ជួយឧបត្ថម្ភជនជាតិភាគតិចឱ្យមានស្ថិរភាពក្នុងជីវភាពរស់នៅ

ថែទាំអ្នកមានប្រជាប្រិយភាពក្នុងចំណោមជនជាតិភាគតិច

បង្កើនការផ្សព្វផ្សាយច្បាប់ដល់ស្ត្រីជនជាតិភាគតិច

ទោះបីអាជ្ញាធរគ្រប់លំដាប់ថ្នាក់បានយកចិត្តទុកដាក់វិនិយោគធនធានច្រើនក៏ដោយក៏ជីវភាពរស់នៅរបស់ប្រជាជននៅក្នុងភូមិជនជាតិភាគតិចនៅតែប្រឈមមុខនឹងការលំបាកជាច្រើន អត្រាគ្រួសារក្រីក្រនៅតំបន់ជនជាតិភាគតិចគឺខ្ពស់ជាងមធ្យមទូទៅ។ ក្នុងឆ្នាំ ២០០៤ គ្រួសារក្រីក្រនៅតំបន់ជនជាតិភាគតិចក្នុងខេត្ត Dac Lac មានចំនួន ៦៣.៨៨% នៃគ្រួសារក្រីក្រសរុបក្នុងខេត្ត។

តំបន់ដីបង្កបង្កើនផលចែកជូនបងប្អូនជនជាតិភាគតិចនៅឃុំ Cu Elang ស្រុក Ea Kar (Dac Lac)

មូលហេតុនៃភាពក្រីក្រនៅតំបន់ជនជាតិភាគតិចនៃខេត្ត Dac Lac ភាគច្រើនបណ្តាលមកពីកង្វះដីផលិតកម្ម និងកង្វះការងារធ្វើមានស្ថិរភាព។

ក្នុងប៉ុន្មានឆ្នាំចុងក្រោយនេះ ជាពិសេសចាប់តាំងពីឆ្នាំ ២០០៤ រហូតមកដល់បច្ចុប្បន្ន ខេត្ត Dac Lac បានផ្តោតការយកចិត្តទុកដាក់លើការអនុវត្តប្រកបដោយប្រសិទ្ធភាពនូវកិច្ចការជនជាតិ និងគោលនយោបាយជនជាតិ ដើម្បីជួយឧបត្ថម្ភជនជាតិភាគតិចមានស្ថិរភាពក្នុងជីវភាពរស់នៅ និងកាត់បន្ថយភាពក្រីក្រប្រកបដោយចីរភាព។ យោងតាមគណៈកម្មាធិការកិច្ចការជនជាតិខេត្ត Dac Lac បានឲ្យដឹងថា ខេត្តបានកៀរគរ​​ធនធានជាច្រើន គួបផ្សំនឹងការជួយឧបត្ថម្ភពីមជ្ឈិម ដើម្បីអនុវត្តការជួយឧបត្ថម្ភដីផលិតកម្ម ដីលំនៅឋាន និងទឹកប្រើប្រាស់សម្រាប់គ្រួសារជនជាតិភាគតិចក្រីក្រ មានជីវភាពរស់នៅជួបការលំបាក ដោយយោងតាមសេចក្តីសម្រេចលេខ 134/2004/QD-TTg ចុះថ្ងៃទី ២០ ខែកក្កដា ឆ្នាំ ២០០៤ របស់នាយករដ្ឋមន្ត្រី។

ជាមួយនឹងការខិតខំប្រឹងប្រែងយ៉ាងខ្លាំងក្នុងការជួយឧបត្ថម្ភជនជាតិភាគតិចនៅតំបន់ជួបការលំបាក រហូតមកដល់ពេលនេះ ហេដ្ឋារចនាសម្ព័ន្ធក៏ដូចជាជីវភាពរស់នៅរបស់ជនជាតិភាគតិចក្នុងខេត្ត Dac Lac ត្រូវបានកែលម្អយ៉ាងខ្លាំង។ បច្ចុប្បន្ន ខេត្ត Dac Lac មានឃុំចំនួន​ ១០០% ដែលមានផ្លូវរថយន្តទៅកាន់មជ្ឈមណ្ឌលឃុំ មានបណ្តាញអគ្គិសនីជាតិ មានមណ្ឌលសុខភាព; ភូមិចំនួន ៩៧.២% មានអគ្គិសនីប្រើប្រាស់; គ្រួសារចំនួន ៩៨% មានអគ្គិសនីប្រើប្រាស់ និងរលកទូរស័ព្ទគ្របដណ្តប់លើឃុំជាង ៩៥% ។

យោងតាមស្ថិតិនៅចុងឆ្នាំ ២០២០ អត្រានៃភាពក្រីក្រនៅក្នុងខេត្ត Dac Lac មានត្រឹម ៧.៩១% (ធ្លាក់ចុះ ១១.៤៦% បើធៀបនឹងឆ្នាំ ២០២៥)។ រីឯអត្រាគ្រួសារក្រីក្រក្នុងតំបន់ជនជាតិភាគតិចថយចុះមកត្រឹម ១៧.៤%; អត្រាគ្រួសារក្រីក្រនៅក្នុងឃុំជួបការលំបាកខ្លាំង ថយចុះមកត្រឹម ២៧.៦៧%។ ខេត្ត Dac Lac បានកំណត់ទិសដៅសម្រាប់ឆ្នាំ ២០២១-២០២៥ កាត់បន្ថយអត្រាគ្រួសារក្រីក្រជាមធ្យម ១.៥-២% ក្នុងមួយឆ្នាំ។ ជាពិសេស គ្រួសារក្រីក្រនៅតំបន់ជនជាតិភាគតិចនឹងថយចុះពី ៣ ទៅ ៤% ក្នុងមួយឆ្នាំ ហើយនៅឆ្នាំ ២០៣០ នឹងមិនមានស្រុកក្រីក្រ និងឃុំជួបការលំបាកខ្លាំង៕

kh.qdnd.vn