វៀតណាមនិងរ៉ូម៉ានីពិភាក្សាអំពីទស្សនវិស័យនៃកិច្ចសហប្រតិបត្តិការសេដ្ឋកិច្ចពាណិជ្ជកម្មនិងវិនិយោគ

វៀតណាមនិងរ៉ូម៉ានីពិភាក្សាអំពីទស្សនវិស័យនៃកិច្ចសហប្រតិបត្តិការសេដ្ឋកិច្ចពាណិជ្ជកម្មនិងវិនិយោគ

សិក្ខាសាលាផ្តោតសំខាន់លើការវាយតម្លៃមិត្តភាពប្រពៃណីល្អរវាងវៀតណាមនិងរូម៉ានីដោយមានការពិភាក្សាចំនួន ២ វគ្គស្តីពីទស្សនវិស័យសហប្រតិបត្តិការថ្មីជាពិសេសលើសេដ្ឋកិច្ចពាណិជ្ជកម្មនិងវិនិយោគបន្ទាប់ពីកិច្ចព្រមព្រៀងពាណិជ្ជកម្មនិងសេដ្ឋកិច្ចសេរីអឺរ៉ុប - វៀតណាម (EVFTA) ចូលជាធរមាន និងកិច្ចសហប្រតិបត្តិការការងាររបស់វៀតណាម បន្ទាប់ពីបានចុះហត្ថលេខាលើអនុស្សរណៈយោគយល់គ្នាឆ្នាំ ២០១៨ និងស្ថិតក្រោមលក្ខខណ្ឌនៃការរីករាលដាលនៃជំងឺកូវីដ១៩នៅរ៉ូម៉ានីនិង វៀតណាម។

ក្នុងរយៈពេលជាង ៧០ ឆ្នាំកន្លងមក ទំនាក់ទំនងមិត្តភាពនិងកិច្ចសហប្រតិបត្តិការប្រពៃណីល្អរវាងរ៉ូម៉ានីនិងវៀតណាម បានឆ្លងកាត់ការអភិវឌ្ឍគួរឱ្យកត់សម្គាល់និងមានការរីកចម្រើនឥតឈប់ឈរ។ កិច្ចសហប្រតិបត្តិការទ្វេភាគីបានពង្រីកនិងស៊ីជម្រៅលើវិស័យសន្ទនានយោបាយ ការទូត សន្តិសុខនិងការពារជាតិ ពាណិជ្ជកម្ម កសិកម្មនិងឧស្សាហកម្ម។ ជាពិសេសនាឆ្នាំ ២០១៩ ដោយសារការគាំទ្រដ៏មានតម្លៃរបស់រូម៉ានីក្នុងអាណត្តិប្រធានអ៊ឺរ៉ុបទទួលបានជោគជ័យ កិច្ចព្រមព្រៀងពាណិជ្ជកម្មសេរីរវាងវៀតណាមនិងសហភាពអឺរ៉ុប (EVFTA) និងកិច្ចព្រមព្រៀងការពារការវិនិយោគរបស់វៀតណាម - អឺរុប (EVIPA) ត្រូវបានផ្តល់សច្ចាប័ននិងចូលជាធរមានឆាប់ៗ ដែលនាំឱ្យមានឱកាសថ្មីមួយនិងផ្តល់ផលប្រយោជន៍ដល់ភាគីទាំងពីរផងដែរ។ ហេតុដូច្នេះចំណងមិត្តភាពជាប្រពៃណីនិងកិច្ចសហប្រតិបត្តិការពហុភាគីរវាងវៀតណាមនិងរូម៉ានីជាមូលដ្ឋាន កំពុងបំពេញបន្ថែមនូវទំនាក់ទំនងល្អរវាងសហភាពអឺរ៉ុបនិងវៀតណាមដែលបានរួមចំណែកយ៉ាងសំខាន់ក្នុងកិច្ចសហប្រតិបត្តិការអាស៊ាន - អឺរ៉ុប។

ផ្អែកលើទំនាក់ទំនងប្រវត្តិសាស្រ្តនិងការជឿទុកចិត្តគ្នារវាងរ៉ូម៉ានីនិងវៀតណាម កិច្ចសន្ទនានយោបាយការទូត និងកិច្ចសហប្រតិបត្តិការកាន់តែស៊ីជម្រៅលើវិស័យពាណិជ្ជកម្មសំណង់ឧស្សាហកម្មកសិកម្ម ឧស្សាហកម្មអប់រំនិងបណ្តុះបណ្តាលវិទ្យាសាស្រ្ត និងបច្ចេកវិទ្យាព័ត៌មាន បរិស្ថាន វប្បធម៌ ក៏ដូចជាទេសចរណ៍ នឹងអភិវឌ្ឍនាពេលអនាគត៕

（បកប្រែដោយ ហេង វុធ្ធី）

（ប្រភពព័ត៌មាន: thoidai.com.vn）

（បកប្រែដោយ ហេង វុធ្ធី）