«សាច់រឿងប៉ែកបូព៌ា» - ចំណុចតភ្ជាប់រវាងសិល្បៈម្រ័ក្សណ៍ខ្មុកវៀតណាម និងជប៉ុន

ជំរុញកិច្ចសហប្រតិបត្តិការគួរឱ្យទុកចិត្តរវាងវៀតណាម និងជប៉ុន

វៀតណាម និងជប៉ុនបន្តពង្រឹងកិច្ចសហប្រតិបត្តិការការពារជាតិ

ក្នុងបទសម្ភាសន៍ជាមួយអ្នកសារព័ត៌មាន វិចិត្រករ Luong Xuan Doan ប្រធានសមាគមវិចិត្រសិល្បៈវៀតណាមបានអត្ថាធិប្បាយការតាំងពិព័រណ៍”សាច់រឿងប៉ែកបូព៌ា”គឺជាការសង្ខេបនៃដំណើរនិពន្ធ​ដោយផ្ទាល់​ខ្លួន​និងចំណាប់អារម្មណ៍ជាច្រើន គំនិតរបស់ខ្លួនអំពីឱកាសសំណាងមួយដែលត្រូវបានស្វែងយល់នូវ​​ចំណុច​តភ្ជាប់​រវាងវប្បធម៌នៃសិល្បៈម្រ័ក្សណ៍ខ្មុកវៀតណាម​និង​ជប៉ុនដែលមានជាយូរមកហើយ។

រឿងបូព៌ា" - ចំណុចតភ្ជាប់រវាងសិល្បៈម្រ័ក្សណ៍ខ្មុកវៀតណាម និងជប៉ុន

ស្នាដៃនៅក្នុងការតាំងពិពណ៌នឹងទាក់ទាញចំណាប់អារម្មណ៍របស់មនុស្សជាច្រើន ហើយនឹងបង្ហាញពីចំណង់ចំណូលចិត្ត និងស្មារតីច្នៃប្រឌិតរបស់វិចិត្រករ ដើម្បីភ្ជាប់បុគ្គលិកលក្ខណៈទាំងពីរ។ ទស្សនិកជនដែលមកទីនេះមិនត្រឹមតែអាចរីករាយជាមួយនឹងភាពសម្បូរបែបនៃគំនូរម្រ័ក្សណ៍ខ្មុកប៉ុណ្ណោះទេ ថែមទាំងមានអារម្មណ៍ស្រលាញ់ដែលវិចិត្រករ Trieu Khac Tien ដាក់ចូលទៅក្នុងស្នាដៃរបស់គាត់។

វិចិត្រករ Trieu Khac Tien នាំអ្នកទស្សនាទៅកាន់សន្តិភាពក្នុងរឿងបូព៌ារបស់គាត់។ នៅទីនោះ ក្នុងទឹកដីឆ្ងាយនៃក្តីស្រមៃរបស់គាត់ គឺជាភាពសុខដុមរមនារវាងសួនហ្សេនជប៉ុន និងសួនបៃតងក្នុងព្រលឹងវៀតណាម។ រឿង​បូព៌ា​របស់​គាត់​ក៏​រួម​ចំណែក​ឱ្យ​បបូរមាត់​ភ្លឺ អស្ចារ្យ និង​អាថ៌កំបាំង​នៃ​ម្រ័ក្សណ៍​ខ្មុក​វៀតណាម។

លោក Arisumi Mitamura សាស្រ្តាចារ្យកិត្តិយសនៃនាយកដ្ឋាន Lacquer - សាកលវិទ្យាល័យ Tokyo University of the Arts បានអត្ថាធិប្បាយថា៖ “វៀតណាមមានមោទនភាពដែលមានប្រវត្តិដ៏យូរលង់ និងកិត្តិយសក្នុងសិល្បៈម្រ័ក្សណ៍ខ្មុក។ ស្នាដៃដែលបង្កើតដោយសិល្បករជាច្រើនជំនាន់បានរួមចំណែកបង្កើតកំណប់ទ្រព្យ ស្នាដៃដែលគេកោតសរសើររហូតមកដល់សព្វថ្ងៃនេះ។ វាគឺជាធម្មជាតិប្រកបដោយការច្នៃប្រឌិតរបស់ប្រជាជនវៀតណាម ដែលបានជួយរកឃើញវិធីសាស្រ្តថ្មីចំពោះសិល្បៈម្រ័ក្សណ៍ខ្មុក ដែលវត្ថុធាតុដើមបុរាណត្រូវបានលាយជាមួយនឹងថ្នាំលាបកន្លាត ដើម្បីបង្កើតជាពណ៌ដ៏រស់រវើកជាច្រើន”។

បន្ទាប់ពីបានបញ្ចប់ការសិក្សា ថ្នាក់ក្រោយឧត្តមនៃសាកលវិទ្យាល័យវិចិត្រសិល្បៈវៀតណាម វិចិត្រករ Trieu Khac Tien បានសម្រេចចិត្តបន្តការសិក្សាថ្នាក់បណ្ឌិតនៅប្រទេសជប៉ុន។ ថែមទាំង លោកបានធ្វើការ និងបង្រៀននៅសាកលវិទ្យាល័យវិចិត្រសិល្បៈវៀតណាម។ លោកបានជម្នះការលំបាកជាច្រើន ហើយបានបញ្ចប់ការសិក្សាដោយពិន្ទុខ្ពស់ទាំងនិក្ខេបបទ និងទាំងស្នាដៃសម្រាប់ការ​ប្រឡងបញ្ចប់ការសិក្សា។

បន្ទាប់មក លោកបណ្ឌិត Trieu Khac Tien បានត្រឡប់ទៅប្រទេសវៀតណាមវិញ ដោយទទួលតំណែងជាអនុប្រធានដេប៉ាតេម៉ង់នៃសាកលវិទ្យាល័យវិចិត្រសិល្បៈវៀតណាម។

រឿងបូព៌ារបស់វិចិត្រករ Trieu Khac Tien ទាំងនេះគឺជាការសង្ខេបនៃដំណើរការសិក្សា និងស្រាវជ្រាវដើម្បីប្រែប្រួលបច្ចេកទេសម្រ័ក្សណ៍ខ្មុកប្រពៃណីរបស់ជប៉ុនដែល​មាន​លក្ខណៈវៀតណាម ដោយនឹងសម្ភារៈម្រ័ក្សណ៍វៀតណាម។ ទន្ទឹមនឹងនេះ នេះក៏ជាការចាប់ផ្តើមនៃដំណើរមួយក្នុងការនិពន្ធបណ្តាស្នាដៃថ្មី នាពេលថ្មីៗនេះ៕

ឌីណា

thoidai.com.vn