យុគសម័យ - យោងតាមក្រសួងសំណង់ ទីផ្សារអចលនទ្រព្យរបស់វៀតណាមនៅតែបន្តជាគោលដៅវិនិយោគប្រកបដោយសុវត្ថិភាព និងទាក់ទាញសម្រាប់វិនិយោគិនបរទេស។
 ទាក់ទាញការវិនិយោគបរទេស ជាចំណុចភ្លឺ រួមចំណែកក្នុងកំណើនសេដ្ឋកិច្ចវៀតណាម |
 ទុនវិនិយោគបរទេសចូលមកវៀតណាមបង្កើនទំហំដើមទុន |
 |
អចលនទ្រព្យវៀតណាមនៅតែជាចំណុចភ្លឺសម្រាប់ការទាក់ទាញអ្នកវិនិយោគបរទេស |
ក្នុងកិច្ចសម្ភាសន៍ជាមួយអ្នកសារព័ត៌មានតំណាងក្រសួងសំណង់បាននិយាយថា ក្នុងប៉ុន្មានខែដំបូងនៃឆ្នាំ ២០២២ មានការវិនិយោគផ្ទាល់ពីបរទេស (FDI) ជិត ២.៧ ពាន់លានដុល្លាដែលបានចុះបញ្ជី "ចាក់" បញ្ចូលទៅក្នុងទីផ្សារអចលនទ្រព្យរបស់ប្រទេសវៀតណាម។ នេះគឺជាវិស័យដែលទាក់ទាញ FDI ធំទីពីរ បន្ទាប់ពីឧស្សាហកម្ម និងផលិតកម្ម។
ក្នុងចំណោមនោះ ឧស្សហកម្មជួញដូរអចលនទ្រព្យជាប់ចំណាត់ថ្នាក់ទីពីរក្នុងចំណោមឧស្សាហម្មទាក់ទាញ FDI ធំៗ ដោយមានទុនវិនិយោគសរុបជិត ២,៧ ពាន់លានដុល្លារ ស្មើនឹង ៣០,៣% នៃទុនវិនិយោគសរុបដែលបានចុះបញ្ជី។
តំណាងក្រសួងសំណង់បានសង្កត់ធ្ងន់ថា “ទិន្នន័យខាងលើបង្ហាញថា វៀតណាមនៅតែត្រូវបានចាត់ទុកថាជាគោលដៅវិនិយោគប្រកបដោយសុវត្ថិភាព និងទាក់ទាញសម្រាប់អ្នកវិនិយោគបរទេស ក៏ដូចជាស្ថិតក្នុងស្ថានភាពល្អក្នុងការទាក់ទាញ FDI ចូលទៅក្នុងឧស្សាហកម្មអចលនទ្រព្យ”។
ទាក់ទងនឹងសកម្មភាពអាជីវកម្មក្នុងវិស័យអចលនទ្រព្យ យោងតាមស្ថិតិរបស់ក្រសួងផែនការ និងវិនិយោគ ក្នុងរយៈពេល ៣ ខែដំបូងនៃឆ្នាំ ២០២២ វិស័យនេះមានការកើនឡើងយ៉ាងខ្លាំងនៃចំនួនអាជីវកម្មដែលទើបបង្កើតថ្មីបើធៀបនឹងរយៈពេលដូចគ្នាក្នុងឆ្នាំ ២០២១ (កើនឡើង។ ៤៧,២%)។ ចំនួនអាជីវកម្មអចលនទ្រព្យដែលត្រលប់មកប្រតិបត្តិការវិញគឺ ៨៤៥ (កើនឡើង ៩២% ធៀបនឹងរយៈពេលដូចគ្នាក្នុងឆ្នាំ ២០២១)។
គួរកត់សម្គាល់ថាអាជីវកម្មអចលនទ្រព្យជាច្រើនក៏មានគោលបំណងសម្រាប់ផែនការសុទិដ្ឋិនិយមក្នុងការបង្កើនល្បឿនចាប់ពីខែដំបូងនៃឆ្នាំ ២០២២ រួមទាំងការបង្កើនល្បឿននៃដំណើរការគម្រោង និងការពង្រីកមូលនិធិដីធ្លី។
បន្ទាប់ពីស្ងប់ស្ងាត់អស់រយៈពេលជាយូរដោយសារឥទ្ធិពលនៃការរីករាលដាលនៃមេរោគ COVID-19 នៅចុងឆ្នាំ ២០២១ និងបីខែដំបូងនៃឆ្នាំ ២០២២ បន្ទាប់ពីខេត្ត-ក្រុងភាគច្រើននៅទូទាំងប្រទេសបានវិលត្រឡប់មកសភាពធម្មតាវិញនោះ ទីផ្សារ ទីផ្សារអចលនទ្រព្យក៏មានភាពរស់រវើកជាលំដាប់; ចំនួនអតិថិជនដែលកំពុងស្វែងរក និងធ្វើប្រតិបត្តិការក៏កំពុងកើនឡើងជាលំដាប់។
ក្រសួងសំណង់បានធ្វើអត្ថាធិប្បាយ "ជាទូទៅ ទីផ្សារអចលនទ្រព្យនៅឆ្នាំ ២០២២ នឹងឃើញសញ្ញានៃភាពប្រសើរឡើងបន្ថែមទៀត និងត្រូវបានត្រងតាមរយៈការរីករាលដាលនៃមេរោគ COVID-19"។
គិតត្រឹមដំណាច់ខែមេសា ឆ្នាំ ២០២២ មានទីផ្សារលក់ដូរអចលនទ្រព្យប្រហែល ៨០០ បានដាក់ឲ្យដំណើរការឡើងវិញ (បើប្រៀបធៀបទៅនឹងត្រីមាសទីបួន ឆ្នាំ២០២១ មានផ្សារលក់ដូរអចលនទ្រព្យចំនួន ៤០០)។ ផ្សារជួយដូរអចលនទ្រព្យមានភាពសកម្ម ភាពបត់បែន និងការផ្លាស់ប្តូរផែនការអាជីវកម្មអំពីបន្សាំខ្លួន និងការអនុវត្តបច្ចេកវិទ្យាចំពោះការគ្រប់គ្រងព័ត៌មាន ការគ្រប់គ្រងការលក់ដូរ ការទូទាត់ ការផ្សាយពាណិជ្ជកម្ម ការផ្លាស់ប្តូរឌីជីថលក្នុងការជួញដូរ៕
ទីភ្នាក់ងារសារព័ត៌មានវៀតណាម
មតិពីមិត្តអ្នកអាន