នាយប់ថ្ងៃទី ២១ មករា នៅរោងល្ខោនធំទីក្រុងហាណូយ ក្នុងឱកាសរំលឹកខួបលើកទី ៩២ នៃការបង្កើតបក្សកុម្មុយនិស្តវៀតណាម (ថ្ងៃទី ៣ ខែកុម្ភៈ ឆ្នាំ ១៩៣០ / ថ្ងៃទី ៣ ខែកុម្ភៈ ឆ្នាំ ២០២២) និងក្នុងឱកាសចូលឆ្នាំថ្មីប្រពៃណីជាតិនាពេលឆាប់ៗនេះ គណៈចាត់តាំងមជ្ឈិមបានដឹកនាំ និងសម្របសម្រួលជាមួយកាសែតប្រជាជន ទស្សនាវដ្ដីកុម្មុយនិស្ត ស្ថានីយ៍ទូរទស្សន៍វៀតណាម និងសមាគមអ្នកសារព័ត៌មានវៀតណាមបានរៀបចំពិធីប្រគល់រង្វាន់សារព័ត៌មានជាតិស្តីពីការកសាងបក្ស (ពានរង្វាន់ញញួរកណ្ដៀវមាស) លើកទី ៦ ឆ្នាំ ២០២១។
 ភាពប្លែកៗនិងពិសេសតែមួយគត់ក្នុងអាល់ប៊ុម"តាខ្លា" ឆ្នាំ ២០២២ ក្នុងឱកាសអបអរសារទរពិធីបុណ្យចូលឆ្នាំថ្មីប្រពៃណីវៀតណាម |
 ផ្ទះវិសេសវិសាលដែលមានវត្ថុបុរាណជាច្រើនពីសតវត្សទី១៦ នៅ Bat Trang |
 |
| លោក Vo Van Thuong ថ្លែងមតិក្នុងពិធី |
ថ្លែងមតិក្នុងពិធី លោក Vo Van Thuong សមាជិកអចិន្ដ្រៃយ៍នៃគណៈលេខាមជ្ឈិមបក្ស បានវាយតំលៃខ្ពស់ចំពោះតួនាទីរបស់សារព័ត៌មានក្នុងការជួយប្រជាជនទាំងនៅក្នុងនិងក្រៅប្រទេស និងមិត្តភក្ដិអន្តរជាតិយល់កាន់តែច្បាស់អំពីបក្សកុម្មុយនិស្តវៀតណាមនិងការងារកសាង ក៏ដូចជាសមិទ្ធិផលដែលប្រទសសម្រេចបានក្រោមការដឹកនាំរបស់បក្ស; រួមចំណែកក្នុងការបង្កើនជំនឿទុកចិត្តរបស់ប្រជាជនលើបក្ស រដ្ឋ និងរបបសង្គមនិយម។
 |
| ទស្សនាវដ្តីយុគសម័យបានទទួលពានរង្វាន់ពីអ្នករៀបចំ។ |
លោក Vo Van Thuong បានបន្ដថា ចំពោះមុខតម្រូវការកសាងនិងកែតម្រូវបក្ស និងការអភិវឌ្ឍរបស់សារព័ត៌មានទំនើប ការសរសេរអំពីការកសាងបក្សត្រូវបន្តច្នៃប្រឌិត ជាមួយនឹងស្នាដៃជាច្រើនមានលក្ខណៈកសាងនិងរិះគន់វិទ្យាសាស្រ្តនិងបញ្ចុះបញ្ចូល; ប្រយុទ្ធប្រឆាំងនឹងទស្សនៈខុសឆ្គងនិងអរិភាព ការពារមនោគមវិជ្ជា កម្មវិធីនយោបាយនិងគោលមាគ៌ារបស់បក្ស។
 |
| អ្នកនិពន្ធនៃទស្សនាវដ្តីយុគសម័យបានឈ្នះពានរង្វាន់ C ញញួរនិងកណ្តៀវមាស។ |
នៅក្នុងពិធីនេះ គណៈកម្មការរៀបចំបានប្រគល់រង្វាន់ A ចំនួន ៦, រង្វាន់ B ចំនួន ១២, រង្វាន់ C ចំនួន ១៦, រង្វាន់លើកទឹកចិត្តចំនួន ៣០ និងរង្វាន់តាមប្រធានបទចំនួន ១០ ដល់អ្នកនិពន្ធ៕
មតិពីមិត្តអ្នកអាន