ភាគីទាំងពីរបានឯកភាពសហការបណ្តុះបណ្តាលកម្មាភិបាលទទួលបន្ទុកផ្នែកសាសនា តាមរយៈកិច្ចសហប្រតិបត្តិការអន្តររដ្ឋាភិបាលវៀតណាម-ឡាវ។
បង្កើនកិច្ចសហប្រតិបត្តិការរវាងវៀតណាម និងឡាវ ក្នុងការទប់ស្កាត់ និងប្រយុទ្ធប្រឆាំងគ្រឿងញៀន |
ពូនជ្រំទំនាក់ទំនងពិសេសរវាងវៀតណាម និងឡាវ |
ទិដ្ឋភាពនៃជំនួបពិភាក្សា |
ក្នុងក្របខ័ណ្ឌនៃដំណើរទស្សនកិច្ចការងារនៅឡាវ ចាប់ពីថ្ងៃទី ៧ ដល់ថ្ងៃទី១១ មិថុនា នារសៀលថ្ងៃទី ៧ មិថុនា នៅទីក្រុងវៀងចន្ទន៍ គណៈកម្មាធិការកិច្ចការសាសនានៃរដ្ឋាភិបាលវៀតណាមដឹកនាំដោយប្រធានគណៈកម្មាធិការ លោក Vu Hoai Bac បានជួបពិភាក្សាការងារជាមួយគណៈប្រតិភូគណៈកម្មាធិការមជ្ឈិមរណសិរ្សឡាវកសាងប្រទេសជាតិ ដឹកនាំដោយលោក Chanpheng Xutthivong អនុប្រធានគណៈកម្មាធិការ។
នៅក្នុងកិច្ចពិភាក្សា ភាគីទាំងពីរបានឯកភាពជំរុញការឃោសនាផ្សព្វផ្សាយដល់ប្រជាជននៃប្រទេសទាំងពីរអំពីប្រពៃណីសាមគ្គីភាព មិត្តភាពពិសេស និងកិច្ចសហប្រតិបត្តិការលើគ្រប់វិស័យរវាងប្រទេសទាំងពីរវៀតណាម និងឡាវ។ ភាគីទាំងពីរសហការរៀបចំការផ្លាស់ប្តូរបទពិសោធន៍ និងសិក្ខាសាលាវិទ្យាសាស្ត្រលើការងារសាសនាតាមទម្រង់សមស្រប ដើម្បីជំរុញការងារសាសនាឲ្យកាន់តែមានប្រសិទ្ធភាព រួមចំណែកការពារឯករាជ្យ និងស្ថិរភាពនៃប្រទេសទាំងពីរ ស្ថិរភាពក្នុងតំបន់ និងពិភពលោក។
ភាគីទាំងពីរបានឯកភាពសហប្រតិបត្តិការក្នុងការបណ្តុះបណ្តាលកម្មាភិបាលទទួលបន្ទុកផ្នែកសាសនា តាមរយៈកិច្ចសហប្រតិបត្តិការអន្តររដ្ឋាភិបាលវៀតណាម-ឡាវ ជំរុញ និងពង្រឹងទំនាក់ទំនងមិត្តភាពពិសេសរវាងបណ្តាអង្គភាពទទួលបន្ទុកផ្នែកសាសនានៃខេត្តជាប់ព្រំដែននៃប្រទេសទាំងពីរ។
នៅចុងបញ្ចប់នៃកិច្ចពិភាក្សា ភាគីទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការរវាងគណៈកម្មាធិការកិច្ចការសាសនារបស់រដ្ឋាភិបាលវៀតណាម និងគណៈកម្មាធិការមជ្ឈិមរណសិរ្សឡាវកសាងប្រទេសជាតិ ដំណាក់កាលឆ្នាំ ២០២២ - ២០២៦។
នារសៀលថ្ងៃដដែល គណៈប្រតិភូវៀតណាមបានចូលជួបសម្តែងការគួរសមជាមួយប្រធានគណៈកម្មាធិការមជ្ឈិមរណសិរ្សមាតុភូមិឡាវ លោក Sinlavong Khoutphaythoun៕
មតិពីមិត្តអ្នកអាន