យុគសម័យ- ចាប់ពីថ្ងៃទី ១២ ដល់ថ្ងៃទី ១៨ ខែកញ្ញា នៅស្រុកចំនួនពីរគឺ ស្រុក Bac Ha និង ស្រុក Si Ma Cai នៃខេត្ត Lao Cai នឹងរៀបចំមហោស្រពខ្ពង់រាបពណ៌ស Bac Ha នារដូវស្លឹកឈើជ្រុះឆ្នាំ ២០២២ ដោយមានសកម្មភាពទេសចរណ៍ និងបទពិសោធន៍គួរឱ្យចាប់អារម្មណ៍ជាច្រើន។
 លក្ខណៈពិសេសនៃផ្សារណាត់ Bac Ha |
 លង់ចិត្តនឹងប្រជុំផ្សារល្បីល្បាយ នៃស្រុក Bac Ha |
គណៈកម្មាធិការរៀបចំមហោស្រពខ្ពង់រាបពណ៌ស Bac Ha នារដូវស្លឹកឈើជ្រុះឆ្នាំ ២០២២ទើបតែបានចេញផែនការលេខ ២៥៤ ស្តីពីការរៀបចំការប្រកួតកីឡាទេសចរណ៍រួម ដើម្បីអបអរសាទរខួបលើកទី ៧២ ឆ្នាំនៃទិវារំដោះ Bac Ha (ថ្ងៃទី ២០ ខែកញ្ញា ឆ្នាំ ១៩៥០ - ថ្ងៃទី ២០ ខែកញ្ញា ឆ្នាំ ២០២២)។ មហោស្រពឆ្នាំនេះមានប្រធានបទ "ក្លិនក្រអូបនៃអំបុកស្រូវថ្មី នារដូវស្លឹកឈើជ្រុះ"។
 |
| ការប្រកួតប្រណាំងសេះនៅស្រុក Bac Ha។ (រូបថត៖ អ៊ីនធឺណិត) |
មកទស្សនាមហោស្រព ភ្ញៀវទេសចរនឹងទទួលបានបទពិសោធន៍ និងចូលរួមក្នុងសកម្មភាពដ៏អស្ចារ្យដូចជា៖ «ក្លឹនក្រអូបនៃអំបុកនៅខ្ពង់រាបស» ប្រព្រឹត្តិទៅ ចាប់ពីថ្ងៃទី ១៦ ដល់ថ្ងៃទី ១៧ ខែកញ្ញា។ ទន្ទឹមនឹងនេះ វានឹងមានការរៀបចំឡើងវិញនូវរបៀបធ្វើអំបុកប្រពៃណី លើឆាកសម្តែង នៅផ្សាររាត្រី Bac Ha និងផ្ទះវប្បធម៌ឃុំ Ta Chai។
ពានរង្វាន់កីឡាទេសចរណ៍ទូទៅប្រព្រឹត្តទៅ ក្នុងរយៈពេល ៣ ថ្ងៃ (ចាប់ពីថ្ងៃទី ១៦ ដល់ថ្ងៃទី ១៨ ខែកញ្ញា ឆ្នាំ ២០២២) នៅស្រុក Bac Ha និងស្រុក Si Ma Cai ដោយមានសកម្មភាពដូចខាងក្រោម៖ ពានរង្វាន់ការរត់ប្រណាំងម៉ារ៉ាតុងឆ្លងភ្នំពាយ័ព្យ - Lao Cai ឆ្នាំ ២០២២; ពានរង្វាន់រត់ប្រណាំង "ស្វែងយល់នូវខ្ពង់រាបពណ៌ស Bac Ha ឆ្នាំ២០២២"; លាកល្បងការប្រកួតកីឡារួម Triathalon (រត់រួមបញ្ចូលនឹងជិះកង់ ជិះទូក kayak)។
ជាពិសេសក្នុងមហោស្រពនេះ នៅឆាកសមតែងនៅផ្សាររាត្រី Bac Ha មានការប្រលងរបាំប្រជាប្រិយ និងការបង្ហាញម៉ូតសំលៀកបំពាក់ប្រពៃណី (ក្រៅពី ស្រុក Bac Ha ក៏មានស្រុក Bat Xat ស្រុកSi Ma Cai ស្រុក Muong Khuong ចូលរួម); នៅវិមាន Hoang A Tuong ភ្ញៀវទេសចរក្នុងស្រុក និងបរទេសនឹងមានឱកាសទៅទស្សនា និងទទួលបទពិសោធន៍នៃព្រឹត្តិការណ៍នៃរដូវស្លឹកឈើជ្រុះជាបន្តបន្ទាប់។
 |
| “Bac Ha ក្នុងរដូវស្លឹកឈើជ្រុះ” នឹងក្លាយជាគោលដៅទាក់ទាញភ្ញៀវទេសចរ (រូបថត៖ កាសែត Lao Cai) |
មហោស្រពគឺជាសកម្មភាពសំខាន់ ដើម្បីឧទ្ទេសនាម និងផ្សព្វផ្សាយសក្តានុពលទេសចរណ៍ និងភាពខ្លាំង និងតម្លៃវប្បធម៌របស់បណ្តាជនជាតិក្នុងតំបន់។ បង្កើតផលិតផលទេសចរណ៍ឆ្នើម ដើម្បីទាក់ទាញភ្ញៀវទេសចរមកកាន់ខ្ពង់រាបពណ៌ស Bac Ha៕
thoidai
មតិពីមិត្តអ្នកអាន