នារសៀលថ្ងៃទី២៧ ខែមិថុនា ឆ្នាំ ២០២២ នៅទីក្រុងហាណូយ នាយករដ្ឋមន្ត្រី លោកPham Minh Chinh បានអញ្ជើញទទួលជួបជាមួយរដ្ឋមន្ត្រីការបរទេសអូស្ត្រាលី លោកស្រី Penny Wong ក្នុងឱកាស លោកស្រីមកបំពេញទស្សនកិច្ចផ្លូវការនៅវៀតណាម ចាប់ពីថ្ងៃទី២៦ ដល់ថ្ងៃទី២៨ ខែមិថុនា ឆ្នាំ២០២២។
 នាយករដ្ឋមន្ត្រីវៀតណាម លោក Pham Minh Chinh អញ្ជើញចូលរួមវេទិកាវិនិយោគ Da Nang |
 ឧបនាយករដ្ឋមន្ត្រីវៀតណាម លោក Le Minh Khai បានអញ្ជើញទទួលជួបពិភាក្សាជាមួយលោកជំទាវ ម៉ែន សំអន |
 |
| នាយករដ្ឋមន្ត្រី លោក Pham Minh Chinh និងរដ្ឋមន្ត្រីការបរទេសអូស្ត្រាលី លោកស្រី Penny Wong |
នៅក្នុងជំនួបនេះ នាយករដ្ឋមន្ត្រី លោក Pham Minh Chinh បានស្វាគមន៍ចំពោះដំណើរទស្សនកិច្ចលើកដំបូងរបស់លោកស្រី Penny Wong មកកាន់ប្រទេសវៀតណាម ក្នុងឋានៈជារដ្ឋមន្ត្រីការបរទេសអូស្ត្រាលី ព្រមទាំងជឿជាក់ថា ដំណើរទស្សនកិច្ចនេះនឹងរួមចំណែកយ៉ាងសំខាន់ក្នុងការជំរុញទំនាក់ទំនងដៃគូយុទ្ធសាស្ត្ររវាងវៀតណាមនិងអូស្ត្រាលី។ នាយករដ្ឋមន្ត្រី លោក Pham Minh Chinh បានថ្លែងអំណរគុណដល់រដ្ឋាភិបាលអូស្ត្រាលីសម្រាប់ការគាំទ្រនិងជំនួយឧបត្ថម្ភ អំពីវ៉ាក់សាំងបង្ការកូវីដ ១៩ ព្រមទាំងឧបករណ៍និងសម្ភារៈពេទ្យជាច្រើនដល់វៀតណាម ជាពិសេសវ៉ាក់សាំងសម្រាប់កុមារចំនួន ១៤,៤ លានដូស ដែលជួយវៀតណាមពន្លឿនយុទ្ធនាការចាក់វ៉ាក់សាំង ស្តារនិងអភិវឌ្ឍន៍សេដ្ឋកិច្ច។
នាយករដ្ឋមន្ត្រី Pham Minh Chinh បានចាត់ទុកថា ទោះបីជាមានការលំបាក និងបញ្ហាប្រឈមជាច្រើនដោយសារការរាតត្បាត Covid-19 ក៏ដូចជាការប្រែប្រួល និងអស្ថិរភាពក្នុងតំបន់ និងពិភពលោក ដោយមានការខិតខំប្រឹងប្រែងរបស់ប្រជាជនវៀតណាម និងការគាំទ្រពីមិត្តភក្តិអន្តរជាតិ រួមទាំងអូស្ត្រាលី វៀតណាមនៅតែសម្រេចបាននូវកំណើនសេដ្ឋកិច្ចខ្ពស់ រក្សាស្ថិរភាពម៉ាក្រូសេដ្ឋកិច្ច ទប់ស្កាត់អតិផរណា និងលើកកម្ពស់ជីវភាពរស់នៅរបស់ប្រជាជន; បន្តធានាតុល្យភាពនៃចំណូល និងចំណាយថវិកា ថាមពល និងសង្វាក់ការងារ; កំពុងអនុវត្តយ៉ាងសកម្មកម្មវិធីស្តារ និងអភិវឌ្ឍន៍សេដ្ឋកិច្ចសង្គម។
ចំណែកឯរដ្ឋមន្ត្រី លោកស្រី Penny Wong បានអះអាងថា អូស្ត្រាលីតែងតែយកចិត្តទុកដាក់យ៉ាងខ្លាំងចំពោះតួនាទី និងឋានៈរបស់វៀតណាមនៅក្នុងតំបន់។ លោកស្រីរដ្ឋមន្ត្រី Penny Wong ក៏បានអះអាងថា លោកស្រីនឹងសម្របសម្រួលជាមួយក្រសួងការបរទេស និងស្ថាប័នពាក់ព័ន្ធរបស់វៀតណាម ដើម្បីនាំទំនាក់ទំនងដៃគូយុទ្ធសាស្ត្រវៀតណាម - អូស្ត្រាលី កាន់តែស៊ីជម្រៅ និងមានប្រសិទ្ធភាព ឆ្ពោះទៅរកកម្ពស់ថ្មី ជាពិសេសក្នុងបរិបទដែលប្រទេសទាំងពីរត្រៀមរៀបចំពិធីអបអរសាទរខួបលើកទី ៥០ នៃការបង្កើតទំនាក់ទំនងការទូត (១៩៧៣-២០២៣) ។
មុននោះ នាព្រឹកថ្ងៃទី២៧ ខែមិថុនា ឆ្នាំ២០២២ នៅទីក្រុងហាណូយ រដ្ឋមន្ត្រីការបរទេស លោក Bui Thanh Son បានជួបសន្ទនាជាមួយសមភាគីអូស្ត្រាលី។ នៅក្នុងជំនួបពិភាក្សា រដ្ឋមន្ត្រីទាំងពីររូបបានឯកភាពជំរុញកិច្ចសហប្រតិបត្តិការលើវិស័យថ្មីដែលមានសក្ដានុពលខ្លាំងដូចជាការប្រែប្រួលអាកាសធាតុ កំណើនបៃតង និងនិរន្តរភាពជាដើម។ អញ្ជើញពិភាក្សាអំពីបញ្ហាសមុទ្រខាងកើត រដ្ឋមន្ត្រីការបរទេសអូស្ត្រាលីបានអះអាងពីសារៈសំខាន់នៃការរក្សាសន្តិភាព ស្ថិរភាព សុវត្ថិភាព និងសេរីភាពនៃការធ្វើនាវាចរណ៍ និងអាកាសចរណ៍ ដោយគោរពតាមច្បាប់អន្តរជាតិ៕
មតិពីមិត្តអ្នកអាន