តំណាងនាយកដ្ឋានកីឡាមហាជន សមាគមកីឡាអេឡិចត្រូនិក និងកម្សាន្តវៀតណាម រួមជាមួយសហគ្រាសបានមកដល់កម្ពុជាដើម្បីជួយប្រទេសម្ចាស់ផ្ទះនៃស៊ីហ្គេមលើកទី ៣២ រៀបចំការប្រកួតកីឡា Esports។
 បើកកិច្ចប្រជុំលើកទី៦ នៃតុលាការខេត្តជាប់ព្រំដែនឡាវ - វៀតណាម - កម្ពុជា |
 អតិរេកនៃការនាំចេញផលិតផលកសិកម្ម រុក្ខប្រមាញ់និងនេសាទ ក្នុងរយៈពេល ៤ ខែ កើនឡើង ៣,២ ដង |
 |
| លោក វ៉ាត់ ចំរើន អគ្គលេខាធិការ CAMSOC និងលោក Nguyen Ngoc Anh ប្រធាននាយកដ្ឋានអប់រំកាយ និងកីឡា និងគណៈប្រតិភូនៅរាជធានីភ្នំពេញ |
បន្ទាប់ពីពិធីចុះហត្ថលេខាលើកិច្ចសហប្រតិបត្តិការគ្រប់ជ្រុងជ្រោយរវាងសមាគមកីឡាអេឡិចត្រូនិក និងកម្សាន្តវៀតណាម និងគណៈកម្មាធិការជាតិរៀបចំព្រឹត្តិការណ៍ស៊ីហ្គេមលើកទី៣២ (CAMSOC) ដើម្បីរៀបចំការប្រកួតកីឡា Esports នៅស៊ីហ្គេមលើកទី ៣២ ចាប់ពីថ្ងៃទី ១១ ដល់ថ្ងៃទី ១៤ ខែ សីហា ឆ្នាំ ២០២២ គណៈប្រតិភូវៀតណាមរួមមានតំណាងនាយកដ្ឋានកីឡាមហាជន តំណាងសមាគមកីឡាអេឡិចត្រូនិក និងកម្សាន្តវៀតណាម និងសហគ្រាសបានមកដល់ទីក្រុងភ្នំពេញ ដើម្បីស្រាវជ្រាវ ផ្ដល់ប្រឹក្សានិងឯកភាពលើទីតាំងរៀបចំការប្រកួត ខ្លឹមសារ និងដំណើរការរៀបចំការប្រកួតកីឡា Esports នៅស៊ីហ្គេមលើកទី ៣២ ប្រកបដោយគុណភាពល្អបំផុត។
នៅក្នុងព្រឹត្ដិការណ៍នេះ លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មាធិការជាតិ CAMSOC សង្ឃឹមថា ភាគីទាំងពីរនឹងបន្តអនុវត្តសកម្មភាពនានាដើម្បីកម្ពុជារៀបចំការប្រកួតកីឡាស៊ីហ្គេមលើកទី៣២ ប្រកបដោយជោគជ័យនៅឆ្នាំ ២០២៣ ខាងមុខនេះ។
លោក វ៉ាត់ ចំរើន មានប្រសាសន៍ថា “នេះជាលើកដំបូងដែលកម្ពុជាធ្វើជាម្ចាស់ផ្ទះស៊ីហ្គេម។ ដូច្នេះ យើងខ្ញុំត្រូវការជំនួយពីបណ្ដាប្រទេសក្នុងតំបន់ ជាពិសេសពីប្រទេសវៀតណាម។ កម្ពុជាវាយតម្លៃខ្ពស់ចំពោះស្មារតីសកម្មរបស់ការប្រកួតកីឡា Esports វៀតណាម។ ការគាំទ្ររបស់អ្នកមានសារៈសំខាន់ណាស់”។ ស៊ីហ្គេមគឺជាព្រឹត្តិការណ៍កីឡាដ៏ធំបំផុតដែលប្រារព្ធឡើងនៅអាស៊ីអាគ្នេយ៍ នេះគឺជាឱកាសដ៏មានតម្លៃដើម្បីផ្សព្វផ្សាយវប្បធម៌ និងទេសចរណ៍តាមរយៈការប្រកួតកីឡា និងបង្កើនកិច្ចសហប្រតិបត្តិការ ការយល់ដឹង និងសាមគ្គីភាពក្នុងសហគមន៍អាស៊ីអាគ្នេយ៍។
ស៊ីហ្គេមគឺជាព្រឹត្តិការណ៍កីឡាដ៏ធំបំផុតដែលប្រារព្ធឡើងនៅអាស៊ីអាគ្នេយ៍ ក្រៅពីការប្រកួតប្រជែងដើម្បីកែលម្អសមិទ្ធិផលនៃកីឡាអូឡាំពិក នេះគឺជាឱកាសដ៏មានតម្លៃក្នុងការលើកកម្ពស់វប្បធម៌តាមរយៈកីឡា និងទេសចរណ៍ បង្កើនកិច្ចសហប្រតិបត្តិការ ការយល់ដឹង និងសាមគ្គីភាពក្នុងសហគមន៍អាស៊ីអាគ្នេយ៍។
ស៊ីហ្គេមលើកទី ៣២ គ្រោងនឹងប្រព្រឹត្តិទៅចាប់ពីថ្ងៃទី ៥ ដល់ថ្ងៃទី១៦ ខែឧសភា ឆ្នាំ២០២៣ នៅប្រទេសកម្ពុជា ដោយមានប្រទេសចូលរួម ១១ ប្រទេស។ ការប្រកួតកីឡា Esports ជាកីឡាមួយប្រភេទក្នុងចំណោមកីឡាចំនួន ៣៩ ប្រភេទក្នុងស៊ីហ្គេមលើកទី៣២។ នេះជាលើកទី ៣ ហើយដែលការប្រកួតកីឡាអេឡិចត្រូនិកបានក្លាយប្រភេទប្រកួតកីឡាជាផ្លូវការនៅស៊ីហ្គេម៕
មតិពីមិត្តអ្នកអាន