វៀតណាម និងជប៉ុនបន្តពង្រឹងកិច្ចសហប្រតិបត្តិការការពារជាតិ

លោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាម បានដឹកនាំកិច្ចប្រជុំនៅទីក្រុងហាណូយ

នៅក្នុងជំនួបសន្ទនានេះ លោកនាយឧត្តមសេនីយ៍ Ngo Xuan Lich បានអបអរសាទរចំពោះលោក Kishi Nobuo ដែលត្រូវបានតែងតាំងជារដ្ឋមន្ដ្រីក្រសួងការពារជាតិជប៉ុន ព្រមទាំងលោកសង្ឃឹមថា ក្នុងមុខតំណែងថ្មីរបស់ខ្លួន លោករដ្ឋមន្ដ្រី Kishi Nobuo នឹងរួមចំណែកយ៉ាងសំខាន់ក្នុងការពង្រឹងកិច្ចសហប្រតិបត្តិការការពារជាតិរវាងប្រទេសទាំងពីរឲ្យបន្តអភិវឌ្ឍស៊ីជម្រៅ និងមានប្រសិទ្ធភាពនាពេលខាងមុខ។ ។-

រដ្ឋមន្រ្តីទាំងពីរបានជូនដំណឹងគ្នាទៅវិញទៅមកអំពីស្ថានភាពអន្តរជាតិ និងតំបន់ ការការពារនិងការឆ្លើយតបនឹងជំងឺរាតត្បាត Covid-19 នៅក្នុងប្រទេសរៀងៗខ្លួន ដែលក្នុងនោះរដ្ឋមន្ដ្រីទាំងពីរបានវាយតម្លៃខ្ពស់ចំពោះអ្នកជំនាញផ្នែកវេជ្ជសាស្រ្តយោធានៃប្រទេសទាំងពីរក្នុងការផ្លាស់ប្តូរជំនាញនិងបទពិសោធន៍ក្នុងការឆ្លើយតបទៅនឹងជំងឺរាតត្បាត។ រដ្ឋមន្រ្តីទាំងពីរបានឯកភាពអនុវត្តខ្លឹមសារនៃកិច្ចសហប្រតិបត្តិការការពារជាតិទ្វេភាគីឲ្យបានឆាប់ៗនៅពេលដែលជំងឺរាតត្បាត Covid-19 ត្រូវបានបញ្ចប់ ហើយបន្តផ្តោតលើកិច្ចសហប្រតិបត្តិការលើវិស័យបណ្តុះបណ្តាលធនធានមនុស្ស ពេទ្យយោធា ការថែរក្សាសន្តិភាព ជំនះនូវផលវិបាកក្រោយសង្គ្រាម និងកិច្ចសហប្រតិបត្តិការលើវិស័យផ្សេងទៀតដែលភាគីទាំងពីរយកចិត្តទុកដាក់ដូចគ្នា ។

លោកនាយឧត្តមសេនីយ៍ Ngo Xuan Lich រដ្ឋមន្រ្តីក្រសួងការពារប្រទេសវៀតណាម ជួបសន្ទនាជាមួយលោក Kishi Nobuo រដ្ឋមន្ដ្រីក្រសួងការពារជាតិជប៉ុនតាមរយៈប្រព័ន្ធវីដេអូ

ក្នុងឱកាសនេះ លោកនាយឧត្តមសេនីយ៍ Ngo Xuan Lich បានថ្លែងអំណរគុណដល់រដ្ឋាភិបាល និងក្រសួងការពារជាតិជប៉ុនដែលបានគាំទ្រ និងសម្របសម្រួលយ៉ាងសកម្មក្នុងឆ្នាំវៀតណាមទទួលតួនាទីជាប្រធានអាស៊ាន ២០២០ ជាពិសេសក្នុងក្របខ័ណ្ឌនៃកិច្ចប្រជុំរដ្ឋមន្ដ្រីក្រសួងការពារជាតិអាស៊ានបូក (ADMM +)។ លោករដ្ឋមន្រ្តី Ngo Xuan Lich ក៏បានអញ្ជើញលោករដ្ឋមន្រ្តី Kishi Nobuo ចូលរួមកិច្ចប្រជុំ ADMM + ដែលនឹងប្រព្រឹត្តទៅចាប់ពីថ្ងៃទី៩ ដល់ថ្ងៃទី១១ ខែធ្នូ ឆ្នាំ២០២០ តាមរយៈប្រព័ន្ធវីដេអូ។ លោករដ្ឋមន្រ្តី Kishi Nobuo បានទទួលការអញ្ជើញដោយក្ដីសប្បាយរីករាយ./.

（ប្រភពព័ត៌មាន: kh.qdnd.vn）