ក្នុងឱកាសរំលឹកខួបលើកទី ៧៧ នៃទិវាបុណ្យឯករាជ្យជាតិនៃសាធារណរដ្ឋឥណ្ឌូណេស៊ី (១៧ សីហា ឆ្នាំ១៩៤៥ / ១៧ សីហា ឆ្នាំ២០២២) នាល្ងាចថ្ងៃទី ១៩ សីហា នៅទីក្រុងហាណូយ ស្ថានទូតឥណ្ឌូណេស៊ីប្រចាំវៀតណាមបានរៀបចំពិធីជប់លៀងដោយមានការចូលរួមពីលោក Nguyen Minh Vu អនុរដ្ឋមន្ត្រីអចិន្ត្រៃយ៍ក្រសួងការបរទេសវៀតណាម, លោកស្រី Nguyen Phuong Nga ប្រធានសហព័ន្ធអង្គការមិត្តភាពវៀតណាម រួមនិងឯកអគ្គរដ្ឋទូត និងតំណាងការទូតនៃបណ្តាប្រទេសប្រចាំវៀតណាម។
 អ្នកវិទ្យាសាស្ត្រវៀតណាមចំនួន ១០ នាក់ដែលមានឈ្មោះក្នុងបញ្ជីចំណាត់ថ្នាក់កំពូលរបស់ពិភពលោក |
 ខេត្ត Xieng Khoang (ឡាវ) និង Son La បានចុះហត្ថលេខាលើអនុស្សរណៈនៃការយោគយល់គ្នា |
 |
| ឯកអគ្គរដ្ឋទូតឥណ្ឌូណេស៊ីប្រចាំវៀតណាម លោក Denny Abdi ថ្លែងនៅក្នុងពិធី |
ថ្លែងមតិនៅក្នុងពិធីនេះ ឯកអគ្គរដ្ឋទូតឥណ្ឌូណេស៊ីប្រចាំវៀតណាម លោក Denny Abdi បានអះអាងនូវទំនាក់ទំនងមិត្តភាព និងកិច្ចសហប្រតិបត្តិការដ៏ល្អរវាងឥណ្ឌូណេស៊ី និងវៀតណាមលើវិស័យនយោបាយ សន្តិសុខ ការពារជាតិ ពាណិជ្ជកម្ម សេដ្ឋកិច្ច និងការជួបប្រាស្រ័យរវាងប្រជាជន និងប្រជាជន។ ទោះបីរងផលប៉ះពាល់ដោយសារជំងឺរាតត្បាត Covid-19 ក៏ដោយ ក៏ប្រទេសទាំងពីរនៅតែរក្សាការផ្លាស់ប្តូរ និងកិច្ចសន្ទនាតាមទូរស័ព្ទថ្នាក់ជាន់ខ្ពស់; រៀបចំសិក្ខាសាលា និងកម្មវិធីផ្លាស់ប្តូរក្នុងទម្រង់សមស្រប។
ដោយអះអាងថា ឥណ្ឌូណេស៊ី និងវៀតណាមគឺជាដៃគូសំខាន់ និងមិនអាចខ្វះបានរបស់គ្នាទៅវិញទៅមក លោកឯកអគ្គរដ្ឋទូត Denny Abdi បានសម្តែងក្តីសង្ឃឹមថា ឥណ្ឌូណេស៊ី រួមជាមួយវៀតណាម និងប្រទេសសមាជិកអាស៊ាន នឹងលើកកំពស់ឋានៈរបស់សមាគម និងរួមចំណែកកាន់តែច្រើនថែមទៀតក្នុងតំបន់ និងលើពិភពលោក។
តាងនាមរដ្ឋាភិបាលវៀតណាម អនុរដ្ឋមន្ត្រីអចិន្ត្រៃយ៍ក្រសួងការបរទេសវៀតណាម លោក Nguyen Minh Vu បានសម្តែងនូវចំណាប់អារម្មណ៍ចំពោះសមិទ្ធផលដែលឥណ្ឌូណេស៊ីសម្រេចបានក្នុងការអភិវឌ្ឍសេដ្ឋកិច្ចសង្គម ស្ថិរភាពជីវភាពរស់នៅរបស់ប្រជាជនក្រោយពីជំងឺរាតត្បាត។ ជាពិសេសនៅឆ្នាំ ២០២២ ឥណ្ឌូណេស៊ីកំពុងសម្រេចបានជោគជ័យក្នុងតួនាទីជាប្រធានប្តូរវេននៃក្រុមខឿនសេដ្ឋកិច្ចអភិវឌ្ឍន៍ និងទើបលេចចេញជួរមុខនៅលើពិភពលោក (G20) ជាលើកដំបូង។ លោកអនុរដ្ឋមន្ត្រី Nguyen Minh Vu សង្ឃឹមថា វៀតណាម និងឥណ្ឌូណេស៊ីនឹងជំរុញទំនាក់ទំនងកិច្ចសហប្រតិបត្តិការឲ្យកាន់តែស៊ីជម្រៅ និងទូលំទូលាយថែមទៀត ដោយផ្អែកលើផលប្រយោជន៍រួម និងចក្ខុវិស័យរួមរបស់ប្រទេសទាំងពីរស្តីពីសន្តិសុខ វិបុលភាព និងការអភិវឌ្ឍប្រកបដោយចីរភាពក្នុងតំបន់៕
មតិពីមិត្តអ្នកអាន