អគ្គិសនីកោះ Truong Sa រួមចំណែករក្សាសន្តិសុខជាតិ ការពារអធិបតេយ្យភាព និងអភិវឌ្ឍន៍សេដ្ឋកិច្ចសមុទ្រ និងកោះ

កសាងស្រុកកោះ Truong Sa ឱ្យក្លាយជាមជ្ឈមណ្ឌលសេដ្ឋកិច្ច វប្បធម៌ និងសង្គមនៅលើសមុទ្ររបស់ប្រទេសទាំងមូល

កម្មវិធីសិល្បៈពិសេសក្រោមប្រធានបទ «និទាឃរដូវ Truong Sa»

អគ្គិសនីកោះ Truong Sa រួមចំណែករក្សាសន្តិសុខជាតិ ការពារអធិបតេយ្យភាព និងអភិវឌ្ឍន៍សេដ្ឋកិច្ចសមុទ្រ និងកោះ។

ការទទួលយក និងដំណើរការប្រព័ន្ធថាមពលស្អាត និងភ្លើងរបស់ EVN នៅលើប្រជុំកោះ Truong Sa និងស្ថានីយ៍ខួង DK1 ក្រោមការដឹកនាំរបស់រដ្ឋាភិបាលនឹងបង្កើតលក្ខខណ្ឌអំណោយផលបន្ថែមទៀតសម្រាប់បំពេញតម្រូវការថាមពលអគ្គិសនី និងលើកកំពស់គុណភាពអគ្គិសនី គុណភាពជីវិតដើម្បីបម្រើ ប្រជាជន និងកងទ័ពនៅលើកោះ និងឧបករណ៍ខួង DK1 ទន្ទឹម​នឹង​នេះ រួមចំណែកលើកកម្ពស់ប្រសិទ្ធភាពនៃសមត្ថភាពការពារ ដើម្បីការពារអធិបតេយ្យភាពដ៏ពិសិដ្ឋនៃសមុទ្រ និងកោះនៃមាតុភូមិ។

ការប្រើប្រាស់អគ្គិសនីនៅតាមបណ្តាកោះនៅស្រុកកោះ Truong Sa ធានាការផ្គត់ផ្គង់អគ្គិសនីជាបន្តបន្ទាប់ និងគ្រប់គ្រាន់ តាមនោះរួមចំណែករក្សាសន្តិសុខជាតិ ការពារអធិបតេយ្យភាព អភិវឌ្ឍន៍សេដ្ឋកិច្ចសមុទ្រនិងកោះ ព្រមទាំងលើកកំពស់ជីវភាពរស់នៅរបស់នាយទាហាន ទាហាន និងប្រជាជន នៅលើកោះ។

បន្ទាប់ពីឯកភាពជាមួយយបញ្ជាការដ្ឋានភូមិភាគទីបួន​នៃកងទ័ពជើង​ទឹក​ ទីស្នាក់ការការងាររបស់អគ្គិសនី Truong Sa (ចំណុះក្រុមហ៊ុនអគ្គសនីខេត្ត Ninh Thuan) បានបង្កើតឡើង ពង្រឹងនិងដាក់ឱ្យដំណើរការតាំងពីពាក់កណ្តាលឆ្នាំ ២០១៩ មក។

ក្រៅពីធានាការផ្គត់ផ្គង់អគ្គិសនីនៅស្រុកកោះ Truong Sa ក្រុមហ៊ុន EVN បានអនុវត្តសកម្មភាពជាក់ស្តែងជាច្រើន ដើម្បីជួយឧបត្ថម្ភកងទ័ព និងប្រជាជនស្រុកកោះ។ ក្រុមហ៊ុន EVN និងអង្គភាពសមាជិកមួយចំនួនបានរៀបចំគណៈប្រតិភូជាច្រើនទៅទស្សនាកោះ Truong Sa ជូនអំណោយដល់ទាហាន និងប្រជាជននៅលើកោះ ព្រមទាំងបរិច្ចាកដល់មូលនិធិ “ជួយឧបត្ថម្ភកោះ Truong Sa”។ នេះក៏ជាសក្ខីភាពនៃមនោសញ្ចេតនា ការយកចិត្តទុកដាក់ ការគាំទ្រ និងការជួយជាក់ស្តែងរបស់បុគ្គលិក និងនិយោជិតរាប់ម៉ឺននាក់នៅទូទាំងក្រុមហ៊ុន EVN ។

ទាក់ទងនឹងការផ្គត់ផ្គង់អគ្គិសនីដល់កោះនោះ នៅចុងឆ្នាំ ២០២១ ក្រុមហ៊ុន EVN បានទទួល គ្រប់គ្រង ដំណើរការ និងវិនិយោគរាប់ពាន់លានដុង ដើម្បីធានាការផ្គត់ផ្គង់អគ្គិសនី នៅស្រុកកោះចំនួន ១១ នៅទូទាំងប្រទេសគឺ៖ Van Don, Co To (ខេត្ត Quang Ninh) Cat Hai (ខេត្ត Hai Phong) Ly Son (ខេត្ត Quang Ngai), Phu Quy (ខេត្ត Binh Thuan), Con Dao (ខេត្ត Ba Ria - Vung Tau), Phu Quoc, Kien Hai (ខេត្ត Kien Giang), Con Co (ខេត្ត Quang Tri) និង Truong Sa (ខេត្ត​ Ninh Thuan) ។

នាពេលខាងមុខ ក្រុមហ៊ុន EVN នឹងបន្តវិនិយោគលើការជួសជុលប្រព័ន្ធថាមពលរបស់កោះនេះ ហើយទន្ទឹមនឹងនោះ នឹងទទួលបានសំណើទាន់ពេលវេលាសម្រាប់តម្រូវការអគ្គិសនីនៅចំណុចកោះ។ ព្រមទាំង ក្រុមហ៊ុន EVN ក៏បន្តរក្សា ជួសជុល គ្រប់គ្រង និងដំណើរការប្រព័ន្ធថាមពលស្អាត ដើម្បីធានាបាននូវការផ្គត់ផ្គង់ថាមពលជាបន្តបន្ទាប់ និងគ្រប់គ្រាន់ ដោយហេតុនោះ រួមចំណែកក្នុងការរក្សាសន្តិសុខជាតិ និងការពារអធិបតេយ្យភាពជាតិ អភិវឌ្ឍន៍សេដ្ឋកិច្ចសមុទ្រ និងកោះ លើកកម្ពស់ជីវភាពរស់នៅរបស់មន្ត្រី ទាហាន និងប្រជាជនស្រុកកោះធំ./.

ឌីណា

Quan doi Nhan dan