ប្រធានគណៈកម្មាធិការពាណិជ្ជកម្មអន្តរជាតិនៃសភាអឺរ៉ុបបានមានប្រសាសន៍ថា EVFTA គឺជាមូលដ្ឋានគ្រឹះដ៏រឹងមាំដើម្បីរក្សាស្ថិរភាពទំនាក់ទំនងនៃភាគីទាំងពីរ ហើយឆ្ពោះទៅរកការអភិវឌ្ឍថ្មីនាពេលអនាគត។
 វៀតណាមនិង «ឱកាសមាស» ដើម្បីទាញយកផលប្រយោជន៍ពីកិច្ចព្រមព្រៀង EVFTA |
 វៀតណាមនិងកម្ពុជា ឯកភាពគ្នាក្នុងការពង្រឹងកិច្ចសហប្រតិបត្តិការលើវិស័យព័ត៌មាន និងសោតទស្សន៍ |
 |
| ប្រធានរដ្ឋសភាលោក Vuong Dinh Hue អញ្ជើញទទួលជួបប្រធានគណៈកម្មាធិការពាណិជ្ជកម្មអន្តរជាតិនៃសភាអឺរ៉ុបលោក Bernd Lange |
នាថ្ងៃទី ៨ ខែកញ្ញា នៅទីក្រុងហាណូយ នៅក្នុងជំនួបជាមួយគណៈប្រតិភូគណៈកម្មការពាណិជ្ជកម្មអន្តរជាតិនៃសភាអឺរ៉ុប ដឹកនាំដោយលោក Bernd Lange ប្រធានគណៈកម្មាធិការពាណិជ្ជកម្មអន្តរជាតិនៃសភាអឺរ៉ុប អញ្ជើញមកបំពេញទស្សនកិច្ចការងារនៅវៀតណាម ប្រធានរដ្ឋសភាវៀតណាម លោក Vuong Dinh Hue បានសង្កត់ធ្ងន់ថា រដ្ឋសភា និងស្ថាប័នមានសមត្ថកិច្ចរបស់វៀតណាមត្រៀមខ្លួនជាស្រេចសហប្រតិបត្តិការជាមួយសហភាពអឺរ៉ុប (EU) ដើម្បីជំរុញសមាជិក EU ផ្សេងទៀត ផ្តល់សច្ចាប័ន និងអនុវត្តន៍កិច្ចព្រមព្រៀងពាណិជ្ជកម្មសេរីវៀតណាម(EVFTA)-EU ។
ប្រធានរដ្ឋសភាវៀតណាម លោក Vuong Dinh Hue បានស្នើឲ្យប្រធានគណៈកម្មាធិការពាណិជ្ជកម្មអន្តរជាតិនៃសភាអឺរ៉ុបនឹងជំរុញដល់ប្រទេសនានាផ្ដល់សច្ចាប័នលើកិច្ចព្រមព្រៀង EVFTA; រដ្ឋសភា និងស្ថាប័នមានសមត្ថកិច្ចរបស់វៀតណាមត្រៀមខ្លួនជាស្រេចសហប្រតិបត្តិការជាមួយ EU ដើម្បីជំរុញដល់សមាជិកដទៃទៀតផ្ដល់សច្ចាប័ន និងអនុវត្តន៍កិច្ចព្រមព្រៀង។ ប្រធានរដ្ឋសភាលោក Vuong Dinh Hue បានស្នើឲ្យ EU បន្តដើរតួនាទីធានាសន្តិភាព ស្ថិរភាព សន្តិសុខ សុវត្ថិភាពនាវាចរណ៍ និងអាកាសចរណ៍នៅសមុទ្រខាងកើត។
ជាការឆ្លើយតប ប្រធានគណៈកម្មាធិការពាណិជ្ជកម្មអន្តរជាតិនៃសភាអឺរ៉ុបបានមានប្រសាសន៍ថា EVFTA គឺជាមូលដ្ឋានគ្រឹះដ៏រឹងមាំដើម្បីរក្សាស្ថិរភាពទំនាក់ទំនងនៃភាគីទាំងពីរ ហើយឆ្ពោះទៅរកការអភិវឌ្ឍថ្មីនាពេលអនាគត។ លោក Bernd Lange បានឲ្យដឹងថា នាបច្ចុប្បន្ននេះ បណ្ដាប្រទេសជាសមាជិក EU បានត្រៀមខ្លួនជាស្រេចជំរុញការផ្តល់សច្ចាប័នលើកិច្ចព្រមព្រៀង EVFTA។ លោកក៏ បានសង្កត់ធ្ងន់ថា រូបលោក និង EU តែងតែគាំទ្រវៀតណាមលើបញ្ហានានាទាក់ទងនឹងសន្តិសុខ សេរីភាពនាវាចរណ៍ អាកាសចរណ៍ ដែលភាគីទាំងអស់សុទ្ធតែត្រូវគោរព តាមគោលការណ៍ផ្អែកលើច្បាប់អន្តរជាតិផងដែរ៕
មតិពីមិត្តអ្នកអាន