នាព្រឹកថ្ងៃទី ១៥ ធ្នូ វេទិកាសមុទ្រអាស៊ានលើកទី ១០ (AMF) បានប្រព្រឹត្តិទៅតាមប្រព័ន្ធវីដេអូ និងតាមការជួបជុំដោយផ្ទាល់ ដែលមានការចូលរួមពីតំណាងមកពីបណ្តាប្រទេសអាស៊ាន តំណាងស្ថានទូតនៃបណ្តាប្រទេសអាស៊ានប្រចាំទីក្រុងហាណូយ លេខាធិការដ្ឋានអាស៊ាន និងក្រសួងពាក់ព័ន្ធនៃប្រទេសវៀតណាម។
AMF សង្កត់ធ្ងន់ទៅលើសារសំខាន់នៃការគោរពអនុសញ្ញាស្តីពីច្បាប់សមុទ្រឆ្នាំ ១៩៨២
នៅវេទិកានេះ ប្រតិភូទាំងឡាយបានពិភាក្សាអំពីបញ្ហាប្រឈមដែលកំពុងលេចឡើង រួមមានសកម្មភាពនានាដែលធ្វើឱ្យស្មុគស្មាញដល់ស្ថានភាព បង្កើនភាពតានតឹង បង្កអន្តរាយដល់សណ្តាប់ធ្នាប់ច្បាប់នៅសមុទ្រ ក៏ដូចជាបញ្ហាប្រឈមមិនមែនប្រពៃណីនានាដូចជាការនេសាទខុសច្បាប់ ការបំពុលទឹកសមុទ្រ និងកាកសំណល់ប្លាស្ទិកជាដើម។
អំពីទិសដៅនាពេលខាងមុខ ប្រតិភូទាំងឡាយបានសង្កត់ធ្ងន់លើភាពចាំបាច់នៃការបង្កើនការផ្លាស់ប្តូរព័ត៌មាន និងការសម្របសម្រួលសកម្មភាពរវាងបណ្តាស្ថាប័នពាក់ព័ន្ធ ព្រមទាំងសង្កត់ធ្ងន់លើសារៈសំខាន់នៃការអនុលោមតាមច្បាប់អន្តរជាតិ ជាពិសេសអនុសញ្ញាស្តីពីច្បាប់សមុទ្រឆ្នាំ ១៩៨២ ក្នុងការអនុវត្តរាល់សកម្មភាពនៅសមុទ្រ ពង្រឹងតួនាទី និងបង្កើនប្រសិទ្ធភាពនៃប្រតិបត្តិការរបស់ AMF៕
（តាម Kh.qdnd.vn）
មតិពីមិត្តអ្នកអាន