លោកស្រីឯកអគ្គរដ្ឋទូត Le Thi Hong Van បានអំពាវនាវឲ្យសហគមន៍អន្តរជាតិ បន្តជួយឧបត្ថម្ភហើយបង្កលក្ខណៈងាយស្រួលសម្រាប់ការសន្ទនារវាងភាគីនានា បង្កើនកិច្ចខិតខំប្រឹងប្រែងផ្តល់ជំនួយមនុស្សធម៌សម្រាប់ជនស៊ីវិល។ ភាគីនានាត្រូវ ធានាសុវត្ថិភាព សន្តិសុខ ហើយជួយសម្រួលដល់ការជម្លៀសជនបរទេសទាំងអស់ ដែលរស់នៅក្នុងប្រទេសអ៊ុយក្រែន រួមទាំងជនជាតិវៀតណាមនៅទីនេះ ដោយមិនមាន ការរើសអើងប្រភពដើម ពូជសាសន៍ សញ្ជាតិ ឬជនជាតិនោះឡើយ។
 កសាងសំណុំរឿងដាក់ជូនអង្គការ UNESCO ដើម្បីលើកតំកើងគ្រូឱសថបុរាណ Hai Thuong Lan Ong Le Huu Trac |
 បន្តជំរុញផលប្រយោជន៍របស់វៀតណាមនៅវេទិកា UNESCO |
 |
| លោកស្រីឯកអគ្គរដ្ឋទូត Le Thi Hong Van ប្រធានស្ថានបេសកកម្មវៀតណាមអម UNESCO។ (រូបថត៖ UNESCO) |
ក្នុងរយៈពេលពីរថ្ងៃចាប់ពីថ្ងៃទី១៥ដល់ទី១៦ ខែមីនា នៅទីស្នាក់ការអង្គការអប់រំ វិទ្យាសាស្ត្រនិងវប្បធម៌របស់អង្គការសហប្រជាជាតិ (UNESCO) នៅទីក្រុងប៉ារីស ក្រុមប្រឹក្សាប្រតិបត្តិរបស់អង្គការ UNESCO បានបើកកិច្ចប្រជុំពិសេសមួយដើម្បី ពិភាក្សាអំពីផលវិបាកដោយស្ថានភាពនៅអ៊ុយក្រែនទៅលើវិស័យនានាដែលស្ថិតនៅក្រោមសមត្ថកិច្ចរបស់ UNESCO។
ថ្លែងមតិនៅកិច្ចប្រជុំនេះ លោកស្រីឯកអគ្គរដ្ឋទូត Le Thi Hong Van ប្រធាន ស្ថានបេសកកម្ម វៀតណាមអម UNESCO បានសម្តែងការព្រួយបារម្ភរបស់វៀតណាម ចំពោះជម្លោះប្រដាប់អាវុធបច្ចុប្បន្ននៅអ៊ុយក្រែន។ លោកស្រីឯកអគ្គរដ្ឋទូតក៏បាន សង្កត់ធ្ងន់ថា ចាំបាច់ត្រូវធានាសន្តិសុខ សុវត្ថិភាពសម្រាប់មូលដ្ឋានស៊ីវិលដូចជា សាលារៀន មណ្ឌលគោរពវិញ្ញាណក្ខន្ធ សំណង់វប្បធម៌ សារព័ត៌មាន ស្របតាមច្បាប់ មនុស្សធម៌អន្តរជាតិ។ ជាពិសេសក៏ត្រូវការពារបេតិកភណ្ឌវប្បធម៌ក្រោមគ្រប់រូបភាព ដើម្បីរក្សាទុកសម្រាប់ជំនាន់ក្រោយៗផងដែរ។
លោកស្រីឯកអគ្គរដ្ឋទូត Le Thi Hong Van បានអំពាវនាវឲ្យសហគមន៍អន្តរជាតិ បន្តជួយឧបត្ថម្ភហើយបង្កលក្ខណៈងាយស្រួលសម្រាប់ការសន្ទនារវាងភាគីនានា បង្កើនកិច្ចខិតខំប្រឹងប្រែងផ្តល់ជំនួយមនុស្សធម៌សម្រាប់ជនស៊ីវិល។ ភាគីនានាត្រូវ ធានាសុវត្ថិភាព សន្តិសុខ ហើយជួយសម្រួលដល់ការជម្លៀសជនបរទេសទាំងអស់ ដែលរស់នៅក្នុងប្រទេសអ៊ុយក្រែន រួមទាំងជនជាតិវៀតណាមនៅទីនេះ ដោយមិនមាន ការរើសអើងប្រភពដើម ពូជសាសន៍ សញ្ជាតិ ឬជនជាតិនោះឡើយ។
លោកស្រីឯកអគ្គរដ្ឋទូតបានស្នើឲ្យ UNESCO ពង្រីកតួនាទីក្នុងការតភ្ជាប់និង ជំរុញកិច្ចខិតខំប្រឹងប្រែងប្រកបដោយលក្ខណៈមនុស្សសាស្ត្រ ជំរុញ "សាមគ្គីភាពបញ្ញា និងសីលធម៌របស់មនុស្សជាតិ" ដើម្បីកសាងពិភពលោកមួយប្រកបដោយសន្តិភាព និរន្តរភាពនិងភាពធន់ផងដែរ៕
មតិពីមិត្តអ្នកអាន