បណ្ដាសហគ្រាសជាសមាជិក EuroCham វាយតម្លៃជាវិជ្ជមានអំពីសក្តានុពលអភិវឌ្ឍន៍បៃតងរបស់វៀតណាម
 វៀតណាមនិងអាហ្សង់ទីនឆ្ពោះទៅរកកិច្ចសហប្រតិបត្តិការលើវិស័យថ្មីដោយមាន សក្តានុពល |
 រីកសាយភាយអណ្តាតភ្លើងស្នេហាជាតិតាមរយៈការប្រលង “ស្វែងយល់អំពីសមុទ្រនិងកោះរបស់វៀតណាមឆ្នាំ២០២២”។ |
សមាគមធុរកិច្ចអ៊ឺរ៉ុបនៅវៀតណាម (EuroCham) ទើបតែបានប្រកាសលទ្ធផលនៃការស្ទង់មតិសន្ទស្សន៍បរិយាកាសធុរកិច្ច (BCI) ដែលធ្វើឡើងដោយ YouGov Vietnam។ BCI គឺជារង្វាស់នៃភាពជឿជាក់លើបរិយាកាសធុរកិច្ច ក៏ដូចជាការធ្វើបច្ចុប្បន្នភាពអំពីស្ថានភាពអាជីវកម្ម និងការព្យាករណ៍នៅក្នុងទីផ្សារវៀតណាម ដោយមានវិនិយោគិន និងធុរកិច្ចអឺរ៉ុបជាង ១,២០០ នៅវៀតណាមចូលរួមក្នុងការស្ទង់មតិនេះ។
ដូច្នោះហើយ បន្ទាប់ពីការកើនឡើងនៅក្នុងត្រីមាសទីមួយនៃឆ្នាំ ២០២២ BCI បានថយចុះចំនួន ៤.៤ ភាគរយនៅក្នុងត្រីមាសទីពីរ ពី ៧៣ ពិន្ទុទៅ ៦៨.៨ ពិន្ទុ។ ទោះបីជា BCI ក្នុងត្រីមាសទី ២ ឆ្នាំ ២០២២ បានថយចុះក៏ដោយ ក៏វានៅតែ ៧.៦ ភាគរយខ្ពស់ជាងត្រីមាសទី ៤ ឆ្នាំ ២០២១ (៦១ ពិន្ទុ)។
យោងតាមរបាយការណ៍ស្ដីពីសន្ទស្សន៍បរិយាកាសធ្វើអាជីវកម្មនាពេលថ្មីៗនេះរបស់សម្ព័ន្ធសមាគមន៍ធុរកិច្ចអឺរ៉ុបប្រចាំនៅវៀតណាម (EuroCham) ដែលបានប្រកាសនាពេលថ្មីៗនេះ បានឲ្យដឹងថា ថ្នាក់ដឹកនាំបណ្ដាសហគ្រាសជាសមាជិក EuroCham ចំនួន ៧៩% បានវាយតម្លៃថាសក្តានុពលអភិវឌ្ឍន៍បៃតងរបស់វៀតណាមត្រូវបានកែលម្អ។ ទាក់ទិននឹងទំនាក់ទំនងរវាងកំណើនបៃតង ជាមួយនិង FDI នោះ សហគ្រាសជិត ៨០% ដែលត្រូវបានស្ទង់មតិបានចាត់ទុកថា វៀតណាមចាំបាច់ត្រូវបង្កើនការអភិវឌ្ឍលើវិស័យបៃតង ដើម្បីទាក់ទាញទុនវិនិយោគបរទេសថែមទៀត។
 |
ការស្ទង់មតិរបស់ EuroCham ក៏បានកំណត់នូវឧបសគ្គចំពោះការវិនិយោគរបស់អឺរ៉ុបនៅវៀតណាម និងពាណិជ្ជកម្មរវាងភាគីទាំងពីរផងដែរ។ ថ្នាក់ដឹកនាំសហគ្រាសដែលបានស្ទង់មតិចំនួន ៣៥% បានចាត់ទុកថា ការកាត់បន្ថយបែបបទរដ្ឋបាលគឺជាវិធីប្រកបដោយប្រសិទ្ធភាពបំផុត ដើម្បីបង្កើនទុន FDI ។
ក្នុងពេលនោះ ២៤% បានចាត់ទុកថា ការអភិវឌ្ឍហេដ្ឋារចនាសម្ព័ន្ធនឹងក្លាយជាកត្តាចម្បង។ ដូចគ្នានេះដែរ អ្នកទទួលបានការស្ទង់មតិចំនួន ៤៥% បាននិយាយថា ការលំបាកចម្បងដែលក្រុមហ៊ុនបរទេសជួបប្រទះគឺទាក់ទងទៅនឹងបែបបទរដ្ឋបាលដែលរារាំងសមត្ថភាពទាញយកអត្ថប្រយោជន៍ពីកិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប (EVFTA) ផងដែរ៕
មតិពីមិត្តអ្នកអាន