យុគសម័យ - នាព្រឹកថ្ងៃទី ២៤ មិនា អង្គការមនុស្សចាស់ជរាអន្តរជាតិ ប្រចាំនៅវៀតណាម (HAI) សម្របសម្រួលជាមួយសមាគមមនុស្សចាស់ជរាវៀតណាមមជ្ឈិម និងសមាគមមនុស្សចាស់ជរាខេត្ត Thanh Hoa បានបើកកិច្ចប្រជុំ តាមប្រព័ន្ធអនឡាញ ដើម្បីតម្រង់ទិសគម្រោង VIE 0៧១។
 ជួយឧបត្ថម្ភការអភិវឌ្ឍមុខរបរជូនប្រជាពលរដ្ឋចំនួន ៩គ្រួសារនៅខេត្ត Thanh Hoa |
 រៀបចំបុណ្យតេតដ៏សប្បាយរីករាយ សុវត្ថិភាព និងសន្សំសំចៃជូនប្រជាជន Thanh Hoa |
 |
| ទិដ្ឋភាពទូទៅនៃសន្និសីទ។ |
គម្រោងនេះបានឧបត្ថម្ភដោយរដ្ឋាភិបាលជប៉ុន តាមរយៈមូលនិធិអភិវឌ្ឍន៍សង្គមជប៉ុន និងបានផ្ទេរសិទ្ធិដល់ធនាគារពិភពលោកប្រចាំនៅវៀតណាម ដើម្បីពង្រីកគំរូក្លឹបអន្តរជំនាន់ជួយគ្នាទៅវិញទៅមក។
លោកស្រី Tran Thi Bich Thuy នាយិកាជាតិអង្គការ HAI ប្រចាំនៅវៀតណាមបានមានប្រសាសន៍ថា អង្គការ HAI បានយល់ព្រមគាំទ្រសមាគមមនុស្សចាស់ជរាខេត្ត Thanh Hoa ដើម្បីបង្កើតក្លឹបចំនួន ៣០ ក្នុងរយៈពេល ៤ ឆ្នាំ ចាប់ពីឆ្នាំ ២០២១ ដល់ឆ្នាំ ២០២៤ ដើម្បីជួយដល់មនុស្សចាស់ក្រីនិងជនងាយរងគ្រោះ ដែលមានលក្ខខណ្ឌកែលំអជីវភាពរស់នៅ។
 |
| លោក Nguyen Duc Thang ប្រធានសមាគមមនុស្សចាស់ខេត្ត Thanh Hoa។ |
លោក Nguyen Duc Thang ប្រធានសមាគមមនុស្សចាស់ជរាខេត្ត Thanh Hoa បានឲ្យដឹងថា ក្នុងរយៈពេល ៤ ឆ្នាំនៃការអនុវត្តគម្រោងនេះ (ចាប់ពីឆ្នាំ២០២១ - ២០២៤) នឹងដាក់ពង្រាយនៅស្រុកចំនួន ៦ ក្នុងនោះមានក្លឹបអន្តរជំនាន់ជួយគ្នាទៅវិញទៅមកចំនួន ៣០ ហើយនៅក្នុងស្រុកនីមួយៗ មាន ៥ ក្លឹប។ ជាពិសេស៖ នៅឆ្នាំ ២០២១ គំរូនេះនឹងត្រូវដាក់ពង្រាយនៅ ស្រុក Yen Dinh, ស្រុក Dong Son នាឆ្នាំ ២០២២ ស្រុក Nga Son ស្រុក Hau Loc; នាឆ្នាំ២០២៣ ស្រុក Sam Son ស្រុក Quang Xuong ។
តាមការគ្រោងទុក ក្នុងរយៈពេលដប់ឆ្នាំខាងមុខ ចំនួនមនុស្សចាស់នៅក្នុងតំបន់នេះនឹងមានចំនួនច្រើនជាងកុមារដែលមានអាយុក្រោម ១៥ ឆ្នាំ។ ដូច្នេះក្លឹបអន្តរជំនាន់ជួយគ្នាទៅវិញទៅមកគឺជាការរៀបចំដ៏ល្អសម្រាប់សង្គមវ័យចំណាស់៕
thoidai
មតិពីមិត្តអ្នកអាន