លោកឧត្តមសេនីយ៍ទោ Tran Hoai Trung អញ្ជើញទៅជូនពរបុណ្យចូលឆ្នាំថ្មីនៅកម្ពុជា

ពិធីបើកឲ្យដំណើរការផ្លូវចរាចរណ៍បច្ចេកទេស នៃគម្រោងផ្លូវល្បឿនលឿន Trung Luong - My Thuan

ឯកអគ្គរាជទូតកម្ពុជា ប្រចាំវៀតណាម បានចូលជួបសម្តែងការគួរសមលោកជំទាវ Bui Thi Minh Hoai ប្រធានគណៈចលនាមហាជនមជ្ឈឹមវៀតណាម

លោកឧត្តមសេនីយ៍ទោ Tran Hoai Trung ជូនអំណោយដល់នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ក្នុងឱកាសបុណ្យចូលឆ្នាំថ្មី

នៅអគ្គបញ្ជាការដ្ឋាន បញ្ជាការដ្ឋានកងទ័ពជើងគោក និងបញ្ជាការដ្ឋានកងរាជអាវុធហត្ថលើផ្ទៃប្រទេស នៃកងយោធពលខេមរភូមិន្ទ តាងនាមថ្នាក់ដឹកនាំបញ្ជាការដ្ឋានយោធភូមិភាគ លោកឧត្តមសេនីយ៍ទោ Tran Hoai Trung បានសម្ដែងនូវក្តីសប្បាយរីករាយចំពោះលទ្ធផលសំខាន់ដែលព្រះរាជាណាចក្រកម្ពុជាទទួលបានក្នុងការអភិវឌ្ឍសេដ្ឋកិច្ច សង្គម ការរក្សាស្ថិរភាពនយោបាយ ការពារជាតិ សន្តិសុខ ជាពិសេសក្នុងការទប់ទល់នឹងជំងឺ Covid-19 ក្រោមការដឹកនាំរបស់រាជរដ្ឋាភិបាល។ លោកឧត្តមសេនីយ៍ទោ Tran Hoai Trung បញ្ជាក់ថា លទ្ធផលទាំងអស់នេះ មានការចូលរួមចំណែកដ៏សំខាន់របស់កងយោធពលខេមរភូមិន្ទ។

លោកប្រធាននយោបាយយោធភូមិភាគទី៧ បានថ្លែងអំណរគុណចំពោះរាជរដ្ឋាភិបាល និងកងយោធពលខេមរភូមិន្ទ ដែលតែងតែជួយគាំទ្រយោធភូមិភាគទី៧ បំពេញល្អភារកិច្ចក្នុងប៉ុន្មានឆ្នាំកន្លងមក ចូលរួមចំណែកកសាងខ្សែព្រំដែនសន្តិភាព ស្ថិរភាព កិច្ចសហប្រតិបត្តិការ និងអភិវឌ្ឍន៍ ហើយសហការប្រកបដោយប្រសិទ្ធភាពក្នុងការប្រយុទ្ធប្រឆាំងនឹងជំងឺ Covid-19 ដោះស្រាយល្អនូវបញ្ហាសន្តិសុខមិនមែនប្រពៃណី ជួយឧបត្ថម្ភបង្វឹកបង្ហាត់ បណ្ដុះបណ្ដាល ស្វែងរកនិងប្រមូលអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតនៅកម្ពុជា។ លោកបញ្ជាក់ថា យោធភូមិភាគទី៧ យកចិត្តទុកដាក់ដល់ការពង្រីកការតភ្ជាប់ជាមួយអង្គភាពនៃកងយោធពលខេមរភូមិន្ទ។ នាបច្ចុប្បន្ន យោធភូមិភាគទី៧ កំពុងចងសម្ព័ន្ធមេត្រីភាពជាមួយអង្គភាពចំនួន ១០៤ នៃកងយោធពលខេមរភូមិន្ទ។

នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ទទួលជួបលោកឧត្តមសេនីយ៍ទោ Tran Hoai Trung

ក្នុងឱកាសបុណ្យចូលឆ្នាំថ្មីប្រពៃណី លោកឧត្តមសេនីយ៍ទោ Tran Hoai Trung បានជូនពរថ្នាក់ដឹកនាំរាជរដ្ឋាភិបាល កងយោធពលខេមរភូមិន្ទ និងប្រជាជនកម្ពុជាឱ្យមានសុខភាពល្អ សុភមង្គល ជោគជ័យ និងជូនពរទំនាក់ទំនងរវាងប្រទេសទាំងពីរ កងទ័ពទាំងពីរ និងរវាងកងកម្លាំងប្រដាប់អាវុធកងយោធភូមិភាគទី៧ ជាមួយអង្គភាពនៃកងយោធពលខេមរភូមិន្ទស្រស់បំព្រងជានិច្ចកាល ស្ថិតស្ថិជាអមត។

ថ្នាក់ដឹកនាំអង្គភាពទាំងឡាយបានជូនដំណឹងដល់ក្រុមបេសកកម្មរបស់បញ្ជាការដ្ឋានយោធភូមិភាគទី៧ ថា ដល់សព្វថ្ងៃនេះ កម្ពុជាគ្រប់គ្រងបានជំងឺរាតត្បាត និងរៀបចំឡើងវិញនូវសកម្មភាពនានា តាំងពីខែកញ្ញា ឆ្នាំ២០២១ ហើយជឿជាក់ថា ប្រទេសទាំងពីរនឹងគ្រប់គ្រងយ៉ាងឆាប់ៗនូវជំងឺរាតត្បាត ដើម្បីជម្រុញកិច្ចសហប្រតិបត្តិការសេដ្ឋកិច្ច វប្បធម៌ សង្គម ការពារជាតិ និងសន្តិសុខ៕

យោងតាមកាសែតកងទ័ពប្រជាជន