យុគសម័យ - ការតាំងពិព័រណ៍នេះបានទាក់ទាញការចូលរួមរបស់វិចិត្រករអ៊ុយក្រែនជាង ៩០ នាក់ទូទាំងប្រទេសអ៊ុយក្រែន ដែលមានគំនូរប្រហែល ១២០ ផ្ទាំងបង្ហាញយ៉ាងរស់រវើកនូវរូបភាពនៃប្រទេសជាតិ និងប្រជាជនវៀតណាម។
 ការតាំងពិព័រណ៍ “តេតសម័យបុរាណ” ឧទ្ទេសនាមនូវឯកសារ និងរូបភាពប្លែកៗជាង ១០០ អំពីតេតប្រពៃណី |
 ការតាំងពិព័រណ៍ “ពណ៌ចម្រុះនៃវប្បធម៌វៀតណាម និងហ្វីលីពីន” |
 |
| ឯកអគ្គរដ្ឋទូតវៀតណាមប្រចាំនៅអ៊ុយក្រែន លោក Nguyen Hong Thach ថ្លែងមតិក្នុងពិធីបើកការតាំងពិព័រណ៍។ |
ថ្លែងមតិក្នុងពិធីបើកការតាំងពិព័រណ៍នេះ ប្រធានសមាគមវិចិត្រករអ៊ុយក្រែន លោក Cherniavskyy Kostiantyn Volodymyrovych បានឲ្យដឹងថា សមាគម និងស្ថានទូតវៀតណាមបានបើកយុទ្ធនាការបង្កើតស្នាដៃលើប្រធានបទវៀតណាមសម្រាប់វិចិត្រករអ៊ុយក្រែនតាំងពីខែតុលា ឆ្នាំ២០២១។ លោក Cherniavskyy បានសម្តែងនូវសេចក្តីរីករាយដែលក្នុងរយៈពេលដ៏ខ្លីមួយ វិចិត្រករជាច្រើនមកពីទូទាំងប្រទេសអ៊ុយក្រែនបានឆ្លើយតប និងបង្កើតស្នាដៃដើម្បីបញ្ជូនទៅការតាំងពិព័រណ៍នេះ។
លោកឯកអគ្គរដ្ឋទូត Nguyen Hong Thach បានថ្លែងអំណរគុណចំពោះសមាគមវិចិត្រករអ៊ុយក្រែន មូលនិធិវប្បធម៌ Gorchakov និងជាពិសេសលោក Kostiantyn Cherniavskyy និងជាពិសេសចំពោះលោក Andrey Gorchakov ដែលបានខិតខំប្រឹងប្រែងរៀបចំព្រឹត្តិការណ៍នេះប្រកបដោយជោគជ័យ។ ការតាំងពិព័រណ៍នេះបានទាក់ទាញការចូលរួមរបស់វិចិត្រករអ៊ុយក្រែនជាង ៩០ នាក់នៅទូទាំងប្រទេស ដែលមានគំនូរប្រហែល ១២០ ផ្ទាំងដែលបង្ហាញយ៉ាងរស់រវើកនូវរូបភាពនៃប្រទេស និងប្រជាជនវៀតណាមតាមរយៈសិល្បៈ។ នេះគឺជាក្តីស្រលាញ់ពិសេសដែលសិល្បករ និងមិត្តភក្តិអ៊ុយក្រែនចំពោះប្រជាជន និងប្រទេសវៀតណាមក្នុងឱកាសរំលឹកខួបលើកទី ៣០ ឆ្នាំនៃការបង្កើតទំនាក់ទំនងការទូតទ្វេភាគី។
ក្នុងឱកាសនេះ លោកឯកអគ្គរដ្ឋទូត Nguyen Hong Thach បានវាយតំលៃខ្ពស់ចំពោះសមិទ្ធិផលរបស់ប្រទេសទាំងពីរក្នុងរយៈពេល ឆ្នាំកន្លងមក។ បច្ចុប្បន្នអ៊ុយក្រែនជាដៃគូយុទ្ធសាស្ត្រគ្រប់ជ្រុងជ្រោយមួយក្នុងចំណោមដៃគូយុទ្ធសាស្ត្រចំនួន ៣០ របស់វៀតណាម។ វៀតណាមជាដៃគូពាណិជ្ជកម្មកំពូលមួយក្នុងចំណោមដៃគូពាណិជ្ជកម្មកំពូលទាំង ៥ របស់អ៊ុយក្រែន នៅអាស៊ី។ ការតាំងពិព័រណ៌សិល្បៈ រួមចំណែកក្នុងគោលដៅរួមក្នុងការកសាងទំនាក់ទំនងវៀតណាម - អ៊ុយក្រែន ឱ្យកាន់តែរីកចម្រើនលើគ្រប់វិស័យ នយោបាយ សង្គម សេដ្ឋកិច្ច ពាណិជ្ជកម្ម វប្បធម៌ វិទ្យាសាស្ត្រ និងបច្ចេកវិទ្យា ...
ការតាំងពិព័រណ៍សិល្បៈនេះបើកសម្រាប់សាធារណជនដោយឥតគិតថ្លៃ ចាប់ពីថ្ងៃទី ១០ ដល់ថ្ងៃទី ២៧ ខែកុម្ភៈ ឆ្នាំ ២០២២ នៅទីស្នាក់ការកណ្តាលនៃសមាគមវិចិត្រករអ៊ុយក្រែន ១ - ៥ ផ្លូវSichovykh Striltsiv ទីក្រុងគៀវ។ បន្ទាប់ពីនោះ ការតាំងពិព័រណ៍នឹងប្រព្រឹត្តទៅនៅទីក្រុងធំៗ ផ្សេងទៀតនៃប្រទេសអ៊ុយក្រែនពេញមួយឆ្នាំ ២០២២៕
vov
មតិពីមិត្តអ្នកអាន