នារសៀលថ្ងៃទី ២០ មេសា នៅទីក្រុងហាណូយ អគ្គលេខាគណៈកម្មាធិការមជ្ឈិមបក្សកុម្មុយនិស្ត វៀតណាម លោក Nguyen Phu Trong បានអញ្ជើញទទួលជួបជាមួយប្រធានសភាជាន់ទាបឥណ្ឌា Om Birla ដែលលោកកំពុងបំពេញទស្សនកិច្ចជាផ្លូវការនៅវៀតណាម។
 លោកអគ្គលេខាបក្ស Nguyen Phu Trong ផ្ញើសារលិខិត និងកន្ត្រកផ្កា អបអរសាទរបុណ្យចូលឆ្នាំថ្មីប្រពៃណីជាតិខ្មែរ |
 អគ្គលេខាបក្ស លោក Nguyen Phu Trong អញ្ជើញទស្សនានិងធ្វើការនៅខេត្ត Quang Ninh |
 |
| អគ្គលេខាបក្ស លោក Nguyen Phu Trong អញ្ជើញទទួលជួបជាមួយប្រធានសភាជាន់ទាបឥណ្ឌាលោក Om Birla |
ប្រធានសភាតំណាងប្រទេសឥណ្ឌា លោក Om Birla បានសម្តែងសេចក្តីរីករាយដែលបានមកបំពេញទស្សនកិច្ចនៅវៀតណាមជាលើកដំបូង; បានពាំនាំនូវក្តីនឹករលឹក និងអបអរសាទររបស់ប្រធានាធិបតី និងនាយករដ្ឋមន្ត្រីឥណ្ឌា ជូនចំពោះអគ្គលេខាបក្ស លោក Nguyen Phu Trong។
ប្រធានសភាតំណាងឥណ្ឌាបានវាយតម្លៃខ្ពស់ចំពោះកិច្ចសន្ទនាតាមទូរស័ព្ទប្រកបដោយជោគជ័យ និងជាក់ស្តែងរវាងអគ្គលេខាបក្ស Nguyen Phu Trong និងនាយករដ្ឋមន្ត្រីឥណ្ឌា Narenda Modi នាពេលថ្មីៗនេះ ដែលភាគីទាំងពីរបានពិភាក្សាទ្វេភាគី ក្នុងតំបន់ និងអន្តរជាតិ។
ប្រធានសភាតំណាងប្រទេសឥណ្ឌា លោក Om Birla បានអបអរសាទរចំពោះជោគជ័យរបស់វៀតណាមក្រោមការដឹកនាំរបស់អគ្គលេខាបក្ស Nguyen Phu Trong សម្តែងការវាយតម្លៃខ្ពស់ចំពោះការរួមវិភាគទានដ៏ធំធេងរបស់អគ្គលេខាបក្សក្នុងការអភិវឌ្ឍន៍ទំនាក់ទំនងដ៏រឹងមាំរវាងរដ្ឋសភានៃប្រទេសទាំងពីរ។
នៅក្នុងជំនួបនេះ ប្រធានសភាជាន់ទាបឥណ្ឌាលោក Om Birla បានអះអាងថា ឥណ្ឌាចាត់ទុកវៀតណាមជាសសរស្តម្ភក្នុងគោលនយោបាយឆ្ពោះទៅទិសខាងកើតនិងយុទ្ធសាស្ត្រឥណ្ឌា-ប៉ាស៊ីហ្វិករបស់ខ្លួន; ស្នើឱ្យជំរុញកិច្ចសហប្រតិបត្តិការបន្ថែមទៀតលើវិស័យការពារជាតិ សន្តិសុខ ពាណិជ្ជកម្ម ថាមពល ទេសចរណ៍ ការផ្លាស់ប្តូរវប្បធម៌និងការផ្លាស់ប្តូររវាងប្រជាជនជាមួយប្រជាជន។
ប្រធានសភាតំណាងប្រទេសឥណ្ឌា Om Birla បានសង្កត់ធ្ងន់លើការសម្របសម្រួលរវាងប្រទេសទាំងពីរលើបញ្ហាអន្តរជាតិ; ស្នើឱ្យជំរុញកិច្ចសហប្រតិបត្តិការបន្ថែមទៀតលើវិស័យការពារជាតិ-សន្តិសុខ ពាណិជ្ជកម្ម ថាមពល ទេសចរណ៍ ការផ្លាស់ប្តូរវប្បធម៌ និងការផ្លាស់ប្តូរប្រជាជនទៅប្រជាជន។
អគ្គលេខាបក្សលោក Nguyen Phu Trong អញ្ជើញវាយតម្លៃខ្ពស់ចំពោះការអភិវឌ្ឍដ៏ល្អប្រសើរនៃទំនាក់ទំនងរបស់ប្រទេសទាំងពីរ; យល់ព្រមជាមួយសំណើសហប្រតិបត្តិការរបស់ប្រធានសភាជាន់ទាបឥណ្ឌា; ស្នើឱ្យភាគីទាំងពីរបន្តសម្របសម្រួលនិងចែក រំលែក បទពិសោធន៍នាពេលខាងមុខ ដើម្បីពង្រឹងភាពជាដៃគូយុទ្ធសាស្ត្រលើគ្រប់ជ្រុងជ្រោយ ឱ្យកាន់តែស៊ីជម្រៅថែមទៀត។ លោកអគ្គលេខាបក្សក៏បានស្នើឱ្យភាគីទាំងពីរបន្តផ្លាស់ប្តូរការពិគ្រោះយោបល់ និងសម្របសម្រួលយ៉ាងជិតស្និទ្ធនៅក្នុងវេទិកាសភាអន្តរជាតិ ចែករំលែកទស្សនៈអំពីបញ្ហាក្នុងតំបន់និងអន្តរជាតិ ព្រមទាំងរួមចំណែកក្នុងការពង្រឹងបរិយាកាសសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងលើពិភពលោក៕
មតិពីមិត្តអ្នកអាន