យុគសម័យ - នៅក្នុងបញ្ជី “កន្លែងដែលមានទឹកខៀវថ្លាបំផុតនៅលើពិភពលោក” ដែលត្រូវបានបោះឆ្នោតជ្រើសរើសដោយទស្សនាវដ្តីទេសចរណ៍អាមេរិក Travel Leisure មានតែកោះ Con Son ដែលស្ថិតនៅ Con Dao ខេត្ត Ba Ria – Vung Tau នៃប្រទេសវៀតណាមបង្ហាញឡើង។ នេះក៏ជាតំណាងដ៏កម្ររបស់អាស៊ីក្នុងការបោះឆ្នោតនេះ។
Con Son ជាកោះតែមួយគត់របស់វៀតណាមស្ថិតនៅក្នងបញ្ជី “កន្លែងដែលមានទឹកខៀវថ្លាបំផុតនៅលើពិភពលោក” (រូបថត៖ baoquocte.vn)
រំលឹកដល់កោះ Con Son គេនឹងគិតអំពីកោះធំបំផុតនៅក្នុងប្រជុំកោះ Con Dao ដែលមានផ្ទៃដី ៥១,៥២ គីឡូម៉ែត្រការ៉េ។ មានតែចំណាយត្រឹមតែ ៤៥ នាទី ពីទីក្រុងហូជីមិញដោយជិះយន្តហោះតែប៉ុណ្ណោះ ប៉ុន្តែកោះ Con Son ត្រូវបានប្រៀបធៀបដូចជាពិភពមួយដែលដាច់ឆ្ងាយពីភាពអ៊ូអរនៃជីវិតដោយមានឆ្នេរសមុទ្រស្រស់ស្អាតបំព្រងនិងធម្មជាតិផងដែរ។ មកដល់កោះ Con Son ភ្ញៀវទេសចរអាចជ្រើសរើសការធ្វើដំណើរកំសាន្តដោយជិះម៉ូតូ ជិះទូក ទៅកាន់ឈូងសមុទ្រ An Hai ដើម្បីទស្សនាអ្នកនេសាទរកគុជខ្យង ឬឡើងលើភ្នំដើម្បីគយគន់ទេសភាពទាំងមូល។
កោះ Con Dao ធ្លាប់ជាឈ្មោះដែលបានបង្ហាញជាច្រើនលើកច្រើនសារនៅលើទស្សនាវដ្តី Travel Leisure (រូបថត៖ baoquocte.vn)
គួរបញ្ជាក់ថា មុននោះ កោះ Con Dao ធ្លាប់ជាឈ្មោះដែលបានបង្ហាញជាច្រើនលើកច្រើនសារនៅលើទស្សនាវដ្តី Travel Leisure ។ នាឆ្នាំ ២០១១ នៅក្នុងអត្ថបទមួយ Travel Leisure បានលើកសរសើរកោះ Con Dao ជាកោះមួយដែលមានអាថ៌កំបាំងនិងល្អបំផុតនៅលើពិភពលោក ហើយនេះក៏ជាកន្លែងដ៏ល្អសម្រាប់ទទួលទានអាហារគ្រឿងសមុទ្រស្រស់និងឆ្ងាញ់នៅ ប្រទេសវៀតណាមផងដែរ៕
（ហេង វុធ្ធី）
មតិពីមិត្តអ្នកអាន