចិត្តទុកដាក់ និងជួយក្នុងការស្វែងរក និងប្រមូលអដ្ឋិធាតុកងទ័ពស្ម័គ្រចិត្តវៀតណាមឲ្យត្រឡប់ទៅកាន់មាតុភូមិវិញ។
ថ្នាក់ដឹកនាំយោធភូមិភាគទី៥ នៃកងយោធពលខេមរភូមិន្ទ ក៏ដូចជាតំណាងប្រជាពលរដ្ឋគ្រប់មជ្ឈដ្ឋានក្នុងតំបន់ បានថ្លែងអំណរគុណយ៉ាងជ្រាលជ្រៅចំពោះបក្ស កងទ័ព និងប្រជាជនវៀតណាម ដែលបានជួយដល់រាជដ្ឋាភិបាល និងប្រជាជនកម្ពុជា ឲ្យរួចផុតពីរបបប្រល័យពូជសាសន៍ ប៉ុល ពត និងធ្វើឱ្យប្រទេសកម្ពុជារស់ឡើងវិញដូចសព្វថ្ងៃនេះ៕
មតិពីមិត្តអ្នកអាន