យុគសម័យ - សហគមន៍ជនវៀតណាមនៅប្រទេសរូម៉ានីបានបង្កើតឡើងនៅដើមទសវត្សរ៍ទី ៩0 នៃសតវត្ស ២០ នាគ្រាដំបូង ភាគច្រើនជានិស្សិត និងកម្មករ ដែលបានមកសិក្សា ធ្វើការ និងរស់នៅ ក្នុងរយៈពេលវែង នៅប្រទេសរ៉ូម៉ានី។
 រ៉ូម៉ានីប្រគល់ជូនវៀតណាមវ៉ាក់សាំង Astra Zeneca ចំនួន ១០០ ពាន់ដូស |
 វៀតណាមនិងរ៉ូម៉ានីពិភាក្សាអំពីទស្សនវិស័យនៃកិច្ចសហប្រតិបត្តិការសេដ្ឋកិច្ចពាណិជ្ជកម្មនិងវិនិយោគ |
 |
ប្រជាជនវៀតណាមបានជម្លៀសចេញពីប្រទេសអ៊ុយក្រែននៅកន្លែងស្នាក់នៅបណ្តោះអាសន្នរង់ចាំយន្តហោះត្រឡប់មកប្រទេសកំណើតវិញក្នុងរដ្ឋធានី Bucharest។ (រូបថត៖ VNA) |
នៅខែធ្នូ ឆ្នាំ១៩៩៤ នៅទីស្នាក់ការរបស់ស្ថានទូតវៀតណាមប្រចាំនៅទីក្រុង Bucharest ជនវៀតណាមរស់នៅទីនេះបានប្រមូលផ្តុំនិងបង្កើតសមាគមន៍ជនជាតិវៀតណាមនៅប្រទេសរ៉ូម៉ានី ក្នុងគោលបំណង ជួយគ្នាទៅវិញទៅមក និងជួយឧបត្ថម្ភគ្នាក្នុងជីវភាពប្រចាំថ្ងៃពង្រឹងសាមគ្គីភាព ក្នុងសហគមន៍ និងថែរក្សាលក្ខណៈវប្បធម៌ប្រពៃណីរបស់ជាតិ។
បច្ចុប្បន្ន សហគមន៍ជនវៀតណាមរស់នៅភាគច្រើននៅរដ្ឋធានី Bucharest និងតំបន់ជុំវិញមួយចំនួន ភាគច្រើនមានឯកសារស្នាក់នៅស្របច្បាប់ ក្នុងរយៈពេលវែង។
មុខរបរចម្បងរបស់ជនវៀតណាមនៅក្នុងសហគមន៍គឺការជួញដូរនៅទីផ្សារ និងមជ្ឈមណ្ឌលពាណិជ្ជកម្ម ដែលការប្រមូលផ្តុំធំបំផុតគឺនៅប្រព័ន្ធមជ្ឈមណ្ឌលពាណិជ្ជកម្ម Dragonul Rosu ក្នុងរដ្ឋធានី Bucharest ។ ពួកគេភាគច្រើនមានសេដ្ឋកិច្ចមានស្ថិរភាព រួមទាំងមានប្រជាជនទទួលជោគជ័យជាច្រើននាក់ផងដែរ។
ថ្វីត្បិតតែចំនួនសមាជិកនៃសហគមន៍ជនវៀតណាមនៅប្រទេសរ៉ូម៉ានីមានមិនច្រើនក៏ដោយ បច្ចុប្បន្នមានតិចជាង ១០០០នាក់ ប៉ុន្តែប្រជាជនក្នុងសហគមន៍តែងតែរួបរួមគ្នា ជិតស្និទ្ធ រស់នៅប្រកបដោយក្តីមេត្តា ជួយគ្នាទៅវិញទៅមកក្នុងជីវិតជានិច្ច ឆ្ពោះទៅមាតុភូមិប្រទេសជាតិ។
លើសពីនេះ ប្រជាជនវៀតណាមតែងតែគោរពច្បាប់ និងវប្បធម៌របស់ប្រទេសស្វាមី រកស៊ីស្របច្បាប់ស្របតាមបទប្បញ្ញត្តិនៃច្បាប់។
មកដល់ពេលនេះ សហគមន៍វៀតណាមបានរួមបញ្ចូលយ៉ាងស៊ីជម្រៅក្នុងជីវភាពសង្គមរ៉ូម៉ានី ហើយទន្ទឹមនឹងនោះបានរួមចំណែកយ៉ាងសំខាន់ក្នុងទំនាក់ទំនងមិត្តភាពជាប្រពៃណីរវាងប្រជាជននៃប្រទេសទាំងពីរវៀតណាម និងរូម៉ានី។
លោក Bui Doan Hai - អនុប្រធានសមាគមជនវៀតណាមនៅរ៉ូម៉ានី និយាយថា៖ សហគមន៍ ជនវៀតណាមនៅរ៉ូម៉ានីមានប្រពៃណីសាមគ្គីភាព និងចំណងមិត្តភាព។ មានស្មារតីជួយគ្នាទៅវិញទៅមក។ សមាជិកសហគមន៍មានឆន្ទៈគាំទ្រ និងចែករំលែកគ្នាទៅវិញទៅមកក្នុងជីវិត ជាពិសេសក្នុងគ្រាលំបាក។
នៅពេលដែលជនវៀតណាមជាច្រើនត្រូវជម្លៀសចេញពីអ៊ុយក្រែនទៅកាន់ប្រទេសរូម៉ានី ឆ្លើយតបនឹងការអំពាវនាវរបស់ស្ថានទូតវៀតណាម និងសមាគមជនវៀតណាមប្រចាំនៅរូម៉ានី ក៏ដូចជាពីស្មារតីនៃសាមគ្គីភាព និងទឹកចិត្តមនុស្សធម៌ដ៏ខ្ពង់ខ្ពស់ សហគមន៍ជនវៀតណាមបានខិតខំប្រឹងប្រែងអស់ពីសមត្ថភាព ដើម្បីអនុវត្ត។ "យុទ្ធនាការ" ដគាំទ្រការជម្លៀសទាំងផ្លូវចិត្ត និងរាងកាយ។
លោក Hai បានមានប្រសាសន៍ថា សមាជិកសហគមន៍មិនគិតទេ ទាំងយប់ទាំងថ្ងៃនិងមានភាពមមាញឹកក្នុងការប្រកបរបរចិញ្ចឹមជីវិត ដោយត្រៀមខ្លួនជារួមស្រេច ប្រចាំនៅស្ថានីយ៍រថភ្លើង ដើម្បីទទួលស្វាគមន៍ ណែនាំ និងជួយប្រជាពលរដ្ឋក្នុងការជម្លៀសចេញ ស្វែងរកកន្លែងស្នាក់នៅបណ្តោះអាសន្ន និងផ្លាស់ប្តូរទំលំនៅជាបណ្តោះអាសន្ន។ រៀបចំរបស់របរប្រើប្រាស់ជាច្រើនដូចជា ភួយ ខ្នើយ របស់របរផ្ទាល់ខ្លួនសម្រាប់មនុស្ស ជំនួយជាស្បៀងអាហារ និងការហូបចុក ដើម្បីជួយមនុស្សជំនះការលំបាក។
តាមលោក Hai កាយវិការដ៏ថ្លៃថ្នូរបស់សហគមន៍បានបង្ហាញពីប្រពៃណីដ៏ថ្លៃថ្នូ ស្មារតីជួយគ្នាទៅវិញទៅមក របស់ប្រទេសយើង។ លោក Le Van Tuan ជនវៀតណាមម្នាក់ដែលរស់នៅក្នុងរដ្ឋធានី Bucarest បាននិយាយថា សាមគ្គីភាព ការរួបរួមគ្នា និងរស់នៅប្រកបដោយដោយនោសញ្ចេតនា
ការដឹងគុណគឺជា "លក្ខណៈសម្បត្តិពិសេស" របស់សហគមន៍ជនវៀតណាមនៅឯប្រទេសរ៉ូម៉ានីយុទ្ធនាការគាំទ្រជនរួមជាតិវៀតណាមពីប្រទេសអ៊ុយក្រែនគឺជាភស្តុតាងយ៉ាងច្បាស់បញ្ជាក់អំពីរឿងនេះ៕
bao moi
មតិពីមិត្តអ្នកអាន