នារសៀលថ្ងៃទី១ ខែមីនា នាយករដ្ឋមន្ត្រីវៀតណាម លោក Pham Minh Chinh បានជួបសន្ទនាតាមទូរស័ព្ទជាមួយលោក Kasper Rorsted អគ្គនាយកសម្ព័ន្ធក្រុមហ៊ុន Adidas ដើម្បីពិភាក្សាអំពីវិធានការជំរុញសកម្មភាពផលិតកម្ម និងធ្វើអាជីវកម្មរបស់ Adidas នៅវៀតណាម។
 |
| លោកនាយករដ្ឋមន្ត្រី Pham Minh Chinh ជួបសន្ទនាតាមទូរស័ព្ទជាមួយលោក Kasper Rorsted (រូបថត៖ vnanet.vn) |
លោកនាយករដ្ឋមន្ត្រី Pham Minh Chinh បានសម្តែងនូវជំនឿជាក់ថា សម្ព័ន្ធក្រុមហ៊ុន Adidas នឹងបន្តជំរុញសកម្មភាពផលិតកម្ម និងធ្វើអាជីវកម្មនៅវៀតណាម រួមទាំងការបង្កើតលក្ខខណ្ឌអំណោយផលសម្រាប់សហគ្រាសវៀតណាមឲ្យចូលរួមយ៉ាងស៊ីជម្រៅថែមទៀតក្នុងខ្សែសង្វាក់ផ្គត់ផ្គង់សកលរបស់ Adidas។
លោកនាយករដ្ឋមន្ត្រីបានស្នើឲ្យសម្ព័ន្ធក្រុមហ៊ុនបន្តពង្រីកយ៉ាងល្អការទទួលខុសត្រូវសង្គមរបស់សហគ្រាស យកចិត្តទុកដាក់ធានាសុខុមាលភាព និងលក្ខខ័ណ្ឌធ្វើការយ៉ាងល្អប្រសើរជូនពលករវៀតណាម។ លោកនាយករដ្ឋមន្ត្រីមានគោលបំណងចង់ឲ្យ Adidas នឹងបន្តរួមចំណែកក្នុងការជំរុញទំនាក់ទំនងសហប្រតិបត្តិការសេដ្ឋកិច្ច-ពាណិជ្ជកម្ម-វិនិយោគរវាងវៀតណាមជាមួយសាធារណរដ្ឋសហព័ន្ធអាល្លឺម៉ង់ និងសហភាពអឺរ៉ុប (EU)។
អគ្គនាយកសម្ព័ន្ធក្រុមហ៊ុន Adidas លោក Kasper Rorsted បានវាយតំលៃខ្ពស់ចំពោះកិច្ចសន្យាអភិវឌ្ឍន៍ប្រកបដោយចីរភាព កំណើនបៃតង និងការកាត់បន្ថយការបញ្ចេញឧស្ម័នពុលរបស់រដ្ឋាភិបាលវៀតណាមព្រមទាំងបញ្ជាក់ថា វៀតណាមគឺជា ភូមិសាស្ត្រដ៏សំខាន់ជួរមុខ និងជាគោលដៅមកដល់របស់វិនិយោគិនអាល្លឺម៉ង់ និងសហភាពអឺរ៉ុប។ នាពេលខាងមុខ សម្ព័ន្ធក្រុហ៊ុន Adidas នឹងបន្តខិតខំប្រឹងប្រែងដើម្បីទាញយកឱកាសអភិវឌ្ឍន៍នៅវៀតណាម៕
kh.qdnd.vn
មតិពីមិត្តអ្នកអាន