មហោស្រពវៀតណាមនៅប្រទេសជប៉ុនលើកនេះ មានស្តង់ជាង ៧០ រួមមានស្តង់លក់ម្ហូបអាហារ និងស្តង់តាំងបង្ហាញទំនិញ និងគ្រឿងសិប្បកម្មវិចិត្រសិល្បៈផងដែរ។
 ជនជាតិវៀតណាមគឺជាសហគមន៍ជនបរទេសធំទីពីរនៅក្នុងប្រទេសជប៉ុន |
 គ្រឹះស្ថានបោះពុម្ពផ្សាយនៅប្រទេសជប៉ុននឹងចុះផ្សាយសៀវភៅតុក្កតាដំបូងអំពីបាល់ទាត់វៀតណាម |
នាថ្ងៃទី ៤ មិថុនា មហោស្រពវៀតណាមនៅប្រទេសជប៉ុនឆ្នាំ ២០២២ លើកទី ១៤ បានបើកនៅសួនឧទ្យាន Yoyogi ទីក្រុងតូក្យូ។ ថ្លែងមតិនៅពិធីនេះ ឯកអគ្គរដ្ឋទូតវៀតណាមប្រចាំជប៉ុន លោក Vu Hong Nam បានឲ្យដឹងថា មហោស្រពវៀតណាមឆ្នាំនេះត្រូវបានរៀបចំឡើងក្នុងទ្រង់ទ្រាយធំនៅពេលដែលប្រទេសជប៉ុនកំពុងបើកប្រទេសឡើងវិញជាបណ្តើរៗបន្ទាប់ពីររងឥទ្ធិពលដោយជំងឺរាតត្បាត Covid-19 ជាង ២ ឆ្នាំ គឺមានអត្ថន័យណាស់។
 |
| ប្រតិភូកាត់ខ្សែបូបើកពិធី (រូបថត៖ vnanet.vn) |
លោកឯកអគ្គរដ្ឋទូត សង្ឃឹមថា តាមរយៈមហោស្រពនេះ ទំនាក់ទំនងមិត្តភាពល្អ និងភាពជឿជាក់រវាងប្រជាជនទាំងពីរនឹងកាន់តែស៊ីជម្រៅ ហើយអង្គភាពអាជីវកម្មនៃប្រទេសទាំងពីរមានឱកាសជួបប្រាស្រ័យ កិច្ចសហប្រតិបត្តិការ និងជំរុញទំនាក់ទំនងវិនិយោគពាណិជ្ជកម្ម រួមចំណែកក្នុងផលប្រយោជន៍រួមរបស់ភាគីទាំងពីរ។
មហោស្រពវៀតណាមនៅជប៉ុនលើកនេះ ភ្ញៀវទេសចរណ៍មានឱកាសស្គាល់ផលិតផលរបស់វៀតណាមដែលល្បីឈ្មោះលើពិភពលោក ហើយមានវត្តមាននៅក្នុងទីផ្សារជប៉ុន។ ភ្ញៀវទាំងឡាយនឹងបានពិសារម្ហូបប្រពៃណីរបស់វៀតណាមដូចជា ផើ ចាយ៉ នំបញ្ចុក នំប៉័ង... ; និងទិញទំនិញសិប្បកម្ម។ មហោស្រពឆ្នាំនេះគ្រោងនឹងទាក់ទាញអ្នកចូលរួមប្រហែល ២០០,០០០ នាក់៕
kh.qdnd.vn
មតិពីមិត្តអ្នកអាន