ស្វ័យភាពជាយុទ្ធសាស្ត្រ៖ ភាពធន់របស់វៀតណាមក្នុងយុគសម័យថ្មី

ចំណុចលេចធ្លោមួយនៅក្នុងសេចក្តីព្រាងរបាយការណ៍នយោបាយ ដាក់ជូនមហាសន្និបាតលើកទី ១៤ របស់បក្សគឺ "ស្វ័យភាពយុទ្ធសាស្ត្រ ខ្លួនទីពឹងខ្លួន ជឿជាក់លើខ្លួនឯង និងបោះជំហានរឹងមាំនៅក្នុងយុគសម័យថ្មីរបស់ប្រទេសជាតិ”។

នេះមិនត្រឹមតែជាការសង្ខែបលក្ខណៈទូទៅនៃទិសដៅអភិវឌ្ឍន៍របស់ប្រទេស នាដំណាក់កាលខាងមុខប៉ុណ្ណោះទេ ប៉ុន្តែការប្រមូលផ្តុំតម្លៃស្នូលនៃការត្រិះរិះយុទ្ធសាស្ត្ររបស់វៀតណាមនៅក្នុងបរិបទដែលពិភពលោកមានការផ្លាស់ប្តូរយ៉ាងជ្រាលជ្រៅ ឆាប់រហ័ស និងមិនអាចទាយទុកជាមុនបាន។

សេចក្តីព្រាងរបាយការណ៍នយោបាយសម្រាប់ដាក់ជូនមហាសន្និបាតលើកទី១៤ របស់បក្ស គឺត្រឹមត្រូវទាំងស្រុងក្នុងការដាក់ភារកិច្ច «កសាង និងសុក្រឹត្យដោយសមកាលកម្មស្ថាប័នសម្រាប់ការអភិវឌ្ឍយ៉ាងឆាប់រហ័ស និងប្រកបដោយចីរភាពរបស់ប្រទេសជាតិ» នៅជួរមុខ។

ជឿជាក់លើខ្លួនឯង ខ្លួនទីពឹងខ្លួន

ក្រឡេកមើលឡើងវិញការអនុវត្តភារកិច្ចសំខាន់ៗ ក្នុងអំឡុងអាណត្តិមហាសន្និបាតលើកទី ១៣ របស់បក្ស ក្នុងនោះមានផលប៉ះពាល់បណ្តាលពីជំងឺរាតត្បាតកូវីដ-១៩ សាស្ត្រាចារ្យរង បណ្ឌិត Vu Thanh Huong អនុប្រធានដេប៉ាដឺម៉ង់សេដ្ឋកិច្ច និងពាណិជ្ជកម្មអន្តរជាតិ មហាវិទ្យាល័យសេដ្ឋកិច្ច សាកលវិទ្យាល័យជាតិហាណូយចាត់ទុកថា ដោយសារមានវិស័យកសិកម្មជាសសរស្តម្ភ វៀតណាមបានម្ចាស់ការលើស្បៀងអាហារ។ វៀតណាមសម្រេចបាន "គោលដៅពីរទន្ទឺមគ្នា" គឺ៖ ប្រមូលផ្តុំលើការបង្ការ គ្រប់គ្រង និងប្រយុទ្ធប្រឆាំងជំងឺផង ខណៈពេលដែល កំពុងស្តារ និងអភិវឌ្ឍន៍សេដ្ឋកិច្ចយ៉ាងឆាប់រហ័សក្រោយពីជំងឺរាតត្បាតផង។ លទ្ធផលទាំងនេះត្រូវបានគូសបញ្ជាក់ក្នុងសេចក្តីព្រាងរបាយការណ៍នយោបាយនៃមហាសន្និបាតលើកទី១៤ របស់បក្ស។

“ស្មារតីខ្លួនទីពឹងខ្លួន គឺជាខ្សែអំបោះក្រហមដែលជាប់ជាប្រចាំឥតដាច់ក្នុងអំឡុងប្រវត្តិសាស្ត្រដ៏រុងរឿងរបស់ប្រជាជាតិវៀតណាម។ ហើយប្រជាជនវៀតណាមបានជំនះពុះពារលើការលំបាក និងបញ្ហាប្រឈមទាំងអស់ ដើម្បីការរស់រានមានជីវិត ការអភិវឌ្ឍ និងការស្ទុះឈានទៅមុខជាមួយស្មារតីខ្លួនទីពឹងខ្លួន និងជឿជាក់លើភាពរឹងមាំលើខ្លួនឯង”។

យោងតាមសាស្ត្រាចារ្យរង លោកវេជ្ជបណ្ឌិត Vu Thanh Huong នៅក្នុងយុគសម័យនៃការធ្វើសមាហរណកម្ម ស្មារតីនៃការពឹងផ្អែកលើខ្លួនឯង និងការពង្រឹងខ្លួនឯងត្រូវបញ្ចូលធាតុផ្សំអន្តរជាតិ ដែលបង្ហាញពីភាពធន់មិនរង្គោះរង្គើ និងសមត្ថភាពក្នុងការរីកចម្រើននៅក្នុងពិភពលោកដែលមានការប្រែប្រួលយ៉ាងឆាប់រហ័ស។ «ប្រជាពលរដ្ឋ អាជីវកម្ម និងឧស្សាហកម្មគ្រប់រូបត្រូវតែមានផ្នត់គំនិតសកល សមត្ថភាពក្នុងការធ្វើសមាហរណកម្ម... ហើយត្រូវតែមានទំនុកចិត្តដើម្បីស្រូបយកទិដ្ឋភាពល្អបំផុតនៃវប្បធម៌ពិភពលោក និងអនុវត្តវាដោយសកម្ម និងច្នៃប្រឌិតដើម្បីអភិវឌ្ឍសេដ្ឋកិច្ចរបស់ប្រទេស»។

សាស្ត្រាចារ្យរង បណ្ឌិត Vu Thanh Huong អនុប្រធានដេប៉ាដឺម៉ង់សេដ្ឋកិច្ច និងពាណិជ្ជកម្មអន្តរជាតិ មហាវិទ្យាល័យសេដ្ឋកិច្ច សាកលវិទ្យាល័យជាតិហាណូយ។

ស្វ័យភាពយុទ្ធសាស្ត្រ

នៅចំពោះបញ្ហាប្រឈមសកលដែលបន្តប៉ះពាល់អវិជ្ជមានដល់សន្តិសុខ និងការអភិវឌ្ឍរបស់ប្រទេសទាំងអស់ ក្នុងនោះមានវៀតណាម សេចក្តីព្រាងរបាយការណ៍នយោបាយនៃមហាសន្និបាតលើកទី ១៤ របស់បក្សបានសង្កត់ធ្ងន់ជាពិសេសលើ “ស្វ័យភាពយុទ្ធសាស្ត្រ ខ្លួនទីពឹងខ្លួន ជឿជាក់លើខ្លួនឯង និងបោះជំហានដ៏រឹងមាំនៅក្នុងយុគសម័យថ្មីរបស់ប្រទេសជាតិ”។

ដើម្បីសម្រេចបាននូវគោលដៅនេះ យោងតាមលោកស្រីសាស្ត្រាចារ្យរង បណ្ឌិត Vu Thanh Huong បញ្ហាសំខាន់ៗចំនួនបីត្រូវបានដាក់ចេញ និងដោះស្រាយនៅក្នុងអាណត្តិខាងមុខ៖ “ការអភិវឌ្ឍសមត្ថភាពផលិតកម្មក្នុងប្រទេស និងភាពម្ចាស់ការលើបច្ចេកវិទ្យា រួមទាំងការធ្វើឱ្យប្រសើរឡើងនូវខ្សែសង្វាក់តម្លៃគឺមានសារៈសំខាន់ខ្លាំងណាស់ ពីព្រោះនេះជាផ្លូវឆ្ពោះទៅរកការធ្វើសមាហរណកម្មដោយគ្មានការពឹងផ្អែក។ ទីពីរ បញ្ហានៃបច្ចេកវិទ្យាប្រកបដោយភាពសកម្ម ដោយសារបច្ចេកវិទ្យាគឺជាមូលដ្ឋានគ្រឹះសម្រាប់ការច្នៃប្រឌិត។ នៅពេលដែលយើងបញ្ចូលបច្ចេកវិទ្យា និងការច្នៃប្រឌិតទៅក្នុងផលិតផល គឺតម្លៃបន្ថែមនៃផលិតផលដែលយើងនាំមកទីផ្សារពិភពលោកទើបមានការកើនឡើង តាមនោះ ទើប បង្កើនប្រាក់ចំណេញ និងលើកកម្ពស់ប្រាក់ចំណូលរបស់កម្មករ ដែលចូលរួមវិស័យនាំចេញ។ ទីបី ការធ្វើឱ្យប្រសើរឡើងនូវខ្សែសង្វាក់តម្លៃ មិនមែនគ្រាន់តែជាការឈានទៅដល់ដំណាក់កាលជាក់ស្តែងណាមួយនៅក្នុងខ្សែសង្វាក់តម្លៃនោះទេ ថែមទាំងពាក់ព័ន្ធនឹងការដែលយើងកែសម្រួលគំរូកំណើនទៀតផង”។

បណ្ឌិត Le Duy Binh អ្នកជំនាញសេដ្ឋកិច្ច។

ដើម្បីបង្កើនភាពម្ចាស់ការនៃសេដ្ឋកិច្ច និងប្រសិទ្ធភាពនៃការធ្វើសមាហរណកម្មសេដ្ឋកិច្ចអន្តរជាតិ បណ្ឌិត Le Duy Binh អ្នកជំនាញសេដ្ឋកិច្ចបានសង្កត់ធ្ងន់លើតម្រូវការក្នុងការកែលម្អ "ភាពម្ចាស់ការ" នៅក្នុងគ្រប់វិស័យទាំងអស់ ចាប់ពីឧស្សាហកម្ម កសិកម្ម និងសេវាកម្ម រហូតដល់សហគ្រាស និងបុគ្គលម្នាក់ៗ។ ពោលគឺមនុស្សជាម្ចាស់កម្មវត្ថុ និងធានាថា សហគ្រាសឯកជនពិតជាក្លាយជាកម្លាំងចលករយ៉ាងពិតប្រាកដ។ រួមជាមួយនោះ ការរក្សាស្ថិរភាពម៉ាក្រូសេដ្ឋកិច្ច និងធានាតុល្យភាពសំខាន់ៗនៃសេដ្ឋកិច្ចគឺមានសារៈសំខាន់។ ធ្វើបានដូច្នេះ ទើបប្រទេសអាចពឹងផ្អែកលើខ្លួនឯង និងរឹងមាំបោះជំហានទៅមុខ នៅចំពោះមុខការប្រែប្រួលខាងក្រៅ។

“ដោយក្រឡេកមើលលើទិដ្ឋភាពរួម ខ្ញុំគិតថា ស្មារតីម្ចាស់ការ ខ្លួនទីពឹងខ្លួន ក្នុងវិស័យសេដ្ឋកិច្ច ដំបូងបង្អស់ត្រូវតែធានា នូវការពឹងផ្អែកលើខ្លួនឯងនៅក្នុងវិស័យម៉ាក្រូសេដ្ឋកិច្ច។ នៅក្នុងម៉ាក្រូសេដ្ឋកិច្ច ត្រូវផ្តោតលើគោលនយោបាយរូបិយវត្ថុ។ យើងត្រូវតែឯករាជ្យ និងពឹងផ្អែកលើខ្លួនឯងនៅក្នុងគោលនយោបាយរូបិយវត្ថុ។ យើងត្រូវតែបង្កើនតួនាទីរបស់រូបិយប័ណ្ណវៀតណាម។ នេះក៏បង្កើនឋានៈរបស់សេដ្ឋកិច្ចវៀតណាមផងដែរ។ ដូចគ្នានេះដែរ ចំពោះវិស័យសារពើពន្ធ យើងត្រូវតែធានាស្វ័យភាពនៅក្នុងគោលនយោបាយសារពើពន្ធ។ បន្ទាប់មក គោលនយោបាយពាណិជ្ជកម្មក៏ត្រូវតែធានាស្វ័យភាពផងដែរ…”។

ស្វ័យភាពយុទ្ធសាស្ត្រគឺជាការទទួលមរតក និងការអភិវឌ្ឍចាំបាច់នៃគោលមាគ៌ាឯករាជ្យ និងខ្លួនទីពឹងខ្លួននៅក្នុងលក្ខខណ្ឌថ្មី។ ស្មារតីក្នុងប្រធានបទសំខាន់ នៅទូទាំងសេចក្តីព្រាងរបាយការណ៍នយោបាយនៃមហាសន្និបាតលើកទី១៤ របស់បក្ស គឺដើម្បីទាញយកអត្ថប្រយោជន៍ពីចំណុចខ្លាំងផ្ទៃក្នុង និងសម្របខ្លួនយ៉ាងសកម្មទៅនឹងបរិយាកាសសកលពោរពេញដោយការប្រែប្រួល។

នោះជាមូលដ្ឋានសម្រាប់វៀតណាមដើម្បីម្ចាស់ការ និងមានទំនុកចិត្តបោះជំហានទៅមុខក្នុងយុគសម័យថ្មី ដោយសម្រេចបានជោគជ័យនូវគោលដៅអភិវឌ្ឍន៍ប្រទេសជាតិ៕

អ្នកប្រាជ្ញថៃ៖ ប្រធានរដ្ឋសភាវៀតណាម លោក Vuong Dinh Hue នឹងទៅបំពេញទស្សនកិច្ចជាផ្លូវការនៅព្រះរាជាណាចក្រថៃនឹងពង្រឹងទំនាក់ទំនងភាពជាដៃគូយុទ្ធសាស្ត្រ ប្រធានរដ្ឋសភាវៀតណាម លោក Vuong Dinh Hue នឹងទៅបំពេញទស្សនកិច្ចជាផ្លូវការនៅព្រះរាជាណាចក្រថៃ តបតាមការអញ្ជើញរបស់ប្រធានរដ្ឋសភាថៃ លោក Wan Muhamad Noor Matha ចាប់ពីថ្ងៃទី ៧ ដល់ថ្ងៃទី ១០ ខែធ្នូ។ ដំណើរទស្សនកិច្ចនេះមានអត្ថន័យសំខាន់ក្នុងបរិបទដែលប្រទេសទាំងពីរកំពុងអនុវត្តន៍សកម្មភាពជាក់ស្តែងដើម្បីអបអរសាទរខួបលើកទី១០នៃការបង្កើតទំនាក់ទំនងភាពជាដៃគូយុទ្ធសាស្ត្រ (២០១៣ - ២០២៣) ក៏ដូចជាពង្រឹងកិច្ចសហប្រតិបត្តិការសភាទ្វេភាគីប្រកបដោយប្រសិទ្ធភាពផងដែរ។

ខេត្ត Binh Duong បានលើកតម្កើង ជាសហគមន៍មួយក្នុងចំណោមសហគមន៍កំពូលទាំង ៧ ដែលមានយុទ្ធសាស្ត្រអភិវឌ្ឍន៍ទីក្រុងឆ្លៃកំពូលក្នុងពិភពលោកឆ្នាំ ២០២៣ នាថ្ងៃទី ២១ មិថុនា កន្លងមក វេទិកាសហគមន៍ឆ្លាតវៃពិភពលោក (ICF) រួមមានទីក្រុងឆ្លាតវៃប្រកបដោយវិបុលភាពជាង ២០០ នៅលើពិភពលោក បានលើកតម្កើង Binh Duong ជាសហគមន៍មួយក្នុងចំណោមសហគមន៍កំពូលទាំង ៧ ដែលមានយុទ្ធសាស្ត្រអភិវឌ្ឍន៍ទីក្រុងឆ្លៃកំពូលក្នុងពិភពលោកឆ្នាំ ២០២៣។ នេះគឺជាការទទួលស្គាល់នូវកិច្ចខិតខំប្រឹងប្រែងរបស់ខេត្តក្នុងពេលកន្លងមក ក្នុងដំណើរការផ្លាស់ប្តូរសេដ្ឋកិច្ចឆ្ពោះទៅទិសដៅផ្លាស់ប្តូរថ្មី និងឌីជីថលនីយកម្ម។

ហេង វុធ្ធី