យុគសម័យ - នៅថ្ងៃទី ២៨ ខែមីនា ក្រុមហ៊ុនភាគហ៊ុន Kadokawa (ប្រទេសជប៉ុន) បានណែនាំស៊េរីសៀវភៅគំនូរតុក្កតាដំបូងអំពីបាល់ទាត់វៀតណាម ដែលគ្រឹះស្ថានបោះពុម្ពផ្សាយនេះបនឹងចេញផ្សាយ។
 «សាច់រឿងប៉ែកបូព៌ា» - ចំណុចតភ្ជាប់រវាងសិល្បៈម្រ័ក្សណ៍ខ្មុកវៀតណាម និងជប៉ុន |
 ទំនាក់ទំនងវៀតណាម-ជប៉ុនស្ថិតក្នុងដំណាក់កាលល្អប្រសើរបំផុត |
 |
| គម្របសៀវភៅសៀវភៅតុក្កតា Son Goal – (រូបថត៖ VNA) |
មានចំណងជើងថា "Son Goal" ស៊េរីសៀវភៅគំនូរតុក្កតានេះបាននិពន្ធដោយវិចិត្រករជនជាតិជប៉ុន Baba Tamio ។ រឿងនេះនិយាយអំពីដំណើររបស់ក្មេងប្រុសម្នាក់ដែលមានឈ្មោះវៀតណាមថា Son ដែលរស់នៅប្រទេសវៀតណាម។ គាត់មានឪពុកជាជនជាតិប្រេស៊ីល និងម្តាយជាជនជាតិវៀតណាម។ កូនប្រុសរូបនេះបានមកប្រទេសវៀតណាម ដើម្បីសិក្សា បន្ទាប់ពីឪពុករបស់គាត់បានមកធ្វើការនៅទីនេះ។ នៅប្រទេសវៀតណាម គាត់បានជួបនិងស្គាល់ក្រុមក្មេងជំទង់ ហើយបានជួយក្រុមរបស់ពួកគេពីក្រុមខ្សោយទៅជាក្រុមខ្លាំង។
លោក Aoyagi Masayuki នាយកក្រុមហ៊ុន Kadokawa ចែករំលែកដោថា ដោយការជួយពីគ្រឹះស្ថានបោះពុម្ភផ្សាយ Kim Dong លោក Kadokawa បាននិពន្ធស៊េរីសៀវភៅតុក្កតានេះ ដោយសង្ឃឹមថាកុមារនៃប្រទេសទាំងពីរអាចស្វែងរកភាពរីករាយក្នុងកីឡា និងស្វែងយល់បន្ថែមអំពីស្មារតីក្នុងក្រុមមួយ។
ក្រៅពីនេះ តាមរយៈការលេចចេញនូវទីកន្លែង និងទេសភាពល្បីៗ របស់ប្រទេសវៀតណាមក្នុងសៀវភៅនេះដូចជា ស្ពាន Rong ឬឆ្នេរសមុទ្រ My Khe នោះ គ្រឹះស្ថានបោះពុម្ភផ្សាយ Kadokawa ក៏ចង់ឱ្យជនបរទេស រួមទាំងប្រជាជនជប៉ុន យល់កាន់តែច្បាស់អំពីទឹកដីនិងប្រជាជនវៀតណាមផងដែរ។
លោកឯកអគ្គរដ្ឋទូត Vu Hong Nam បានថ្លែងអំណរគុណដល់ក្រុមហ៊ុនភាគហ៊ុន Kadokawa សម្រាប់គំនិតផ្តួចផ្តើមកសាងស៊េរីសៀវភៅតុក្កតាអំពីកីឡាបាល់ទាត់វៀតណាម ហើយបានអះអាងថា ការចេញផ្សាយ "Son Goal" នឹងក្លាយជាព្រឹត្តិការណ៍ដ៏មានអត្ថន័យបំផុតនៅពេលដែលវៀតណាម និងជប៉ុនកំពុងរៀបចំពិធីអបអរសាទរខួបលើកទី ៥០ ឆ្នាំនៃការបង្កើតទំនាក់ទំនងការទូត៕
មតិពីមិត្តអ្នកអាន