របាយការណ៍របស់សភាអឺរ៉ុបខ្វះស័ត្យានុម័ត និងមិនបានឆ្លុះបញ្ចាំងត្រឹមត្រូវពីស្ថានភាពជាក់ស្តែងនៅប្រទេសវៀតណាម

ខេត្ត Dong Thap (វៀតណាម) និងខេត្តព្រៃវែងពង្រឹងទំនាក់ទំនងមិត្តភាពរវាង

ស្ថានបេសកកម្មវៀតណាម និងកម្ពុជាប្រចាំអង្គការសហប្រជាជាតិរៀបចំពិធីរំលឹកខួបលើកទី ៥៥ ទិវា​បង្កើត​ទំនាក់ទំនងការទូត

អ្នកនាំពាក្យក្រសួងការបរទេសវៀតណាម​ លោកស្រី Le Thi Thu Hang

ការការពារ និងលើកកម្ពស់សិទ្ធិមនុស្សគឺស្របតាមគោលនយោបាយរបស់រដ្ឋវៀតណាម។ វៀតណាមជានិច្ចកាលចាត់ទុកប្រជាជនជាមជ្ឈភាព ជាកម្លាំងចលករនៃដំណើរការផ្លាស់ថ្មី និងអភិវឌ្ឍន៍ប្រទេសជាតិ ជានិច្ចកាលខិតខំដើម្បីគោលដៅលើកកំពស់ជីវភាពរស់នៅ និងសិទ្ធិទទួលបានភាពរីករាយរបស់ប្រជាជន មិនទុកចោលនរណាម្នាក់នៅពីក្រោយឡើយ។ សិទ្ធិសេរីភាពជាមូលដ្ឋានរបស់មនុស្សត្រូវបានចែងក្នុងរដ្ឋធម្មនុញ្ញវៀតណាម ត្រូវបានការពារ និងលើកកម្ពស់ដោយឯកសារច្បាប់ជាក់លាក់ និងត្រូវបានអនុវត្តជាក់ស្តែង។

នៅប្រទេសវៀតណាម មនុស្សគ្រប់រូបមានភាពស្មើគ្នាចំពោះមុខច្បាប់ ហើយមានកាតព្វកិច្ចគោរពតាមបទប្បញ្ញត្តិនៃច្បាប់។ រាល់ការបំពានច្បាប់ ទោះអ្នកណាក៏ដោយ និងដោយហេតុផលណាក៏ដោយ ត្រូវតែកាត់ទោស ដើម្បីធានានូវភាពតឹងរ៉ឹងនៃច្បាប់ និងដើម្បីធានាបាននូវការទទួលបានយ៉ាងពេញលេញនៃសិទ្ធិសេរីភាពរបស់ប្រជាពលរដ្ឋគ្រប់រូបនៅក្នុងសង្គមមួយដែលមានសុវត្ថិភាព សណ្តាប់ធ្នាប់ និងយុត្តិធម៌។ គ្មាននរណាម្នាក់ត្រូវបានចាប់ខ្លួន ឬកាត់ទោសពីបទអនុវត្តសិទ្ធិមនុស្សដោយស្របច្បាប់នោះទេ។

វៀតណាមមានការសោកស្តាយខណៈរបាយការណ៍របស់ EP មានព័ត៌មាន និងការសន្និដ្ឋានខ្វះសត្យានុម័យ និងខ្វះយុត្តិធម៌ ដោយផ្អែកលើព័ត៌មានមិនពិតមួយចំនួន គ្មានមូលដ្ឋាន មិនឆ្លុះបញ្ចាំងត្រឹមត្រូវពីស្ថានភាពជាក់ស្តែងនៅវៀតណាម។ វៀតណាមយកចិត្តទុកដាក់យ៉ាងខ្លាំងចំពោះទំនាក់ទំនងភាពជាដៃគូសហប្រតិបត្តិការលើគ្រប់ជ្រុងជ្រោយជាមួយសហភាពអឺរ៉ុប (EU) ហើយមានឆន្ទៈពិភាក្សាជាមួយ EU ស្តីពីសិទ្ធិមនុស្សក្នុងស្មារតីស្ថាបនាដើម្បីបង្កើនការយល់ដឹងគ្នាទៅវិញទៅមក។ ភាគីទាំងពីរក៏មានយន្តការសន្ទនាលើសិទ្ធិមនុស្សជាប្រចាំឆ្នាំ ដើម្បីពិភាក្សាអំពីបញ្ហាដែលមានការយកចិត្តទុកដាក់ដូចគ្នា។ ការបង្កើនការផ្លាស់ប្តូរ និងកិច្ចសន្ទនាតាមរយៈយន្តការដែលមានស្រាប់ នឹងជួយឱ្យ EP មានព័ត៌មានពេញលេញ ប្រកបដោយស័ត្យានុម័ត និងមានការយល់ដឹងកាន់តែច្បាស់អំពីស្ថានភាពជាក់ស្តែងស្តីពីការលើកកម្ពស់ និងធានាសិទ្ធិមនុស្សនៅវៀតណាម ដោយហេតុនោះ រួមនឹងជំរុញការលើកកម្ពស់ទំនាក់ទំនងទ្វេភាគី ជាពិសេសការអនុវត្តកិច្ចព្រមព្រៀង EVFTA ដែលកំពុងដំណើរការយ៉ាងល្អនោះ៕

យោងតាមកាសែតកងទ័ពប្រជាជន