Trending now

នារសៀលថ្ងៃទី២៥ ខែកក្កដា ឆ្នាំ២០២២ នៅរាជធានីភ្នំពេញ បានប្រព្រឹត្តទៅពិធីអបអរសាទរខួបលើកទី៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា និងពិធីចុះហត

09:16 | 27/07/2022 យោងតាមកាសែតកងទ័ពប្រជាជន

នារសៀលថ្ងៃទី២៥ ខែកក្កដា ឆ្នាំ២០២២ នៅរាជធានីភ្នំពេញ បានប្រព្រឹត្តទៅពិធីអបអរសាទរខួបលើកទី៥៥ នៃការបង្កើតទំនាក់ទំនងការទូតរវាងវៀតណាម និងកម្ពុជា និងពិធីចុះហត្ថលេខាលើកិច្ចព្រមព្រៀងសហប្រតិបត្តិការទ្វេភាគីរវាងសម្ព័ន្ធសមាគមនារីវៀតណាម និងសមាគមនារីកម្ពុជាដើម្បីសន្តិភាព និងអភិវឌ្ឍន៍ ដំណាក់កាល ២០២២-២០២៧។

វៀតណាម និងកម្ពុជា ជំរុញកិច្ចសហប្រតិបត្តិការលើច្បាប់យោធា ការពារជាតិ វៀតណាម និងកម្ពុជា ជំរុញកិច្ចសហប្រតិបត្តិការលើច្បាប់យោធា ការពារជាតិ
ជំរុញការចែករំលែកបទពិសោធន៍ក្នុងសកម្មភាពមិត្តភាពរវាងវៀតណាម និងកម្ពុជា ជំរុញការចែករំលែកបទពិសោធន៍ក្នុងសកម្មភាពមិត្តភាពរវាងវៀតណាម និងកម្ពុជា
ពិធីចុះហត្ថលេខារវាងឧបនាយករដ្ឋមន្ត្រីកម្ពុជាលោកជំទាវ ម៉ែន សំអន និងប្រធានសម្ព័ន្ធសមាគមនារីវៀតណាម លោកស្រី Ha Thi Nga (រូបថត៖ nhandan)
ពិធីចុះហត្ថលេខារវាងឧបនាយករដ្ឋមន្ត្រីកម្ពុជាលោកជំទាវ ម៉ែន សំអន និងប្រធានសម្ព័ន្ធសមាគមនារីវៀតណាម លោកស្រី Ha Thi Nga

អញ្ជើញចូលរួមក្នុងពិធី មានលោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ដ្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានសមាគមនារីកម្ពុជាដើម្បីសន្ដិភាព និងអភិវឌ្ឍន៍ លោកស្រី Ha Thi Nga សមាជិកគណៈកម្មាធិការមជ្ឈិមបក្ស ប្រធានសម្ព័ន្ធសមាគមនារីវៀតណាម ឯកអគ្គរដ្ឋទូតវិសាមញ្ញ និងពេញសមត្ថភាពវៀតណាមប្រចាំនៅកម្ពុជា លោក Nguyen Huy Tang រួមជាមួយគណៈប្រតិភូសម្ព័ន្ធសមាគមនារីវៀតណាម តំណាងក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចកម្ពុជា សមាគមនារីខេត្តជាប់ព្រំដែនវៀតណាម-កម្ពុជា។

អញ្ជើញថ្លែងមតិក្នុងពិធីនេះ លោកជំទាវឧបនាយករដ្ឋមន្ត្រី ម៉ែន សំអន បានវាយតម្លៃខ្ពស់ចំពោះការសម្របសម្រួលរវាងសមាគមនារីវៀតណាមនិងកម្ពុជា នាពេលកន្លងមក ក្នុងគោលបំណងពង្រឹង និងពង្រីកទំនាក់ទំនងមិត្តភាពជាប្រពៃណីរវាងប្រទេសទាំងពីរ ហើយថ្លែងអំណរគុណចំពោះបក្ស រដ្ឋាភិបាល កងទ័ព និងប្រជាជន ជាពិសេសគឺនារីវៀតណាម ដែលតែងតែជួយឧបត្ថម្ភគាំទ្រ និងរួមសុខរួមទុក្ខជាមួយកម្ពុជា។

រីឯខ្លួនវិញ ប្រធានសម្ព័ន្ធសមាគមនារីវៀតណាម លោកស្រី Ha Thi Nga បានវាយតំលៃខ្ពស់ចំពោះសមិទ្ធផលដ៏ធំធេង ដែលប្រជាជន និងនារីកម្ពុជាសម្រេចបានក្នុងរយៈពេលជាច្រើនទសវត្សរ៍កន្លងមក។ លោកស្រី Ha Thi Nga បានបញ្ជាក់ថា បក្ស រដ្ឋ ប្រជាជន និងនារីវៀតណាមជានិច្ចកាលគោរព ថែរក្សា និងអភិវឌ្ឍទំនាក់ទំនង “អ្នកជិតខាងល្អ មិត្តភាពជាប្រពៃណី និងកិច្ចសហប្រតិបត្តិការលើគ្រប់ជ្រុងជ្រោយ និងស្ថិរភាព យូរអង្វែងរវាងវៀតណាម-កម្ពុជា”។ លោកស្រី Ha Thi Nga ក៏បានចាត់ទុកថា កិច្ចសហប្រតិបត្តិការរវាងភាគីទាំងពីរគប្បីជំរុញឲ្យកាន់តែស៊ីជម្រៅ និងជាក់ស្តែងថែមទៀត នៅគ្រប់លំដាប់ថ្នាក់ ហើយសមាគមនារីនៃប្រទេសទាំងពីរគប្បីរួមចំណែកបន្ថែមទៀតក្នុងកិច្ចសហប្រតិបត្តិការអន្តរជាតិ និងក្នុងតំបន់។

នៅចុងបញ្ចប់នៃពិធី ភាគីទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការទ្វេភាគី ដំណាក់កាល ២០២២-២០២៧ ដោយប្តេជ្ញាធ្វើការរួមគ្នា ឆ្ពោះទៅរកកិច្ចសហប្រតិបត្តិការជាក់ស្តែង និងមានប្រសិទ្ធភាពបន្ថែមទៀតលើគ្រប់វិស័យ ក្នុងរយៈពេល ៥ ឆ្នាំខាងមុខនេះ សំដៅពង្រឹងនិងពង្រីកទំនាក់ទំនងដ៏ល្អប្រសើរ ផ្លាស់ប្តូរព័ត៌មាន និងចែករំលែកបទពិសោធន៍លើសមិទ្ធផលក្នុងការអភិវឌ្ឍប្រទេសជាតិ និងការរៀបចំសកម្មភាពដើម្បីភាពរីកចម្រើនរបស់ស្រ្តីនិងសមភាពយេនឌ័រ៕

យោងតាមកាសែតកងទ័ពប្រជាជន

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់