នាថ្ងៃទី ២៤ មិថុនា នៅទីក្រុងហាណូយ អគ្គលេខាបក្ស លោក Nguyen Phu Trong បានអញ្ជើញទទួលជួបជាមួយលោកជំទាវ ម៉ែន សំអន អនុប្រធានគណបក្សប្រជាជនកម្ពុជា(CPP) ឧបនាយករដ្ឋមន្ត្រីនៃព្រះរាជាណាចក្រកម្ពុជា ប្រធានសមាគមមិត្តភាពកម្ពុជា-វៀតណាម ក្នុងឱកាសលោកជំទាវអញ្ជើញមកបំពេញទស្សនកិច្ចជាផ្លូវការនៅវៀតណាម ចូលរួមពិធីអបអរសាទរខួបលើកទី ៥៥ នៃការបង្កើតទំនាក់ទំនងការទូតរវាងវៀតណាមនិងកម្ពុជា (២៤ មិថុនា ១៩៦៧ - ២៤ មិថុនា ២០២២)។
 ឧបនាយករដ្ឋមន្ត្រីវៀតណាម លោក Le Minh Khai បានអញ្ជើញទទួលជួបពិភាក្សាជាមួយលោកជំទាវ ម៉ែន សំអន |
 លោកអគ្គលេខាបក្ស Nguyen Phu Trong អញ្ជើញទទួលជួបប្រធានរដ្ឋសភាសិង្ហបុរី |
 |
| អគ្គលេខាបក្ស លោក Nguyen Phu Trong និងអនុប្រធានគណបក្សប្រជាជនកម្ពុជា ឧបនាយករដ្ឋមន្ត្រី លោកជំទាវ ម៉ែន សំអន |
ក្នុងជំនួបនេះ អគ្គលេខាបក្ស លោក Nguyen Phu Trong បានវាយតម្លៃខ្ពស់ចំពោះអត្ថន័យសំខាន់នៃឆ្នាំមិត្តភាពវៀតណាម - កម្ពុជា ជាពិសេសគឺពីធីអបអរសាទរខួបលើកទី ៥៥ នៃការបង្កើតទំនាក់ទំនងការទូតជាផ្លូវការរវាងប្រទេសទាំងពីរ គូសសញ្ញាទំព័រប្រវត្តិសាស្ត្រថ្មីក្នុងទំនាក់ទំនងទ្វេភាគី ហើយនាពេលថ្មីៗនេះ ភាគីទាំងពីរបានសម្របសម្រួល រៀបចំប្រកបដោយជោគជ័យពិធីអបអរសាទរខួបលើកទី ៤៥ ទិវានៃការចងចាំ “ដំណើរឆ្ពោះទៅកាន់ការផ្ដួលរំលំរបបប្រល័យពូជសាសន៍” របស់លោកនាយករដ្ឋមន្ត្រីសម្តេចតេជោ ហ៊ុន សែន។ អគ្គលេខាបក្ស លោក Nguyen Phu Trong បានសង្កត់ធ្ងន់លើអត្ថន័យនៃចំណងសាមគ្គីភាព និងការជួយគ្នាទៅវិញទៅមករវាងបក្ស និងប្រជាជននៃប្រទេសទាំងបីវៀតណាម ឡាវ និងកម្ពុជា។
សមមិត្ត ម៉ែន សំអន បានសម្តែងនូវសេចក្តីរីករាយដែលបានមកទស្សនា និងចូលរួមអបអរសាទរទិវាបង្កើតទំនាក់ទំនងការទូតរវាងវៀតណាម និងកម្ពុជា ថ្លែងអំណរគុណចំពោះអគ្គលេខាធិកា ង្វៀន ភូត្រុង ដែលបានទទួល និងផ្តល់ភាពស្និទ្ធស្នាលដល់គណៈប្រតិភូ។
ឧបនាយករដ្ឋមន្ត្រីកម្ពុជា លោកជំទាវ ម៉ែន សំអន ជឿជាក់ថា ក្រោមការដឹកនាំរបស់បក្សកុម្មុយនិស្តវៀតណាម ដែលលោកអគ្គលេខាបក្ស Nguyen Phu Trong ជាប្រមុខ ដឹកនាំ ប្រជាជនវៀតណាមនឹងបន្តសម្រេចបានសមិទ្ធិផលថ្មីៗ និងធំធេងជាច្រើនទៀត។ ជាមួយគ្នានេះ លោកជំទាវក៏បានថ្លែងអំណរគុណយ៉ាងជ្រាលជ្រៅចំពោះការគាំទ្រ និងការជួយឧបត្ថម្ភធំធេងដែលបក្ស រដ្ឋ កងទ័ព និងប្រជាជនវៀតណាមបានផ្តល់ឱ្យកម្ពុជាក្នុងបុព្វហេតុរំដោះជាតិ និងជួយសង្គ្រោះប្រជាជនកម្ពុជារួចផុតពីរបបប្រល័យពូជសាសន៍កាលពីមុននេះ ក៏ដូចជា ក្នុងកិច្ចការកសាងនិងអភិវឌ្ឍន៍ប្រទេសជាតិបច្ចុប្បន្ន។
អគ្គលេខាបក្ស Nguyen Phu Trong បានសប្បាយរីករាយចំពោះការពង្រឹង និងអភិវឌ្ឍន៍ឥតឈប់ឈរនៃទំនាក់ទំនងរវាងវៀតណាម និងកម្ពុជា ហើយបានថ្លែងអំណរគុណចំពោះបក្ស និងប្រជាជនកម្ពុជាដែលតែងតែឈរក្បែរគ្នា និងគាំទ្រក្នុងសម័យបដិវត្តន៍វៀតណាម។ លោកអគ្គលេខាបក្សបានសង្កត់ធ្ងន់លើអត្ថន័យនៃសាមគ្គីភាព ជំនួយទៅវិញទៅមកដោយស្មោះស្ម័គ្រ រវាងបក្ស និងប្រជាជននៃប្រទេសទាំងបី វៀតណាម ឡាវ និងកម្ពុជា ដូចដែលបានបញ្ជាក់យ៉ាងម៉ឺងម៉ាត់ម្តងទៀតនៅក្នុងជំនួបរវាងមេដឹកនាំទាំងបីនៃគណបក្សទាំងបីនៃប្រទេសវៀតណាម កម្ពុជា និងឡាវ។ អគ្គលេខាបក្ស Nguyen Phu Trong បានស្នើថា ភាគីទាំងបីនិងប្រទេសទាំងបីបន្តជំរុញទំនាក់ទំនងសហប្រតិបត្តិការតាមទិសដៅដែលថ្នាក់ដឹកនាំនៃបក្សនិងប្រទេសទាំងបីបានកំណត់ក្នុងកិច្ចប្រជុំ៕
មតិពីមិត្តអ្នកអាន