វៀតណាម និងកម្ពុជា ជំរុញកិច្ចសហប្រតិបត្តិការលើច្បាប់យោធា ការពារជាតិ

ក្រសួងការពារជាតិវៀតណាម និងក្រសួងការពារជាតិកម្ពុជាបានឯកភាពគ្នាក្នុងការពង្រឹងកិច្ចសហប្រតិបត្តិការលើវិស័យយោធា និងការកសាងច្បាប់ការពារជាតិ រួមចំណែកយ៉ាងសកម្មក្នុងការបង្រួបបង្រួម និងអភិវឌ្ឍទំនាក់ទំនងកិច្ចសហប្រតិបត្តិការ និងមិត្តភាពដ៏ល្អរវាងយោធានៃប្រទេសទាំងពីរ។

នោះគឺជាលទ្ធផលនៃកិច្ចប្រជុំរៀបចំអនុស្សរណៈយោគយល់គ្នារវាងតំណាងក្រសួងការពារជាតិវៀតណាម និងតំណាងក្រសួងការពារជាតិកម្ពុជា ដែលបានប្រព្រឹត្តទៅនាព្រឹកថ្ងៃទី៩ ខែកក្កដា នៅទីក្រុងហូជីមិញ។

ក្នុងជំនួបពិភាក្សានេះ លោកវរសេនីយ៍ឯក Han Manh Thang ប្រធាននាយកដ្ឋានកិច្ចការច្បាប់ ក្រសួងការពារជាតិវៀតណាម និងនាយឧត្តមសេនីយ៍ មុំ សុផាត ប្រធាននាយកដ្ឋានកិច្ចការច្បាប់ ក្រសួងការពារជាតិនៃព្រះរាជាណាចក្រកម្ពុជា បានវាយតម្លៃខ្ពស់ចំពោះដំណើរការរបស់ ការរៀបចំឯកសារ ខ្លឹមសារបម្រើដល់សកម្មភាពនៃការកសាងអនុស្សារណៈយោគយល់គ្នារវាងក្រសួងការពារជាតិទាំងពីរ ស្តីពីកិច្ចសហប្រតិបត្តិការលើវិស័យយោធា និងច្បាប់ការពារជាតិ។

ភាគីទាំងពីរបានឯកភាពថា ការចុះហត្ថលេខាលើអនុស្សរណៈនៃកិច្ចសហប្រតិបត្តិការមានសារៈសំខាន់ បង្កើតលក្ខខណ្ឌអំណោយផលសម្រាប់ការអភិវឌ្ឍន៍ផែនការកិច្ចសហប្រតិបត្តិការប្រចាំឆ្នាំរវាងក្រសួងការពារជាតិនៃប្រទេសទាំងពីរលើការពង្រឹង និងជួយគ្នាទៅវិញទៅមកក្នុងវិស័យកសាងច្បាប់ការពារជាតិ និងយោធា រួមចំណែកយ៉ាងសកម្ម ក្នុងការកសាង និងអភិវឌ្ឍន៍វិស័យការពារជាតិរបស់ប្រទេសនីមួយៗ៕