ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ លោកអគ្គលេខាបក្ស Nguyen Phu Trong បានផ្ញើសារលិខិតអបអរសាទរ និងកន្ត្រកផ្កាជូនចំពោះសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីកម្ពុជា។
 |
| លោកអគ្គលេខាបក្ស Nguyen Phu Trong |
ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ លោកអគ្គលេខាបក្ស Nguyen Phu Trong បានផ្ញើសារលិខិតអបអរសាទរ និងកន្ត្រកផ្កាជូនចំពោះសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីកម្ពុជា។
សារលិខិតអបអរសាទររបស់លោកអគ្គលេខាបក្ស Nguyen Phu Trong ផ្ញើជូនសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីកម្ពុជា មានខ្លឹមសារដូចខាងក្រោម៖
ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ក្នុងនាមបក្ស រដ្ឋ និងប្រជាជនវៀតណាម និងក្នុងនាមខ្ញុំផ្ទាល់ ខ្ញុំសូមជូនពរសម្តេចអគ្គមហាសេនាបតីតេជោ ហ៊ុន សែន និងថ្នាក់ដឹកនាំគណបក្សប្រជាជនកម្ពុជា រដ្ឋ និងប្រជាជនកម្ពុជាទាំងអស់ឱ្យមានសេចក្តីសុខចម្រើនរុងរឿង។
បក្ស រដ្ឋ និងប្រជាជនវៀតណាមវាយតំលៃខ្ពស់ចំពោះសមិទ្ធិផលធំធេង និងសំខាន់ៗលើគ្រប់វិស័យនៃកិច្ចការក្នុងស្រុក និងក្រៅប្រទេស ដែលកម្ពុជាសម្រេចបាននាពេលកន្លងមក ជាពិសេសទទួលបានជោគជ័យក្នុងការបង្ការ និងទប់ស្កាត់ការរីករាលដាលនៃជំងឺ Covid-19 ការធានាការអនុវត្តសេដ្ឋកិច្ចសង្គម ធានាការអភិវឌ្ឍក្នុងបរិបទនៃការបើកប្រទេសឡើងវិញ បក្ស រដ្ឋ និងប្រជាជនវៀតណាមជឿជាក់ថា ក្រោមការដឹកនាំដ៏ត្រឹមត្រូវ និងឈ្លាសវៃរបស់គណបក្សប្រជាជនកម្ពុជា និងការដឹកនាំដ៏ខ្លាំងក្លារបស់រដ្ឋាភិបាល ដែលដឹកនាំដោយសម្តេចតេជោ ហ៊ុន សែន ប្រជាជនកម្ពុជានឹងបន្តទទួលបានសមិទ្ធផលថ្មីៗ និងធំធេងជាច្រើនទៀតនៅក្នុងការកសាង និងអភិវឌ្ឍប្រទេស រៀបចំដោយជោគជ័យការបោះឆ្នោតក្រុមប្រឹក្សាឃុំសង្កាត់នៅឆ្នាំ២០២២ និងបំពេញតួនាទីជាប្រធានអាស៊ាននៅឆ្នាំ២០២២ ដោយជោគជ័យ។
បក្ស រដ្ឋ និងប្រជាជនវៀតណាមក៏សប្បាយរីករាយជាខ្លាំងចំពោះទំនាក់ទំនងភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និងយូរអង្វែងរវាងវៀតណាម និងកម្ពុជា ដែលកាន់តែមានការអភិវឌ្ឍ និងស៊ីជម្រៅថែមទៀត នាំមកនូវផលប្រយោជន៍ជាក់ស្តែងជូនប្រជាជននៃប្រទេសទាំងពីរ រួមចំណែកយ៉ាងសកម្មក្នុងការរក្សាសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងនៅលើពិភពលោក។
ក្នុងឱកាសនេះ អគ្គលេខាបក្ស Nguyen Phu Trong បានផ្ញើកាត និងកន្ត្រកផ្កា ថ្វាយព្រះពរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី៕
មតិពីមិត្តអ្នកអាន