ក្នុងឱកាសរំលឹកខួបអនុស្សាវរីយ៍លើកទី ៤០ នៃទិវាបង្កើតសមាគមពុទ្ធសាសនាវៀតណាម (៧ វិច្ឆិកា ១៩៨១ / ៧ វិច្ឆិកា ២០២១) នាព្រឹកថ្ងៃទី ៥ វិច្ឆិកា នៅទីក្រុងហាណូយ តាងនាមថ្នាក់ដឹកនាំបក្ស រដ្ឋ និងរណសិរ្សមាតុភូមិវៀតណាម លោក Do Van Chien ប្រធានគណៈកម្មាធិការមជ្ឈិមរណសិរ្សមាតុភូមិវៀតណាមបានអញ្ជើញទៅបំពេញទស្សនកិច្ចនិងជូនពរសមាគមពុទ្ធសាសនាវៀតណាម។
ក្នុងឱកាសនេះ លោក Do Van Chien បានជូនពរចំពោះព្រះសង្ឃ ដូនជី អ្នកមុខអ្នកការសាសនា និងពុទ្ធបរិស័ទវៀតណាមទាំងក្នុងនិងក្រៅប្រទេសមានសុខភាពល្អបរិបូរ និងវិបុលសុខ បវរមហាប្រសើរ។
 |
| ប្រធានគណៈកម្មាធិការមជ្ឈិមរណសិរ្សមាតុភូមិវៀតណាមជូនពរសមាគមពុទ្ធសាសនាវៀតណាម (រូបថត៖ vnanet.vn) |
លោក Do Van Chien បានអះអាងថា ក្នុងរយៈពេល ៤០ ឆ្នាំកន្លងទៅ សមាគមពុទ្ធសាសនាវៀតណាម ព្រះសង្ឃ និងអ្នកមុខអ្នការសាសនា រួមទាំងពុទ្ធបរិស័ទនៅទូទាំងប្រទេសបានរួមចំណែកជាវិជ្ជមានជាច្រើនក្នុងការអភិវឌ្ឍសេដ្ឋកិច្ចសង្គម និងយកចិត្ដទុកដាក់ដល់ជីវភាពរស់នៅរបស់ប្រជាជន។ ជាពិសេសក្នុងបរិបទនៃការវិវឌ្ឍន៍យ៉ាងស្មុគស្មាញនៃជំងឺកូវីដ-១៩ ព្រះសង្ឃ ដូនជីនិងពុទ្ធបរិស័ទទូទាំងប្រទេសបានរួមដៃគ្នាជួយឧបត្ថម្ភថវិកានិងសំភារៈសម្រាប់ការទប់ស្កាត់ការរាតត្បាតនៃជំងឺកូវីដ-១៩ ដែលមានទឹកប្រាក់រហូតដល់រាប់ពាន់លានដុង...។
លោក Do Van Chien សង្ឃឹមថា នាពេលខាងមុខ សមាគមពុទ្ធសាសនានឹងបន្តចលនាព្រះសង្ឃ ដូនជី និងពុទ្ធបរិស័ទជឿជាក់លើការដឹកនាំរបស់បក្ស និង រដ្ឋ។ រួមជាមួយនឹងប្រជាជនទាំងមូលអនុវត្ដសេចក្តីសម្រេចចិត្តនៃមហាសន្និបាតលើកទី XIII របស់បក្សប្រកបដោយជោគជ័យ។ ទន្ទឹមនឹងនោះ ត្រៀមរៀបចំមហាសន្និបាតលើកទី IX នៃពុទ្ធសាសនាទូទាំងប្រទេសក្នុងឆ្នាំ២០២២ ប្រកបដោយជោគជ័យ៕
Quan doi Nhan dan
មតិពីមិត្តអ្នកអាន