បន្តកម្មវិធីបំពេញទស្សនកិច្ចការងារនៅសហរដ្ឋអាមេរិក នាព្រឹកថ្ងៃទី ១៧ ឧសភា (ម៉ោងក្នុងតំបន់) នាយករដ្ឋមន្ត្រី លោក Pham Minh Chinh បានអញ្ជើញទទួលជួបលោកសាស្ត្រាចារ្យបណ្ឌិត ប្រធានសាលាវេជ្ជសាស្ត្រសាកលវិទ្យាល័យ Stanford និងសាស្ត្រាចារ្យមួយចំនួននៃសាកលវិទ្យាល័យ Stanford។
 |
| នាយករដ្ឋមន្ត្រី លោក Pham Minh Chinh ទទួលជួបសាស្ត្រាចារ្យបណ្ឌិត Ruth O'Hara |
នៅក្នុងបទសម្ភាសន៍មួយ សាស្ត្រាចារ្យ Ruth O'Hara បាននិយាយថា សាកលវិទ្យាល័យ Stanford គឺជាមជ្ឈមណ្ឌលបណ្តុះបណ្តាលវិទ្យាសាស្ត្រ ដែលមានអ្នកវិទ្យាសាស្ត្រ និងអ្នកជំនាញវៀតណាមជាច្រើន។ សាកលវិទ្យាល័យមានប្រៀបខ្លាំង ជាមួយនឹងសមិទ្ធិផលស្រាវជ្រាវជាច្រើនអំពីបញ្ញាសិប្បនិមិត្ត (AI) ជាពិសេស AI ក្នុងវេជ្ជសាស្ត្រ។ ដូច្នេះ នាពេលខាងមុខ សាលាអាចសម្របសម្រួលជាមួយវៀតណាម ដើម្បីអនុវត្តគម្រោងមួយចំនួនដូចជា “កម្មវិធីការពារខួរក្បាលវៀតណាម”; "បង្ការនិងប្រយុទ្ធប្រឆាំងជំងឺមហារីកថ្លើមដែលបណ្តាលមកពីមេរោគ"; បន្តដាក់ពង្រាយកម្មវិធីបណ្ដុះបណ្ដាលវិស្វករ AI ដោយមានបំណងចង់ដាក់ឈ្មោះវៀតណាមលើផែនទី AI ពិភពលោក។
លើសពីនេះ សាលាមានមជ្ឈមណ្ឌល និងកំពុងផ្តោតការយកចិត្តទុកដាក់លើការស្រាវជ្រាវវិធីសាស្រ្ត និងថ្នាំដើម្បីបង្ការ និងប្រយុទ្ធប្រឆាំងនឹងជំងឺយ៉ាងសកម្មនាពេលអនាគត។
បច្ចុប្បន្ននេះ សាកលវិទ្យាល័យ Stanford បាននិងកំពុងសហការជាមួយអង្គការ និងសាកលវិទ្យាល័យវៀតណាមមួយចំនួន ដើម្បីអនុវត្តគម្រោងនានានៅវៀតណាមប្រកបដោយប្រសិទ្ធភាព។
វាយតំលៃខ្ពស់ចំពោះសមិទ្ធិផលនៃកិច្ចសហប្រតិបត្តិការរវាងវៀតណាម និងសាកលវិទ្យាល័យ Stanford នាយករដ្ឋមន្ត្រី Pham Minh Chinh មានបំណងចង់ឲ្យសាកលវិទ្យាល័យ Stanford ពង្រឹងកិច្ចសហប្រតិបត្តិការ គាំទ្រវៀតណាម និងអនុវត្តន៍កិច្ចព្រមព្រៀងរវាងប្រទេសទាំងពីរ ជាពិសេសរាល់កិច្ចព្រមព្រៀងដែលត្រូវបានថ្នាក់ដឹកនាំនៃប្រទេសទាំងពីរចុះហត្ថលេខាក្នុងដំណើរទស្សនកិច្ចនេះ។ ជាពិសេស លោកនាយករដ្ឋមន្ត្រី Pham Minh Chinh ក៏មានបំណងចង់ឲ្យសាកលវិទ្យាល័យ Stanford ជួយ វៀតណាមកសាងមូលដ្ឋានទិន្នន័យដ៏ធំមួយ និងអនុវត្តន៍សកម្មភាពបណ្តុះបណ្តាលស្តីពីបញ្ញាសិប្បនិមិត្ត។ ទន្ទឹមនឹងនោះ បានស្នើឱ្យ Stanford សហការជាមួយសាកលវិទ្យាល័យ និងមជ្ឈមណ្ឌលស្រាវជ្រាវនៃប្រទេស វៀតណាម; តភ្ជាប់អ្នកវិទ្យាសាស្ត្រ អ្នកគ្រប់គ្រង; រៀបចំសិក្ខាសាលាដើម្បីផ្លាស់ប្តូរបទពិសោធន៍; ពិភាក្សាអំពីការកសាង ការអនុវត្ត និងការប្រែក្លាយគំនិតទៅជាគម្រោងជាក់ស្តែង និងមានប្រសិទ្ធភាព៕
មតិពីមិត្តអ្នកអាន