ស្ថិតនៅលើជួរភ្នំ Truong Son ដ៏ធំមហិមា ជាច្រើនជំនាន់កន្លងមក ប្រជាជន Ma Coong (ជនជាតិ Bru-Van Kieu) នៅឃុំ Thuong Trach ស្រុក Bo Trach (Quang Binh) តែងតែយកចិត្តទុកដាក់ថែរក្សា និងលើកកំពស់អត្តសញ្ញាណវប្បធម៌នៃពិធីបុណ្យវាយស្គររបស់ពួកគេ។ ពិធីបុណ្យនេះត្រូវបានប្រារព្ធឡើងនៅថ្ងៃទី ១៦ ខែមាឃជារៀងរាល់ឆ្នាំ ដែលជាពិធីបុណ្យដ៏ធំ និងសំខាន់បំផុតសម្រាប់ប្រជាជន Ma Coong។
ប្រាសាទ An Ma ជាកន្លែងទាក់ទាញភ្ញៀវទេសចរមកទស្សនា |
អញ្ជើញទស្សនាសារមន្ទីរពិភពកាហ្វេ នៅទីក្រុង Buon Ma Thuot ខេត្ត Dak Lak |
មានរឿងព្រេងនិទានថា កាលពីព្រេងនាយ នៅលើទឹកដីរបស់ប្រជាជន Ma Coong មានសត្វស្វាពណ៌លឿងដ៏សាហាវមួយក្បាល ជារៀងរាល់យប់ វាតែងតែទៅវាលស្រែរបស់អ្នកភូមិ ដើម្បីស៊ីពោត និងបំផ្លាញស្រូវ។ ស្បៀងរបស់ប្រជាជន Ma Coong ធ្វើបានប៉ុន្មានត្រូវសត្វស្វាសាហាវមួយនេះប្លន់យកទៅទាំងអស់។ ដើម្បីការពារស្បៀង ប្រជាជនបានប្រើគ្រប់មធ្យោបាយ ប៉ុន្តែសត្វស្វានៅតែមិនខ្លាចទេ។ ប្រឈមមុខនឹងការពិតនោះ ព្រឹទ្ធាចារ្យភូមិបានបង្កើតវិធីវាយស្គរ និងគងដើម្បីដេញស្វា។ ថ្ងៃមួយ សត្វស្វានេះមកភូមិ ប្រជាជនវាយស្គរ បង្កើតជាសំលេងរំពងខ្ទរៗ ធ្វើឲ្យសត្វស្វាភ័យខ្លាច ហើយគេចចេញទៅជារៀងរហូត…
ប្រជាជន Ma Coong នៅឃុំ Thuong Trach ស្រុក Bo Trach (Quang Binh) រីករាយចូលរួមពិធីបុណ្យវាយស្គរ |
ដើម្បីរំលឹកដល់គុណូបការៈរបស់ព្រឹទ្ធាចារ្យភូមិ និងបួងសួងសុំឲ្យបានផលល្អ ជារៀងរាល់ឆ្នាំ ប្រជាជននាំគ្នារៀបចំពិធីសែនព្រេន ដើម្បីឧទ្ទិសកុសលផលបុណ្យដល់អាទិទេព។ សកម្មភាពនោះយូរៗទៅបានក្លាយជាពិធីបុណ្យវាយស្គររបស់ប្រជាជន Ma Coong។ ជាច្រើនជំនាន់កន្លងមក ជារៀងរាល់ឆ្នាំ ក្នុងឱកាសព្រះច័ន្ទពេញបូណ៌មី ខែមាឃ ប្រជាជន Ma Coong ប្រារព្ធពិធីបុណ្យវាយស្គរ ដើម្បីអបអរសាទររដូវថ្មី ហើយបួងសួងសុំឱ្យអាកាសធាតុអំណោយផល និងផលដំណាំល្អ។ ប្រជាជននៅទីនេះជឿថា សំលេងរំពងខ្ទរៗកាន់តែខ្លាំង ផលដំណាំកាន់តែសម្បូរ រួមជាមួយនឹងឆ្នាំថ្មីមានសំណាងល្អជាច្រើន៕
មតិពីមិត្តអ្នកអាន