គណៈប្រតិភូក្រសួងព័ត៌មានកម្ពុជា ដឹកនាំដោយលោក លី វ៉ាន់ហុង ប្រតិភូរាជរដ្ឋាភិបាល បានកំពុងបំពេញទស្សនកិច្ចរយៈពេល ៥ថ្ងៃ នៅទីក្រុងហាណូយ ប្រទេសវៀតណាម ដើម្បីពង្រឹងកិច្ចសហប្រតិ្តការ និងការផ្លាស់ប្តូរបទពិសោធន៍លើការងារដឹកនាំ គ្រប់គ្រង និងអភិវឌ្ឍន៍វិស័យព័ត៌មាន និងសោតទស្សន៍ រវាងក្រសួងព័ត៌មាននៃប្រទេសទាំងពីរ។
ទិដ្ឋភាពនៃជំនួប (រូបថត៖clicknews)
នៅថ្ងៃទី១ នៃដំណើរទស្សនកិច្ចនេះ គណៈប្រតិភូដឹកនាំដោយ លោក លី វ៉ាន់ហុង ត្រូវបានអញ្ជើញទស្សនៈកិច្ចមជ្ឈមណ្ឌលត្រួតពិនិត្យ និងរក្សាទុកទិន្នន័យកាសែតអេឡិចត្រូនិក Digital Media Archive Center និងបានជួបសម្តែងការគួរសម និងពិភាក្សាការងារជាមួយថ្នាក់ដឹកនាំក្រសួងព័ត៌មាន និងផ្សព្វផ្សាយវៀតណាម។
ក្នុងនោះ ភាគីវៀតណាម ដឹកដោយលោក Hoang Vinh Bao អនុរដ្ឋមន្រ្តីក្រសួងព័ត៌មាន និងផ្សព្វផ្សាយ និងលោកបណ្ឌិត Phan Thao Nguyen អគ្គនាយកនៃអគ្គនាយដ្ឋានសហប្រតិបត្តការទំនាក់ទំនងអន្តរជាតិ និងថ្នាក់ដឹកនាំនាយកដ្ឋានជំនាញផ្សេងៗទៀត។
ក្នុងជំនួបភាគីទាំងពីរ ពេញចិត្តចំពោះលទ្ឋផលនៃកិច្ចសហប្រតិបត្តិការនាពេលកន្លងមក និងគាំទ្រ ឱ្យមានកិច្ចសហការគ្នាបន្ថែមទៀត ចាប់តាំងពីថ្នាក់រដ្ឋាភិបាល រហូតដល់អង្គភាពនិងអង្គភាព ចំណុះឱ្យក្រសួងព័ត៌មាននៃប្រទេសទាំងពីរ។
(ប្រភព៖ clicknews - សរុបដោយ ហេងវុធ្ធី)
មតិពីមិត្តអ្នកអាន