ក្នុងឱកាសពិធីបុណ្យចូលឆ្នាំថ្មីប្រពៃណី ២០២២ តាងនាមគណៈកម្មាធិការមជ្ឈិមរណសិរ្សមាតុភូមិវៀតណាម លេខាគណៈកម្មាធិការមជ្ឈិមបក្ស និងជាប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោក Do Van Chien បានផ្ញើសារលិខិតអបអរសាទរជូនចំពោះព្រះសង្ឃ និងបងប្អូនជនជាតិខ្មែរ។
 |
| តាងនាមគណៈកម្មាធិការមជ្ឈិមរណសិរ្សមាតុភូមិវៀតណាម លេខាគណៈកម្មាធិការមជ្ឈិមបក្ស និងជាប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោក Do Van Chien បានផ្ញើសារលិខិតអបអរសាទរជូនចំពោះព្រះសង្ឃ និងបងប្អូនជនជាតិខ្មែរ។ |
ក្នុងសារលិខិត លោក Do Van Chien បានអះអាងថា ឆ្នាំ២០២១ ប្រទេសរបស់យើងបានជួបប្រទះការលំបាក និងបញ្ហាប្រឈមជាច្រើន។ ជំងឺរាតត្បាត Covid-19 បានធ្វើឱ្យមានការខាតបង់សេដ្ឋកិច្ច និងសង្គមយ៉ាងធ្ងន់ធ្ងរដែលប៉ះពាល់ដោយផ្ទាល់ដល់សុខភាព និងការរស់នៅរបស់ប្រជាជន។
ឆ្លើយតបនឹងការអំពាវនាវរបស់លោកអគ្គលេខាបក្ស Nguyen Phu Trong និងដោយមានការគាំទ្រដ៏ធំធេងពីសំណាក់ប្រជាជនដែលក្នុងនោះរួមទាំងបងប្អូនជនរួមជាតិខ្មែរផងដែរ យើងបានជម្នះជំងឺរាតត្បាត សម្របខ្លួនបន្តិចម្តងៗដោយសុវត្ថិភាព និងភាពបត់បែន យើងបានគ្រប់គ្រងការរាតត្បាតប្រកបដោយប្រសិទ្ធភាព និងស្តារការអភិវឌ្ឍសេដ្ឋកិច្ច និងសង្គមក្នុងស្ថានភាពថ្មី។
តាងនាមគណៈកម្មាធិការមជ្ឈិមរណសិរ្សមាតុភូមិវៀតណាម លោក Do Van Chien បានទទួលស្គាល់ វាយតំលៃខ្ពស់ និងដឹងគុណចំពោះការខិតខំប្រឹងប្រែងរបស់ព្រះសង្ឃ និងជនរួមជាតិខ្មែរ ដែលបានរួមចំណែកក្នុងសមិទ្ធិផលរួមរបស់ប្រទេសជាតិក្នុងអំឡុងពេលកន្លងមក។
អបអរសាទរទិវាបុណ្យចូលឆ្នាំថ្មីឆ្នាំ ២០២២ លោក Do Van Chien បានជូនពរព្រះសង្ឃ និងបងប្អូនជនរួមជាតិខ្មែរបន្តលើកតម្កើងប្រពៃណីល្អរបស់ប្រទេសជាតិ រួបរួមចិត្តតែមួយ និងរួមជាមួយបក្ស ប្រជាជនទាំងមូល កងទ័ពទាំងមូល ប្តេជ្ញាសម្រេចឱ្យបានជោគជ័យនៃគោលដៅអភិវឌ្ឍសេដ្ឋកិច្ច-សង្គម ដែលបានកំណត់។ ព្រមទាំងលោកបានលើកឡើងថា ប្រជាពលរដ្ឋទាំងអស់គួរតែរួមចិត្តរួមថ្លើមអនុវត្តឱ្យមានប្រសិទ្ធភាពនូវគ្រប់គោលនយោបាយ គោលការណ៍របស់បក្ស និងរដ្ឋសម្រាប់បងប្អូនជនជាតិក្នុងគោលបំណងអភិវឌ្ឍសេដ្ឋកិច្ច សង្គមតំបន់ជនជាតិភាគតិច និងតំបន់ឆ្ងាយដាច់ស្រយាល់ ទន្ទឹមនឹងនោះត្រូវខិតខំប្រឹងប្រែងអភិរក្ស និងលើកតម្កើងអត្តសញ្ញាណវប្បធម៌ដ៏ល្អរបស់ជនជាតិខ្មែរ រួមចំណែកភាពចម្រុះនៃវប្បធម៌វៀតណាម៕
មតិពីមិត្តអ្នកអាន